ilə əlaqəcfer bataqlaşma və təkrar şorlaşma kimi neqativ nəticələri istisna
etsək, suvarma yer səthi havasında və torpağın üst qatlarında bitki üçün
əlverişli istilik və rütubət nisbəti yaradır, yüksək temperaturun və bitki
vegetasiyasmm ayrı-ayrı dövrlərində rütubət çatışmazlığını aradan qaldırır.
Suvarma torpaqların mikroiqlimini və su rejimini dəyişir: radiasiya balansı
yüksəlir, torpağın nəmliyi və onun səthindən, həmçinin bitkinin özündəQ
\gkuxarlanma çoxalır, havanın rütubətliyi artır, havänın və torpağın
ternperaturu aşağı düşür. Biokimyəvi proseslərin intensiv gedişi üçün şərait
yaranır, torpağın münbitliyi artır. Hidroloji və hid- rogeoloji şəraitin
dəyişməsilə bitki örtüyü də dəyişir. Kanal boyu zəngin hidrofıl və mezofıll
bitki örtüyü inkişaf edir, ağac bitkiləri peyda olur, yerli fauna yeni növlərlə
zənginləşir, yerli növlərin əksəriyyətinin sayı çoxalır, lakin onların bir hissəsi,
xüsusən kserofıllər sıradan çıxır və sayı azalır. Vahələrdə çoxlu miqdarda həm
təsərrüfat üçün faydalı, həm də zərərli heyvanlar və həşəratlar toplanır.
Kanalların sahili boyu qarğı, qamış və cil bitkiləri ilə zəbt olunan
sahələrdə müxtəlif rütubətsevən gəmiricilər geniş məskunlaşır.
Avropanın bozqır zonasında hər cür suvarma üsulları nəticəsində
sahələrdən ilk növbədə gəmiricilərin bozqır, kserofıt növləri (ərəb dovşanı, çöl
siçanı, cənub siçanı və s.) sıxışdırılır. Şırımlarla suvarma aparılan çəltik
tarlalarında ev siçanı məskunlaşır. Səthi suvarma aparılan sahələrdə, zolaqlar
boyu ev siçanı, meşə siçanı, adi çöl siçanı, pis plani- rovka aparılan yerlərdə və
zolaq boyu təpəciklərdə isə sünbülqıran qalır. Drenaj suvarmada bu növlərə
boz dağ siçanı da əlavə olunur. Səthi suvarma aparılan sahələrdə torpaq
quruduqdan sonra ev siçanı və meşə siçanı yenidən qayıdır, həm də onların
sayı burada yaxşı yem olduğundan dəmyə tarlalara nisbətən daha çox olur.
Qaraqum kanalı tikildikdən sonra kanal boyu və ona bitişik suvarılan
sahələrdə rütubəlsevər faunanın nümayəndələri (ağcaqanad, mığmığa, milçək,
ev siçanı, boz dağ siçanı, lövhədişli siçovul, qırmızıquyruq qum siçanı və b.)
burada əlverişli mikroiqlim və yem şəraiti tapdığından bir çox kserofil
heyvanları sıxışdıraraq uzaq məsafələrə çəkilməyə məcbur edir.
Yuxarı Qarabağ və Yuxarı Şirvan suvarma kanallarının tikilməsi Şirvan,
Mil, Muğan və Qarabağ düzlərinin yarımsəhra mənzərəsini dəyişdirərək
oradakı biotopların xarakterik əlamətlərini və növ strukturunu də dəyişmişdir.
Belə ki, tulyaremiya xəstəliyi infeksiyasmm əsas yayıcısı olan su siçovulu
suvarma kanalları ilə yarımsəhranın dərinliklərinə soxularaq bura özü ilə
tulyaremiyanın spesifik parazit daşıyıcılarını (L.muris, H.anphibius,
H.glasgowi) (Hacıyev və b., 1970) gətirdi.
Kəskin yoluxucu xəstəlik leptospirozların törədicilərinin yayıcıları olan
gəmiricilər çəltik tarlalarında da müşahidə olunur, burada onların
286
yayılması suyun bolluğu, müxtəlif cür heyvan və bitki yeminin mövcudluğu
və yuva qurmaları üçün əlverişli yerlərin olmasıdır. Açıq suvarma kanalları
şəbəkəsi inkişaf etmiş Şimali İsraildə, su tarlalara borularla verilən ölkənin
cənubuna nisbətən leptospirozdan əziyyət çəkənlər daha çoxdur. Çində
leptospiroz xəstəliyinə çox vaxt kənd əhalisi tutulur, onlar bu xəstəliyə əsasən
çəltik tarlalarında alaq işləri və məhsulun yığımı zamanı yoluxurlar. İtaliyanın
Po çayı vadisində yerləşən əyalətlərində (Paviya, Modena, Kremona,
Mantuya, Balonya) çəltik tarlalarında çalışan mövsümi fəhlələr arasında hər il
düyü məhsulu yığımı dövründə leptospiroz xəstəliyinə yoluxanlar qeydə
alınmışdır, çəltik tarlalarından kənar yerlərdə isə bu xəstəliyə yoluxanlara rast
gəlinmir. Leptospiroz xəstəliyinin yayıcıları həm suvarma kanallarından və ya
çöldə olan və yol- kənarı gölməçələrdən xəstəliyə yoluxan ev heyvanları (iri
və xırda buynuzlu mal-qara, donuz), həm də vəhşi heyvanlar, əsasən
gəmiricilər ola bilər. Bataqlıqlarda və ya bataqlaşmış su kanalları boyu
yerləşən kolluqlarda, həmçinin çox suvarılan bağlarda bu xəstəliyin yayıcı
mənbəyi ev siçanları hesab olunur. Qrunt sularının səviyyəsinin qalxması,
sahil xəttinin su ilə basılması, suvarılan torpaqdan düzgün istifadə edilməməsi
müxtəlif qızdırma xəstəliyi növləri, ensefalit və ilk növbədə malyariya
yoluxucu xəstəliklərinin yayıcılarının artmasına səbəb olur. Belə xəstəliklərin
yayıcılarının yayılmasında çəltik tarlalarında günəşlə yaxşı qızdırılan dayaz su
hövzələri və işin qeyri səmərəli təşkil olunması hesab edilir. Çəltik tarlası,
bəzən su alaq bitkiləri ilə birlikdə ağcaqanadların, o cümlədən Culex cinsinin
ən sevimli yerinə çevrilir.
Quruducu kanalların və nasos qurğulu suqəbuledicilərin tikilməsi,
lazımsız su hövzələrinin torpaqla örtülməsi, ağcaqanadların sürfə qoyduğu
yerlərin şumlanması, suvarıcıların sudan istifadə qaydalarına riayət etməsi,
həm ağcaqandlarm artmasının qarşısını alar, həm də kənd təsərrüfatında
istifadə üçün münbit torpaq sahələrini artırar.
Beləliklə, quraqlıq ərazilərin suvarılması deyil, onun layihələşdiril- məsi,
tikilməsi və irriqasiya qurğularının istismarı zamanı buraxılan ayrı-ayrı
səhvlər təbii infeksiya ocaqlarının aktivləşməsinə səbəb olur. Bu nöqsanların
aradan qaldırılması suvarılan ərazilərin sağlamlaşdırılması- na şərait yaradar.
13.3.
SUVARMA VƏ TORPAĞIN ŞORLAŞMASI
Torpağın suvarılmasının ən təhlükəli nəticəsi onun şorlaşması (duz-
laşması) sayılır. Planetimizdə hər il şorlaşma nəticəsində 300 min ha suvarılan
torpaq sahəsi yararsız hala düşüb istifadədən çıxır, dünyada şorlaşmış bəhrəsiz
torpaqların sahəsi 25 mln. ha-a çatır.
287