QV DÜYÜNLƏRİNİN MÜALİCƏSİ
CƏRRAHİ MÜALİCƏ
Düyünlər böyük, bədxassəli olduqda cərrahi əməliyyat
göstərişdir. Hipertireoz və ya ətraf strukturların sıxılması müşahidə
olunmadıqda tək və xoşxassəli düyünlər cərrahi yolla
kənarlaşdırılmır.
Tiroid düyünü olan xəstələrin cərrahi müdaxiləyə olan
göstərişləri aşağıdakılardır:
Assosiasiya olunmuş lokal əlamətlər
Böyük toksik düyün nəticəsində yaranan hipertireoidizm və ya
hipertireoidizmlə müşayiət edilən ÇDU
Düyünün böyüməsi
NİAB zamanı pozitiv (maliqnizasiya əlamətlərinin olması)
nəticənin alınması cərrahi müdaxiləyə göstərişdir (B)
Cərrah-endokrinoloq xəstə və onun ailəsi ilə birgə USM və
sitoloji müayinənin nəticələrini nəzərdən keçirməli, müalicə
taktikasını izah etməli, bütün suallara cavab verməli, cərrahi
müdaxilənin potensial fəsadlarını müzakirə etməli, cərrahi məsləhət
verməlidir (D).
Diferensiasiya olunmuş kanser və düyünün ölçüsü >1 sm olan,
həmçinin ailəsində bu xəstəliyə rast gəlinən və klinik və ya US
müayinələri zamanı xəstəliyin multifokal olması, törəmənin kapsul
və ya düyünlərə invaziya etməsi müşahidə olunan xəstələrdə total və
ya subtotal tireoidektomiya tövsiyə edilir. Boyun nahiyəsinin
mərkəzi sahəsində yerləşən limfatik düyünlərin götürülməsi
mütəxəssis-cərrah tərəfindən həyata keçirilməlidir (C).
►
QV lobektomiyası total və ya subtotal olur, istmektomiya ilə və
ya onsuz aparıla bilir. İstmusun əvvəlcədən aparılan rezeksiyası
tireoidektomiyanı asanlaşdırır.
►
Xoşxassəli tək düyünlər zamanı lobektomiya və istmusektomiya
olunur, ikitərəfli düyünlər zamanı isə subtotal tireoidektomiya
aparılır.
►
Cərrahi əməliyyat əsasən ümumi anesteziya altında yerinə
yetirilir, bəzi hallarda isə yerli keyləşdirmədən istifadə edilir.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
19
►
Retrosternal yerləşən QV düyünü də boyun kəsiyi ilə xaric edilir,
nadir hallarda isə lobektomiyanı və ya total tireoidektomiyanı
tamamlamaq üçün orta sternotomiya aparılır.
Cərrahi əməliyyatın fəsadları
1.
Laringeal sinirin parezi. Çox zaman əməliyyat nəticəsində baş
verən səs dəyişikliyi 1-6 ay ərzində bərpa olur. Belə xəstələri
əməliyyatdan sonra larinqoskopiya üçün mütəxəssis yanına
göndərmək lazımdır. Qayıdan laringeal sinirin birtərəfli iflici çox
zaman tolerant olur, nadir hallarda isə həyat üçün təhlükəli olan
aspirasion pnevmoniya ilə nəticələnir. Bu fəsadı sadə cərrahiyyə
texnikası vasitəsilə səs telinin lateralizasiyası yolu ilə aradan
götürmək olar.
2.
Hipoparatireoidizm. Tireoidektomiya zamanı paratireoid vəzin
zədələnməsi nəticəsində hipokalsiemiya baş verir, yalnız 2%
hallarda bu vəziyyət 3 aydan çox çəkir. Hipokalsiemiya
əlamətləri əmələ gəldikdə, zərdabda total kalsiumun, mümkünsə
ionizə olunmuş kalsiumun (Ca
2+
) səviyyələri əməliyyatdan bir
gün sonra və vəziyyət stabilləşənədək gündəlik yoxlanılmalıdır.
Sonrakı müayinələr zamanı ionizə olunmuş Ca
2+
səviyyəsi
ölçülməlidir. Bəzi hallarda hipokalsiemiyanın müalicə
olunmasını təsdiq etmək üçün paratireoid hormonun (PTH)
səviyyəsini ölçmək lazımdır. Hipokalsiemiya əlamətləri baş
verdikdə xəstəyə Ca əlavələri, alfakalsidol və ya vitamin D
vermək lazımdır. Hiperkalsiemiyanın qarşısını almaq üçün
zərdabda kalsiumun daimi monitorinqini aparmaq lazımdır.
LEVOTİROKSİNLƏ (L-TİROKSİN)
SUPRESSİV MÜALİCƏ
Bəzi tədqiqatlar supressiv müalicə nəticəsində düyünlü urun
həcminin və düyünün ölçüsünün azalmasını göstərmişdir.
►
Levotiroksin (L-tiroksin) ilə supressiv müalicə aşağıdakı hallarda
aparılır (C):
Yod defisiti olan regionda yaşayan şəxslərdə
Kiçik ölçülü düyünləri olan cavan xəstələrdə
Funksional avtonomiya əlamətləri olmayan düyünlü ur zamanı
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
20
►
Bir çox hallarda və xüsusən də aşağıda göstərilən hallar zamanı
levotiroksinlə terapiyanın aparılması tövsiyə edilmir (C):
Böyük ölçülü tiroid düyünləri və düyünlü ur zamanı, xüsusən
funksional avtonomiya simptomları və ya əlamətləri müşahidə
edilirsə
Klinik gedişi şübhəli olan və ya qeyri-adekvat sitoloji nümunəsi
olan törəmələr
Postmenopauzada olan qadınlar və yaşı 60-dan çox olan kişilər
Osteoporozlu və ya sistem xəstəliyi olan şəxslər
Kardiovaskulyar xəstəliyi olan şəxslər
►
Bu cəhətlərə diqqət yetirmək lazımdır:
Klinikada xəstələrin yalnız kiçik qismində L-tiroksin terapiyası
nəticəsində tiroid düyünün həcminin azalması müşahidə edilir (B)
TSH-nin uzun müddətli supressiyası yaşlı xəstələrdə və
menopauzada olan qadınlarda sümük zəifliyi və aritmiya ilə
nəticələnə bilər (B)
L-tiroksinlə terapiya tam supressiv olmalı deyil (TSH <0.1 mikro-
İU/ml) (C)
Düyünün yenidən böyüməsi adətən L-tiroksinlə terapiya
dayandırıldıqdan sonra baş verir (C)
Əgər müalicə zamanı düyünün ölçüləri kiçilirsə, bu halda L-
tiroksinlə terapiyanı uzun müddət davam etdirmək lazımdır (D)
Əgər L-tiroksin terapiyası zamanı düyünün böyüməsi müşahidə
olunursa, bu halda təkrar biopsiya və cərrahi müdaxilə məsləhət
görülür (D)
►
Levotiroksinin (L-tiroksin) əlavə müalicə kimi tətbiq edilməsi
residivlərin əmələ gəlmə ehtimalını azaldır.
►
İlkin müalicədən sonra TSH-nin supressiyası ilə aparılan müalicə
iki məqsəd güdür. Birinci – TSH-nin qanda göstəricisini normal
səviyyəyə çatdırmaqla hipotireoidizmi aradan qaldırmaq. İkinci –
qalıq şiş hüceyrələrinin TSH ilə stimulyasiyasının qarşısının
alınması. Lakin uzunmüddətli remissiya olduqda, endogen TSH
sintezinin dəf etməyə ehtiyac yoxdur və əvəzedici terapiya
aparıla bilər.
►
L-tiroksin seçim preparatıdır. T3 uzunmüddətli terapiya zamanı
istifadə edilmir. Onu yalnız hipotireoidizmin qısamüddətli
korreksiyası və ya bədənin skanerləşdirməsinin hazırlıq mərhələsi
zamanı tətbiq etmək olar.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
Dostları ilə paylaş: |