inqilab iştirakçılarının əsas tələbləri konstitusiya (məşrutə)'
verilməsi, məclis çağırılması, xarici məmurların tutduqlan vəzifələrdən
kənar edilməsi və ölkədən qovulması və s. ibarət idi.
Arasıkəsilməyən çıxışlar nəticəsində şah hakimiyyəti inqilabçıla- nn
tələblərini ödəməyə məcbur oldu. 1906-cı il avqustun 5-də şah
konstitusiya haqqında fərman verdi, bunun ardınca məclisə seçkilər
barəsində fərman elan edildi. Xalq hər yerdə bəst yerlərini tərk etdi,
bazar-dükan açıldı. Lakin tezliklə məlum oldu ki, irtica yuvası olan şah
sarayı xalqın demokratiya tələblərinə uyğun atdığı addımlardan geri
çəkilmək, Təbrizdə isə vəliəhd Məhəmmədəli Mirzə hərəkata qarşı
çıxmaq niyyətindədirlər. Tehranda olduğu kimi Təbrizdə də mübariz
qüvvələr, gizli siyasi cəmiyyətlər, ilk növbədə «İslamiyyə əncüməni»
hərəkətə gəldi. Sentyabrın 20-də bir dəstə ruhaninin Təbrizdə ingilis
konsulxanasında bəstə oturması bütün şəhəri ayağa qaldırdı. Fəhlə,
sənətkar, tacir, milli burjuaziya, xırda və orta ruhanilər, şəhər yoxsullan,
məktəblərin müəllim və tələbələrindən ibarət minlərlə adam qismən
Təbrizin «Şamsam xan» məscidində bəstə oturdu, qalan hissə məscidin
ətrafında toplandı. Bəstə oturan 6000 nəfərdən çox adamın andiçmə
mərasimi keçirildi. Onlar məşrutə - konstitusiya yolunda mübarizəyə
sadiq qalacaqlan, bu yolda can və mallarını əsirgəməyəcəkləri haqqında
Qurana and içdilər. Bütün şəhəri bürüyən hərəkatın xərcini ödəmək üçün
«Konstitusiya tərəfdarlannm məxaric kassası» yaradıldı. Varlı tacirlər,
xüsusilə gizli siyasi cəmiyyətlərə mənsub olan tacirlərdən Hacı Mehdi
Küzəkunani, Hacı Rəhim Badkubəçi, Hacı Əlinağı Kən- ceyi, Hacı
Məhəmmədəli Badamçı və başqalan xərclərin ağırlığını öz üzərlərinə
götürdülər. Şəhərdə tətil, mitinq və etiraz nümayişlərinin arası kəsilmirdi.
Hərəkat iştirakçılan öz tələblərini Tehrana - şaha da çatdırdılar.
Sentyabnn 29-da şah sarayı Təbrizə göndərdiyi cavabında Azərbaycandan
məclisə nümayəndələr seçilməsinə icazə verildiyini və tezliklə seçki
nizamnaməsinin göndəriləcəyini qeyd edirdi. Məhəmmədəli Mirzə bu
cavabı Təbrizdəki hərəkat iştirakçılarına elan etməli oldu. Xalqın irtica
üzərində bu ilk qələbəsinin təkcə Azərbaycan deyil, bütün İranda inqilabi
hərəkatın inkişafı üçün böyük əhəmiyyəti oldu. Təbrizdəki 1906-cı il
sentyabr hadisələri Əsas Qanunun qəbul olunmasına və məclisin
açılmasına kömək etdi.
' Bu başlıca tələbə uyğun olaraq inqilab İran tarixinə məşrutə hərəkatı (nehzəte
məşrutiyyət) kimi daxil olmuşdur.
78
Göstərilən hadisələrdə Təbrizdə hələ inqilabdan bir il əvvəl yaranmış
«İclimaiyyunəl-amiyyun», yəni sosial-demokrat qrupu artıq siyasi bir
təşkilat kimi mühüm rol oynadı. Qeyd edilmolidir ki, 1905-ci ildə
Nəriman Nərimanovun bilavasitə iştirakı ilə Bakıda müxtəlif peşələrdə
çalışan Cənubi Azərbaycandan olan inqilabçılar tərəfindən İran «İcti-
maiyyunəl-amiyyun» («Mücahid») partiyasının təşkili İranın özündə, o
cümlədən Təbrizdə sosial-demokrat təşkilatlannın yaranması prosesini
xeyli sürətləndirdi.
1906-cı ilin sentyabr hadisələri zamanı Bakıdan gələn «İctimaiy-
yunəl-amiyyun» («Mücahid») partiyası üzvlərinin (onlar Nəriman
Nərimanovun Azərbaycan türkcəsinə tərcümə etdiyi RSDFP-nin
proqramının nüsxələrini özləri ilə gətirmişdilər) iştirakı ilə Təbriz sosial-
demokrat təşkilatı yaradıldı. Təbrizin ardınca həmin təşkilatlar Urmiya və
Xoyda da yaradıldı. 1905-1911-ci illər inqilabı dövründə Təbriz təşkilatı
və onun «Gizli mərkəz» («Mərkəze-qeybi») adlandırdığı rəhbərlik
mərkəzi geniş fəaliyyət göstərdi. «Gizli mərkəz»in üzvlərindən olan Əli
Müsyö, Hacı Əli Davafruş, Hacı Rəsul Sədəq- yani və başqaları (cəmi 12
üzv), xüsusilə təşkilatın yaradıcısı olan Əli Müsyö şəxsi qəhrəmanlıq
göstərməklə yanaşı, bacarıqlı təşkilatçılar kimi fərqləndilər. «Gizli
mərkəz» inqilabın başlanğıcından sonunadək Cənubi Azərbaycanda
hərəkəta rəhbərlik etmiş, başlıca olaraq şəhər zəhmətkeşlərini,
sənətkarları, xırda tacirləri, inqilaba rəğbət bəsləyən bütün demokratik
qüvvələri birləşdirmək və silahlandırmaqda mühüm işlər görmüşdür.
Azərbaycan əyalət
1906-cı il sentyabnn 29-da qazanılmış ilk qələ-
əncüməninin
bədən sonra Təbrizdə böyük ruh yüksəkliyilə
yaranması
məclisə seçkilər başlandı. Bu məqsədlə hərəkat
başçılanndan əncümən seçildi. Əncümənə müxtəlif təbəqələrdən Hacı
Mehdi Küzəkunani, Mir Haşım, Mirzə Hüseym Vaiz, Məlukuttuccar və
başqaları (cəmi 20 nəfər) seçildilər. Müxtəlif adlarla və müxtəlif
mahiyyətlə fəaliyyət göstərmiş bu əncümən daha çox «Azərbaycan əyalət
əncüməni» kimi tanınmış və bu ada uyğun olaraq əyaləti idarə edən
hakimiyyət orqanı funksiyası daşımışdır. Təbrizin ardınca əncümənlər
Cənubi Azərbaycanın Urmiya, Ərdəbil, Marağa, Salmas, Maku, Zən- can,
Xalxal və başqa şəhərlərində də yaradıldı. Əncümənlər Təbrizin
timsalında İranın Tehran, İsfahan, Kirman, Məşhəd, Rəşt kimi
şəhərlərində də yaradıldı. Bütün İranda, xüsusilə Cənubi Azərbaycanda
79
yaradılmış bu demokratik əncümənlər inqilab dövründə yerlərdə
demokratik qayda-qanun yaradılmasında, feodal özbaşınalığına qarşı
tədbirlər həyata keçirilməsində, rüşvətxorluğun və möhtəkirliyin
qarşısının alınmasında, bu məqsədlə köhnə hakimiyyət aparatının
dəyişdirilməsində mühüm işlər gördü.
Azərbaycan əyalət əncüməninin siyasi hakimiyyət orqanı kimi fea-
liyyət göstərməsində, bu sahədə püxtələşməsində Təbriz sosial-demokrat
təşkilatı, onun rəhbər mərkəziyyəti - «Gizli mərkəz» mühüm rol
oynamışdır. Hər iki orqanın əlbir işi və hərəkata birgə rəhbərliyi Cənubi
Azərbaycanda inqilabın demokratik məcrada getməsinə şərait yaratmış,
inqilabın silahlı qüvvəsi olan mücahid dəstələrinin' təşkilinə imkan
vermişdi. Mücahid dəstələrinin əksəriyyətini fəhlələr, şəhər yox- sullan,
sənətkarlar, xırda burjuaziya və kəndlilər təşkil edirdi. Bu qüvvələrə
arxalanaraq
əncümənlər
yerlərdə
əks-inqilab
basqınlannı
müvəffəqiyyətlə dəf edə bilirdilər.
Məclisə nümayəndələr seçilməsi Təbrizdə noyabnn 5-də, bütün
Azərbaycanda isə dckabnn əvvəllərində başa çatdınidı. Az sonra
nümayəndələr Bakıya, oradan da Tehrana yola düşdülər.
1906-cı il dekabnn 30-da Ölüm yatağında olan Müzəffərəddin şah
hələlik birinci hissəsi hazırlanmış konstitusiyam imzaladı. Lakin keçmiş
vəliəhd, indisə artıq 1907-ci il yanvann 19-da taxta əyləşmiş Məhəmmə-
dəli Təbrizdə və ümumiyyətlə, bütün Cənubi Azərbaycanda yürütdüyü
əks-inqilabi siyasəti bütün İran miqyasında həyata keçirməyə başladı. O,
atasının imzaladığı konstitusiyanı tanımaq istəmirdi.
Bu xəbər iqtisadi tətillərin baş verdiyi və siyasi mübarizənin davam
etdiyi Təbrizdə hərəkatın daha da dərinləşməsinə səbəb oldu.
' Qafqazdan gələn və özlərini «İctimaiyyunəl-amiyyun. Mücahid» təşkilatı ilə bağlı
olaraq mücahid adlandıran iranlılar İranda «Qafqaz mücahidləri» kimi tanınmışdılar
(onlann qafqazlılara məxsus geyimdə olması da nəzərə alınmalıdır). Geniş mənada isə
mücahid (mübariz, fədakar deməkdir) və eləcə də fədai (fəda olan) əqidə və azadlıq
uğrunda mübariz, özünü föda etməyə hazır olanlara, bir sözlə, inqilabın bütün fəal
iştirakçılanna deyilirdi. Onlar içərisindən yaradılan silahlı hissələr döyüşkən mücahid və
fədai dəstələrini təşkil edirdi.
80
Dostları ilə paylaş: |