Ġndi nə həmin təhsil qanunundan bir Ģey qalıb, nə də o imtiyazlardan.
Biz təhsilin strateji əhəmiyyətini və müəllim Ģəxsiyyətinin cəmiyyətdəki rolunun önəmliliyini
sələflərimizdən də, xələflərimizdən də yaxĢı dərk edirdik, çünki özümüz bu mühitin
yetiĢdirməsiyik, ona görə də düĢünürdük ki, müəllimi maddi və mənəvi baxımdan elə
dəstəkləmək lazımdır ki, hətta dövlətin cibinin boĢalması hesabına da olsa gərək onun
cəmiyyətdəki nüfuzu nəinki itməsin, əksinə, daim yüksəlsin ki, o, millət balalarına ürəklə dərs
keçsin, savad öyrətsin. Məqsədimizin ana xətlərindən biri buydu.
Tətbiq etdiyimiz yeniliklərin gerçəkləĢməsi bizə hədsiz maddi-mənəvi-psixoloji çətinliklər
bahasına baĢa gəlsə də dövlətin və xalqın mənafeyini üstün tutaraq onlardan geri çəkilmirdik.
Məsələn, ən mühüm yeniliklərimizdən biri olan testlə qəbul imtahanlarının tətbiqini götürək.
Test imtahanlarını meydana çıxarmaq sadə məsələ deyildi. Onun mühüm bir ictimai-sosial
təyinatı vardı - qəbul imtahanlarında rüĢvətin qabağını almaq və "ali məktəbə yalnız biliyin
gücünə qəbul olunmaq mümkündür" psixologiyasını Azərbaycan vətəndaĢına aĢılamaq.
"Kimin arxası, pulu varsa tələbə olacaq, kimin yoxudursa bayırda qalacaq" əminliyi millət
balalarının oxumağa, savadlanmağa həvəsini öldürür, millətə sağalmaz zərbə vurur. Biz
savaddan baĢqa bütün imtiyazları aradan qaldırdıq və test imtahanlarını birbaĢa prezidentin
nəzarətinə keçirdik. Burada hər hansı saxtakarlıq etmək mümkün deyildi - belə bir Ģey
olsaydı, deməli, onu mən etməliydim.
Bizim nazirlikdəki bir çox iĢçilərin uĢağı kəsilmiĢdi.
Prezident Aparatında da eyni vəziyyətdi. Amma həbsxanada olan Vaqif Hüseynovun qızı ali
məktəbə daxil olmuĢdu. Özləri də inanmırdılar. Sonra atası demiĢdi ki, onun qəbul olmasının
sevinci mənə bəsdir - fikirləĢirdim ki, onu Moskvada aparıb oxudacağam, amma bir qəpik də
xərc çəkmədən özü girib oxuyur.
Deməli, biz öz biliyinə inam psixologiyasını bərqərar etdik. Bununla da cəmiyyətdə müəyyən
dərəcədə sosial rahatlıq, ahəngdarlıq yaratmağa nail olduq. Adamlar eĢidəndə ki Prezident
Aparatında yüksək vəzifəli Ģəxslərdən birinin qardaĢı, birinin uĢağı məktəbə girə bilmədi, bu,
on minlərcə insanı cəmiyyətdə ədalətin mövcudluğuna inandırdı. Düzdür, sovet rejiminin
yetiĢdirməsi olan hələ xeyli adam birdən-birə bu gerçəkliyi həzm edə bilmir, bizi Don Kixot
sayırdı, hətta ağlımıza Ģübhə edənlər də vardı. Ancaq biz heç nəyə fikir vermədən cəmiyyətə
sübut
etmək istəyirdik ki, seçdiyimiz yol yalnız onun rifahına aparır.
Ədalət bəy, tam səmimiyyətlə deyirəm - həyatımın ən ləzzətli anları testə görə sadə
vətəndaĢların bitməz-tükənməz təĢəkkürlərini eĢidərkən olub. Axı tələbə vaxtımda da,
universitetdə müəllim iĢləyəndə də (yeri gəlmiĢkən, onda da məni rüĢvət almadığıma görə
qınayanlar vardı) ali məktəblərdəki rüĢvətxorluğun xalqa necə sağalmaz yaralar vurduğunu
görüb içimdə qovrulur, onu aradan götürmək yollarını düĢünürdüm. Tale elə gətirdi ki, bu
bəlanı yox etmək Ģərəfi özümə nəsib oldu; mən bundan rus qoĢunlarını Azərbaycandan
çıxarmağım qədər qürur duyuram!