113
Bir ay xəstəxanada yatdı, həmin iki nəfər də həmişə
yanında qaldılar. Xəstəxanadan çıxıb evə gələndə də
yanında idilər.
Hələ yarası sağalmamış cəbhədən adam göndərdilər.
Həmin yaralarla cəbhəyə qayıtdı.
O, şəhid olandan sonra həmin iki nəfəri gördüm. Özləri
gəlmişdilər. Dedilər ki, biz ağa Burunsinin mühafizəçiləri
idik. Gözlərim az qala hədəqəsindən çıxacaqdı. Ağlıma
gəlməyən yeganə şey bu idi.
– Bəs siz nə üçün mənə bir söz demirdiniz?
– Hacı ağa xahiş etmişdi ki, sizə heç nə deməyək; nə
sizə, nə də başqa birinə.
O
biri
yoldaşı dilləndi: «Onu bizim çoxlu
etirazlarımızdan sonra xüsusi palataya köçürdülər».
– Nə üçün?
– Çünki o rəhmətlik həmişə insanların arasında olmaq
istəyirdi, biz isə bunu təhlükəli sayırdıq. Sonunda xahiş-
minnətdən sonra oradan çıxardıq.
Dostları ilə paylaş: