qaçaqlar, qatillər onların yanından maneəsiz keçirdilər. Odur ki hər
hansı quldur dəstəsinin bir saraya, malikanəyə, yaxud izdihamlı
məhəllələrdə belə yerləşən dükana silahlı hücum etməsi o qədər də
təəccüblü bir şey deyildi. Qonşular yalnız quldurlar onların qapısını
döydüyü zaman işə qarışardılar. Başqa vaxtlarda isə onlar tüfəng səsi
eşidər-eşitməz qulaqlarına pambıq tıxayıb pəncərələrini qapayar,
qarovulun köməyilə, yaxud yardım olmadan hadisənin nə ilə
bitəcəyini gözləyərdilər. Ertəsi gün isə tanışlar bir-birinə təzə xəbər
söyləyirdi: “Keçən gecə Etyen Barbetin evini qarət etmişlər”, “Marşal
Klermonun evini yarmışdılar” və sairə. Odur ki Luvr, Bas- tiliya kimi
kral iqamətgahlarından başqa Burbon, Sans, Anqulem sarayları kimi
bir çox böyük ağaların evlərinin ətrafında da daşdan hörülmüş
hasarların mazğallan, darvazalarında qalaçalar vardı. Kilsələri onların
müqəddəs olması mühafizə edirdi. Ancaq bu, bəzilərinə, eyni
zamanda Paris Notr-Dam kilsəsinə aid deyildi - onun istehkamları
vardı. Məsələn, Sen-Jermen abbatlığının ətrafina baron qəsri kimi
dişli hasarlar çəkilmişdi və bu abbatliq çox ehtimal ki, zənglərdən çox
toplara mis sərf etmişdi. Bu istehkamların izləri 1610-cu ilədək
qalmışdı. Hazırda abbatlığın yalnız kilsəsi qalmışdır.
Qayıdaq yenə Notr-Dam kilsəsinə.
Avaralar ordusunda böyük nizam-intizam olduğunu da qeyd
etməliyik: Klopen Truyefunun əmrləri sözsüz və böyük diqqətlə yeri-
nə yetirilirdi. Dəstədə hərbi intizam yaradıldıqdan sonra onun layiqli
rəhbəri Klopen pilləkənə çıxdı və arxasını kilsəyə çevirərək əlindəki
məşəli yırğalaya-yırğalaya qaba və boğuq səslə danışmağa başladı.
Məşəlin küləkdən közərən, ya da öz tüstüsündə boğulan alovu gah
kilsənin fasadını qırmızımtraq işıqla işıqlandırır, gah da qaranlığa
qərq edirdi.
- Mən, Tun kralı, qaraçılar knyazı, təlxəklər yepiskopu - Klopen
Truyefu Paris yepiskopu, kral şurasının üzvü Lui de Bomon, sənə
müraciət edirəm. Bizim bacımız haqsız olaraq cadugərlikdə ittiham
edilərək ölümə məhkum edildiyindən sənin kilsəndə gizlənmişdir.
Sən onu himayə və müdafiə etməlisən; halbuki kral məhkəməsi onu
buradan çıxarmaq istəyir, sən də buna razılıq vermisən. Allah və
bizim şanlı ittifaqımız olmasaydı, sabah bizim bacımız Qrev mey-
danında asılmalı idi. Ey, yepiskop, biz sənin yanına gəlmişik! Əgər
sənin kilsən toxunulmazdırsa, bizim bacımız da toxunulmazdır; ancaq
721
downloaded from KitabYurdu.org
DÜNYA ƏDƏBİYYATI KLASSİKLƏRİ
siz bizim bacımızı toxunulmaz saymırsınızsa, biz də sizin kilsənizi
toxunulmaz saymırıq. Odur ki biz səni dəvət edib deyirik ki: əgər sən
öz kilsəni xilas etmək niyyətindəsənsə, bizim bacımızı təhvil ver,
yoxsa biz onu zorla alacağıq və kilsəni tar-mar edəcəyik. Bu belədir
ki, var. Sözümün doğruluğunu isbat etmək üçün bayrağımı bura
sancıram. Allah özü səni mühafizə etsin, Paris yepiskopu.
Təəssüf ki, bu qədər məsum və vəhşi təntənə ilə söylənmiş bu
sözləri Kvazimodo eşitmək iqtidarında deyildi. Avaralardan biri bay-
rağı Klopenə verdi, Klopen onu təntənəylə daşların arasındakı dəliyə
sancdı. Bayraq deyilən şey böyük bir yaba idi, ucuna isə leş
taxılmışdı.
Sonra Truyefu boylanıb öz ordusunu nəzərdən keçirdi və əsgər-
lərin gözlərinin nizələrinin ucu kimi par-par parladığını görüb məm-
nun oldu.
-
İrəliyə, uşaqlar! İşə başlayın, qoçaqlarım! - O, bir az susduq-
dan sonra bağırdı. Bu sözləri söylər-söyləməz əvvəllər çilingər olan
otuz nəfər sağlam vücudlu, enlikürək kişi sıradan irəli çıxdılar. Onla-
rın çiynində çəkic, kəlbətin və dəmir linglər vardı. Kilsənin böyük
qapısına doğru getdilər, pilləkənləri çıxdılar və bir dəqiqə sonra
qapıları linglə, qıfılları isə kəlbətinlərlə qırmağa başladılar. Sərsəri-
lərin çoxusu baxmaq, yaxud onlara kömək etmək məqsədilə qabağa
çıxdılar. Az sonra izdiham kilsənin qarşısındakı pilləkənin on bir
pilləsini də tutmuşdu.
Buna baxmayaraq, qapı açılmırdı.
-
Zəhrimara qalasan! Nə tərs qapı imiş! - avaralardan biri
deyirdi.
-
Qapı çox köhnədir, lap sümük kimidir! - o biri dedi.
Klopen isə onları ruhlandıraraq bağırırdı:
-
ürəkli olun, uşaqlar, qorxmayın! Başımla cavabdehəm ki, siz
qapını sındırıb qızı qaçıracaqsınız və qarovulçulardan biri belə oyan-
madan baş mehrabı tar-mar edəcəksiniz. Baxın, deyəsən, qıfıl sınır!
Bu zaman Klopenin nitqini onun arxasından gələn dəhşətli gur-
ultu kəsdi. O boylanıb baxdı. Sanki, göydən düşmüş böyük bir şalban
məbədin pilləkənindəki ona qədər sərsərini xurd-xəşil etmiş, oradan
səkiyə düşərək dəhşətli bağırtılarla oyan-buyana qaçan avaraların bir
neçəsinin ayaqlarını əzmişdi. Bir anda kilsənin qabağı boşaldı.
Çilingərlər belə divarın içindəki dərin oyuğun altında olmalarına
baxmayaraq, qaçıb qapıdan uzaqlaşdılar; Klopen də qapıdan bir qədər
uzağa çəkilmişdi.
722
downloaded from KitabYurdu.org
-
Yaxşı aradan çıxdım! - Jan bağırdı. - Mən onun necə vıyıltıyla
gəldiyini eşidirdim. Amma axmaq Pyerin sallaq ruhunu məhv etdi!
Şalbanın quldurlan nə qədər böyük heyrətə və dəhşətə saldığını
təsvir etmək mümkün deyil. Onlar bir neçə dəqiqə mat-mat yuxarıya
baxdılar. Haradansa düşmüş bu şalbandan elə qorxmuşdular ki, iyirmi
min nəfər kral nişançısından belə qorxmazdılar.
-Şeytan! - Qaraçılar hersoqu mırıldandı, - buradan cadu qoxusu
gəlir.
-
Bu sarsaq şalban aydan düşdü-nədir? - Andre Leruz dedi.
-
Bəs deyirlər, ay qızların rəfiqəsidir! - Fransua Şanteprün
mənalı-mənalı söylədi.
Klopen bu hadisəni izah edə bilmədiyindən onlann üzünə
baxırdı:
-
Hamınız axmaqsınız!
Kilsənin yüksək divarının ayağından məşəl işıqlarının düşə bil-
mədiyi təpəsinə qədər heç bir şey görmək mümkün deyildi. Ağır şal-
ban kilsənin qapısı qarşısındaydı, şalbanın əzdiyi bədbəxtlərin inil-
tiləri eşidilirdi.
Nəhayət, ilk həyəcan sakitləşdikdən sonra Truyefu hadisənin
səbəbini tapdı. Onun verdiyi izahat hamını razı saldı.
Truyefu bağırdı:
-
Lənətə gələsiniz! Yəni bu kanoniklər özlərini müdafiə etməyə
başlayıblar! Dağıdın! Dağıdın kilsəni!
-
Dağıdaq, dağıdaq! - Avaralar vəhşicəsinə bağırdılar və qapı-
lara tüfənglərdən atəş açdılar.
Meydana yaxın evlərdə yaşayanlar güllə səslərini eşidib oyan-
mışdılar. Bir neçə pəncərə açıldı, oradan başlarında gecə papağı və
əllərində şam olan bir neçə adam göründü.
-
Pəncərələrə atəş açın! - Klopen əmr etdi:
Bütün pəncərələr dərhal qapandı, qorxuya düşmüş ev sahibləri bu
gurultulu səhnəyə ani bir nəzər saldıqdan sonra titrəyə-titrəyə
arvadlarının yanlarına qayıdıb cadugərlərin Notr-Dam kilsəsi qarşı-
sında nədənsə birdən-birə kef məclisi qurduqlarına heyrət etdiklərini
bildirdilər. Bəziləri isə 1464-cü ildəki kimi yenə burqundiyalı- ların
hücumu olub-olmadıqlarını özlərindən soruşurdular. Kişilər kisələri
üçün, arvadlar isə ismətləri üçün qorxurdular. Hər halda, kişilər də,
arvadlar da qorxularından başlarını yastıqlarının altına soxmuşdular.
723
downloaded from KitabYurdu.org
Dostları ilə paylaş: |