Əhməd Kəsrəvi və başqalan tərəfindən qoyulmuş «nəzəriyyə» ilə
əsaslandınlırdı. Azərbaycanın iki qonşu dövlət arasında bölünməsi və öz
vahid dövlətçiliyini itirməsindən sui-istifadə edilərək icad edilmiş bu
qondarma nəzəriyyəyə görə həmin diyarın şimal hissəsi guya heç vaxt
Azərbaycan adını daşımamış (Alban-Aran adına sahib olmuş), şimalda və
cənubda yaşayan əhali isə tarixən və müasir dövrdə etnik cəhətdən
müxtəlif uluslara mənsub olmuşdur. Uydurulmuş və tarixi həqiqətlərə,
tarixi mənbələrin verdiyi məlumatlara tamamilə əks olan bu «nəzəriyyə»
sahibləri xalqın böyük bir hissəsini - cənubda yaşayan əhalini onun əslən
fars mənşəli olmasına, əslən fars dilinin yerli bir ləhcəsi kimi qələmə
verdikləri dilin sonradan Səlcuqlann gəlişi ilə türkləşməsinə inandırmağa
çalışırdılar.
Rza şahın mərkəzləşmiş güclü dövlət yaratmaq məqsədilə apardığı
inzibati siyasəti də qeyri-fars millətlərin varlığına, onlann milli
təmərküzləşməsinə qarşı çevrilmişdi. Rza şah hakimiyyətinin
azərbaycanlılara qarşı apardığı antitürk siyasəti 30-cu illərin sonlarında
apardığı yeni inzibati bölgüdə öz zirvəsinə yetdi. Belə ki, 1937-ci ilin
noyabrında təsdiq edilmiş yeni inzibati bölgüyə görə tran 10 ostana
(vilayətə) bölündü və Azərbaycan ərazisi üçüncü («Şərqi Azərbaycan»,
mərkəzi Təbriz şəhəri), dördüncü («Qərbi Azərbaycan», mərkəzi Urmiya
şəhəri) və əsasən Azərbaycan torpaqlanndan ibarət olan birinci («Gilan»,
mərkəzi Rəşt şəhəri) ostanlara aynlmış oldu. Azərbaycanın tarixi ərazisi
olan Həmədan vilayəti isə beşinci («Kürdüstan», mərkəzi Senən- dəc
şəhəri) ostana qatılmışdı (sonrakı dövrlərdə bu bölgüdə başlıca olaraq
qeyri-fars millətlərdə milli formalaşma proseslərinə əngəl yaratmaq
məqsədilə daha bir sıra mühüm dəyişikliklər edildi, o cümlədən
Azərbaycan adını daşıyan ostanlann ərazisi yeni bölgülərə və azalmalara
məruz qaldı).
Beləliklə, Rza şah hakimiyyəti tranda feodal zülmünü müəyyən
qədər məhdudlaşdırmış olsa da, ölkədə keçmişdə görünməmiş amansız
milli zülm siyasətinin əsasını qoydu. Azərbaycan türklərinə qarşı daha
çox qəddarlıqla həyata keçirilən bu siyasət mahiyyətcə Azərbaycanın və
Azərbaycan türklərinin vahidliyinə qarşı çevrilmişdi.
337
X I I F Ə S t L
AZƏRBAYCAN ÖCİNCt DÜNYA MÜHARİBƏSİ
İLLƏRİNDƏ
§ 1. Müharibənin başlanması. Xalqın faşizmə qarşı
mübarizəyə səfərbər edilməsi
Tərəflər və
Beynəbcalq vəziyyət 30-cu illərdə xeyli gərgin-
niyyətlər
ləşmişdi. Dünya müharibəsi təhlükəsi yaranmışdı. Xammal
mənbələri, bazarlar, müstəmləkələr, dünya ağalığı uğrunda mübarizə
artıq dinc siyasi vasitələrlə davam etdirilə bilmirdi. İngiltərə və Fransa öz
müstəmləkələrini qoruyub saxlamağa, yeni torpaqlar, nüfuz dairələri ələ
keçirməyə, Almaniyanı və SSRİ-ni qarşı-qarşıya qoymağa, onların hər
ikisini zəif salmağa, həm faşizmə, həm də dünya inqilabına can atan
kommunizmə öldürücü zərbələr vurmağa çalışırdılar. Almaniya, İtaliya
və Yaponiya xammal, satış bazarları, təsir dairələri əldə etmək, bunun
üçün dünyanı yenidən bölüşdürmək istəyirdilər. Avropada yaranmış
siyasi nisbətləri saxlamağa hələlik tərəfdar olan ABŞ Şərqi və
Cənub-Şərqi Asiyada öz mövqelərini möhkəmləndirmək niyyətində idi.
Böyük Britaniya, Fransa və ABŞ-ı ən çox narahat edən SSRİ-nin maddi
sərvətlərinin onun sosializm yoluna çəkməyə çalışdığı Almaniyanın
texnoloji imkanlan ilə birləşdirilməsi təhlükəsi idi. Buna görə də onlar
Almaniyada faşistlərin hakimiyyətə gəlməsinə və möhkəmlənməsinə,
demək olar ki, kömək etdilər. Bu ölkələr Almaniyanın Mərkəzi
Avropadakı maraqlannm qismən təmin olunmasına, Avstriyanın,
Çexoslavakiyanın ona birləşdirilməsinə razılıq verən Münhen
sövdələşməsinə (1938-ci il 29 sentyabr) faşizmi kommunizmə qarşı
qoymaq vasitəsi kimi baxırdılar. Onlar Yaxın Şərqdəki mövqelərini möh-
kəmləndimək üçün Cənub-Şərqi Avropaya, Qara dəniz boğazlanna,
Cənubi Qafqaza, xüsusən Azərbaycana, Bakı neftinə sahib olmağa can
atırdılar.
3 3 8
SSRİ şimalda Finlandiyanı, cənubda İran körfəzinə qədər ərazini,
Bolqanstanı öz nüfuz dairəsinə almaq, Şimali Saxalində Yaponiyanın neft
və kömür çıxarmaq hüququnu ləğv etmək, Kerzon xəttindən (Versal
sülhünə görə Polşanın şərq sərhədi) şərqdə Polşa, Pribaltika, Qərbi
Ukrayna, Qərbi Belorusiya, Bessarabiya və Şimali Bukovinanı ələ
keçirmək, Bosfor və Dardaneldə hərbi bazalar yaratmaq istəyirdi. O, qərb
dövlətləri arasında ziddiyyətlərin kəskinləşməsinə, hərbi toqquşmalar
nəticəsində onların zəifləməsinə, dünya inqilabı, kommunist rejimi
ölkələrin çoxalması üçün münasib şərait yaranmasına çalışırdı.
İri dövlətlərin heç biri SSRİ-yə ciddi hərbi-iqtisadi qüvvə, müttəfiq
kimi yanaşmırdılar. Generalları «xalq düşməni» elan edilib başsız qalmış
ordusu, inkişaf sürətini xeyli azaltmış sənayesi və tez-tez büdrəyən kənd
təsərrüfatı olan bu ölkəyə belə münasibət təbii idi. Xarici dövlətlər
SSRİ-yə zorla birləşdirilmiş, mərkəzdən və bir-birindən asılı vəziyyətə
salınmış, istismar olunduğunu dərk edən və gizli münaqişədə olan
xalqların süni ittifaqı kimi baxır, onun davamlılığına inanmırdılar.
«Kazarma sosializmi»nin ölkəni ekstremal hallarda vahid düşərgəyə
çevirmək, səfərbər etmək imkanları düzgün qiymətləndirilmirdi. Bununla
belə, bu dövlətlərin heç biri SSRİ-nin digər dövlətlərlə yaxınlaşmasım
istəmirdilər. Beynəbcalq təhlükəsizlik sistemi yaratmaq sahəsində
qeyri-ciddi cəhdlər göstərməklə, bir tərəfdən bu işin təşəbbüsçüsü olan
SSRİ, digər tərəfdən Böyük Britaniya və Fransa, əslində bir-birini
Almaniya ilə müqavilə bağlamaqdan çəkindirməyə çalışırdılar. Buna görə
də 1939-cu ilin martından beş ay davam etmiş danışıqlann nəticəsi
olmadı.
Öncə ABŞ, Böyük Britaniya və Fransa ilə yaxınlaşan və onlarla
birlikdə Yaponiyanı SSRİ-yə qarşı qoyan faşist Almaniyası Qırmızı
Ordunun Uzaq Şərqdəki qələbələrindən nəticə çıxanb (Sovet Ordusu
1938-ci ilin iyul-avqust aylannda Xasan gölü rayonunda SSRİ, 1939-cü
ilin may-avqust aylannda isə Xabcin-qol tərəfdə onun müttəfiqi olan
Monqolustan ərazilərinə hücum etmiş yapon silahlı qüvvələrini ağır
məğlubiyyətə uğratmışdı) mövcud qüvvələri ilə şərqdə müvəffəqiyyət
qazana bilməyəcəyinə əmin olaraq Qərbi Avropanı özünə tabe etmək
üçün Moskva ilə yaxınlaşmağa başladı və ona müqavilə bağlamağı təklif
etdi. İki ölkə arasında 1939-cu il avqustun 23-də on il müddətinə hücum
etməmək haqqında müqavilə bağlandı. Bu vasitə ilə SSRİ iki cəbhədə -
qərbdə və şərqdə müharibə aparmaq təhlükəsindən qurtardı, ölkənin
müdafiə qabiliyyətini artırmaq üçün vaxt qazandı (baxmayaraq ki, bu
339