Educational Research in Universal Sciences issn: 181-3515 volume

Educational Research in Universal Sciences
ISSN: 2181-3515 VOLUME 1 | ISSUE 4 | 2022
 
 
https://t.me/Erus_uz Multidisciplinary Scientific Journal September, 
2022 
104
 
b) shariat belgilagan soliqlardan tashqari, hokimlar oʻylab topgan barcha 
toʻlovlarni bekor qilish;
d) aholiga taalluqli barcha masalalarni Shahrisabz viloyatining og‘alig‘i (xalqning 
saylangan vakili) Abdushukur biy bilan kelishilgan holda hal qilish va uning hayotiga 
tajovuz qilmaslik.
XULOSA 
O‘zbekistonda mustaqillik yillarida o‘zbek xalqining ma’naviy-madaniy merosini 
tiklash va o‘rganish eng muhim vazifa bo‘ldi. O‘tgan davr mobaynida O‘zbekiston 
tarixiga oid qator birlamchi manbalarni o‘rganish va ilmiy foydalanishga joriy etish 
borasida katta ishlar qilindi. Buxoro amirligining 1860-1920 –yillar tarixiga oid bir 
qancha tarixiy manbalar tadqiq qilinib, ilmiy muomalaga kiritildi. Shunga qaramay, 
ko‘rsatilgan davrdagi Buxoro amirligi tarixining alohida muammolari asosan 
o‘rganilmaganligicha qolmoqda. Natijada tarixshunoslikda XIX asr oxiri XX asr 
boshlaridagi Buxoro amirligi tarixining bir qator masalalari yuzasidan yuzaki xulosalar 
qayd etilgan. 
Xususan, Mirzo Salimbekning “Tarixi Salimiy” asari fors tilidan rus tiliga 
N.Norqulov tomonidan tarjima qilingan, asarni o‘rganish, uni keng kitobxonlar 
ommasiga taqdim qilish dolzarb masalalardan biri bo‘lib qolmoqda. Asar bizga XIX 
asr oxiri XX asr boshlarida yuz bergan ijtimoiy-siyosiy jarayonlarni kengroq 
o‘rganishimizda ulkan yordam beradi. Shuni ham alohida qayd etish kerakki, xorijda 
boy tariximiz bizga nisbatan ancha mufassal o‘rganilgan.
Sharqshunoslik instituti qo‘lyozmalar fondida ko‘plab asarlar singari, Mirzo 
Salimbekning ham juda ko‘plab asarlarini o‘z tadqiqotchilarini kutib turibdi. Ularni 
o‘rganish, tahlil qilish va keng xalqimizga yetkazish tarixchilarimiz oldida turgan 
muhim vazifalardan biridir.