104
Türk fəthləri dövründə Anadoludaki tərk edilmiş kənd və səhra yerlərini bu şəkildə ticari inkişafı
mümkün olmuş və bu torpaqlar əkinçilik və heyvandarlıq mərkəzləri kimi istifadə olunmuşdur.
Bozok, Üçok, Bayat, Kınık, Kayı, Yürük kimi həm türk tayfalarının adı həm də şəhər adı olan
yerlər bu cür mərkəzləşmişdir.
Səlcuqların Anadolunu fəth etmələri ilə Anadoluda olan xristian - Bizans şəhərsalma
mədəniyyəti yerli Türk-İslam şəhərsalmasına öhdəsinə buraxmışdır. Bu baxımdan, Səlcuqlar Orta
Asiya və İslam mədəniyyətinin təsiri ilə meydana gətirdikləri şəhərsalma prinsiplərini Bizans
şəhərsalması ilə sintez edərək Anadolunun özünəməxsus coğrafi şərtlərinə uyğun şəhər modellərini
yaratdılar.
Xristian-Bizans şəhərsalma mədəniyyəti mirasının müsəlman Türk xalqlarının ehtiyaclarına
və ənənəvi həyat tərzlərinə uyğunlaşdırılması nəticəsində meydana gələn yeni şəhərlər Anadolu-
Səlcuq şəhərləri kimi adlanır. Şəhərsalmadakı bu təsirlənmə və sintez olunma Anadolu memarlığına
da öz təsirini göstərmişdir. Səlcuq şəhərlərindəki məkanların yeni bir kompozisiya daxilində
yerləşdirilməsi şəhərsalmanın memarlığa təsirinin göstəricisidir. Belə ki, Anadolu Səlcuq şəhərləri
məscidlərin mərkəzdə yerləşdirilməsi və şəhərin məhəllələrə ayrılması ilə formalaşdırılmışdır.
Bunun yanında qala, xəndək kimi müdafiə qurğuları Səlcuq mədəniyyətinin təsiri ilə şəhərlərə
yerləşdirilmiş və qədim Bizans şəhərləri Səlcuq şəhərsalma anlayışına əsasən tezdən həll edilmişdir.
Mənbələrə əsasən erkən dövr Səlcuq şəhərlərinin qapalı şəhər kimi tanınan qala şəhərlər
olduğu məlumdur. Məsələn, Ələəddin Keyqubat (1220-1237) dövründə beynəlxalq ticarətdəki
inkişafla bağlı olaraq Konya, Kayseri, Sivas və Ərzincan şəhərlərinin Bizans dövründəki mövcud
qalaların kənara çıxması ilə yeni bir qala ilə əhatə olunması bizə qapalı şəhər tipinin geniş
istifadəsini bildirir [6, s. 99-100].
İlkin dövrlərdə Səlcuqların qapalı şəhər sistemini mənimsəməsində şübhəsiz Monqol
təhdidinin də təsirli olmuşdur. Səlcuqlarda qala xaricində yerləşmələr XII əsrin axırında qurulmaya
başlanılsa da ancaq XIII əsrin axırlarında qala xaricində əhəmiyyətli abidələrin tikilməsinin şahidi
oluruq. Buna misal Konya Sahib Ata məqbərəsi (1283) və Ankara Arslanxana məscidi (1290) kimi
nümunələri sadalamaq olar. Ancaq Anadolu Səlcuq şəhərlərinin hamısı qapalı şəhər kimi
formalaşırdı demək də düzgün deyildir. Anadolu Səlcuqlarına aid Danişmənt (Kayseri mərkəz
olmaqla) əyaləti kimi bölgələrdə cəmiyyətin həyat tərzinə, ərazi şərtlərinə və təhlükəsizliyə bağlı
səbəblərə görə fərqli tipologiyalarda şəhərlərdə formalaşmışdı.
Zaman keçdikcə Anadoluda siyasi sabitliyin təmin edilməsi, beynəlxalq ticarətin inkişafı,
Türk tayfalarının Aandoluya köçləri və şəhərlərin ətraf mühitində məskunlaşmaları qala daxilində
şəhərlərin sıxlaşmasını və qala xaricinə çıxmasına səbəb olmuşdur. Qala xaricinə tikilən böyük
məscidlərin ətrafına yerləşən xalq, yeni məhəllələr quraraq şəhərlərin sistemli bir şəkildə
böyüməsinə imkan yaratdı. Beləliklə, Türk-İslam şəhərlərinin qədim formaları Anadolu
şəhərlərində də eynilə görülməyə başlanıldı. Yuxarıdakı araşdırmalara əsasən Anadolu-Türk
şəhərsalmasında qapalı, açıq və uc (sərhəd) şəhər olmaqla
üç tipologiya bölmək olar;
1.
Qapalı şəhərsalma sistemi. Qapalı şəhərlər dedikdə ətrafı qala ilə əhatə olunmuş şəhərlər
başa düşülür. İlkin dövrlərdə Anadolu Səlcuq şəhərləri Bizansdan miras qalan və Castron adlana
qalalarda yerləşirdi. Əhalinin çoxalması nəticəsində inkişaf edən bəzi şəhərlərin mövcud qalaların
kənarına çıxması ilə Bizansdan qalan bu sistem dağıldı. Ancaq qalaların içindəki yerləşmə olduğu
kimi saxlanıldı və qala idarəetmə mərkəzi halını aldı. Bu baxımdan, Konya, Kayseri və Ərzurum
kimi şəhərlər bu şəhərsalma sisteminə aid edilir. Beynəlxalq ticarətin və idarəetmənin mərkəzi olan
bu şəhərlər Orta Asiyadan sonradan gələn Türk tayfalarının məskəni halını aldı.
Digər tərəfdən sərt qayalar üzərində qurulan və qarahisar adlanan bəzi şəhərlər
105
Anadolu Səlcuq dövlətinin axırına kimi qapalı qala şəhərlər olaraq qalmışdır. İscə qarahisar
və Osmancıq qarahisarı bu tipli şəhərlərin nümunələridir.
Sahil şəhərləri olan Sinop,
Antalya
və Alanya da Səlcuqlar dövründə qapalı şəhər formalarını qoruyub saxladılar. Bu şəhərlər
dəniz ticarət mərkəzləri olsalar da coğrafi şərtlər qala xaricində şəhər salınmasına imkan
verməmişdir.
2.
Açıq şəhərsalma sistemi. Qırşəhər (Kırşehir), Ziyarət Bazarı və Yabanlu Bazar kimi
beynəlxalq yolların coğrafi keçid nöqtələrində ticarət və qonaqlama məqsədi ilə qurulan şəhərlər
açıq şəhərlər olaraq adlanır. Bu şəhərlərdə ortaq xüsusiyyət çoxlu karvansaraların olmasıdır.
Açıq şəhərsalma tipologiyasına bir də castron adlanan və Bizansdan miras qalan qala-
şəhərlərdəki qalaların tamam dağıdılması ilə qurulan şəhərləri daxil etmək mümkündür.
Amasiya və Tokat şəhərləri fiziki inkişafla bağlı olaraq qala daxilinə yerləşməmiş və qala
divarları xaricinə daşmışdır. Bu şəhərlərə də hərbi təhlükəsizliyin təmin edilməsində qalanın
əhəmiyyətini itirməsi ilə qala divarları dağıdılmış və həmin şəhərlər açıq şəhərsalma
modelinə görə formalaşdırılmışdır.
3.
Uc (sərhəd) şəhərsalma sistemi. Uc şəhərsalma modelində bir şəhər daxilində iki şəhər
yerləşirdi. Bir tərəfdə Bizans qalalarının yerləşdiyi qədim şəhər, digər tərəfdə isə köçəri həyatı tərk
edərək qala divarları xaricindəki bir nöqtədə oturaq həyatı mənimsəmiş əhalisi Türk tayfalarından
ibarət təzə şəhərdir. Uc şəhərlərində iki fərqli etnik və dini xalq vardır və bu iki xalq ticarət vasitəsi
ilə əlaqə də qururdular. Şəhərin ticarət mərkəzində yaşayan bizanslılar qala şəhərin içində
yerləşmişdilər. Türk əhali kənd təsərrüfatı və heyvandarlıq məhsullarını bu bazarlarda satmaqla
həyatlarını davam etdirərdilər. Ankara, Əskişəhər və Kütahya kimi şəhərlər Anadolu Səlcuqlarında
uc şəhərsalma modelində formalaşan şəhərlərə daxildirlər [7, s.129].
Nəticə, Anadoluda siyasi sabitliyin təmin edilməsi, beynəlxalq ticarətin inkişafı, Türk
tayfalarının Anadoluya köçləri və şəhərlərin ətraf mühitində məskunlaşmaları qala daxilində
şəhərlərin sıxlaşmasını və qala xaricinə çıxmasına səbəb olmuşdur. Qala xaricinə tikilən böyük
məscidlərin ətrafına yerləşən xalq, yeni məhəllələr quraraq şəhərlərin sistemli bir şəkildə
böyüməsinə imkan yaratdı. Beləliklə, Türk-İslam şəhərlərinin qədim formaları Anadolu
şəhərlərində də eynilə görülməyə başlanıldı. Yuxarıdakı araşdırmalara əsasən Anadolu-Türk
şəhərsalmasına aid olan qapalı, açıq və uc (sərhəd) şəhər olmaqla üç tipologiya haqqında geniş
məlumat verildi.
ƏDƏBIYYAT
1.
24 Aksarayî. Anadolu Selçuki Devletleri Tarihi. Ankara: Recep Ulusoğlu Yayınevi, 1943,
374 s.
2.
36 Artuk İ. ve Artuk C. Bazı İslâm Şehirlerinde Hangi Devletler Sikke Kesmiş ve Bu
Şehirlere Ne Gibi İsimler Verilmiş. TTK Belleteni LXVII(249), Ankara, 2003, s.419-448.
3.
41 Aslanapa Oktay. Türk Denizciliği ve Selçuklu Tersaneleri, Türk Kültürü 146, 1974, s.
69-77.
4.
80 Cenâbî. Cenâbi’ye Göre Anadolu Selçukluları, İ.Ü. Edebiyat Fakültesi Tarih Dergisi 36,
İstanbul, 2000, s. 213-259.
5.
82 Çağatay N. Bir Türk Kurumu Olan Ahilik. TTK Yayınları, Ankara: 1997, 272 s.
6.
119 İbn-i Bibi. El Evamirul Alaiyye Fil Umuril Alaiyye (çev. Mürsel Öztürk) cild I, TTK
Yayınları, Ankara: 1996 s. 568.
7.
136 Karpuz Haşim. Konyanın Selçuklu Kent Dokusu ve Son Yıllarda Yok Olan Anıtları. I.