uzaq gələcəkdə mümkündür. İndi siyasətlə deyil, konkret işlərlə
məşğul olmaq lazımdır. Demokratik hərəkatı yeni realistlər
gələcəyi olmayan ziyanlı bir şey hesab edirlər.
4.
XX əsrdə Hind fəlsəfəsi
Görkəmli hind-müsəlman şairi və mütəfəkkiri
Məhəmməd
İqbal
(1877-1938) yüksək dünyəvi təhsil almış, həm Şərqin, həm
də Qərbin ədəbiyyatı, incəsənəti, fəlsəfəsi ilə yaxından tanış
olmuşdu. Bununla yanaşı qeyd etmək lazımdır ki, o, bədii və
fəlsəfi yaradıcılığında daha çox islama əsaslanırdı. İqbal hesab
edirdi ki, həyatı kökündən dəyişdirmək yalnız islam prinsipləri
əsasında mümkündür.
İqbal Hindistan Hökumət kollecində oxumuş və burada
fəlsəfə magistri dərəcəsini almışdır. Sonra o, İngiltərənin Kem-
bric universitetində təhsilini davam etdirmiş, Almaniyanın
Münxen universitetində «İranda metafizikanın inkişafı»
mövzusunda doktorluq dissertasiyası müdafiə etmişdir.
Hindistana qayıdandan sonra o. Hökumət kollecində professor
kimi fəaliyyət göstərmişdir.
İqbal fəlsəfə və dinin bərabərhüquqlu olmalannı elan edir və
göstərirdi ki, əgər fəlsəfənin vəzifəsi azad axtarışdırsa, di- ninki -
inamdır.
İqbal fəlsəfəsinin mərkəzində insan dayanır. Onun fikrinə
görə Allah özünü insanda təzahür etdirir. Əgər Allah mütləq Mən
kimi çıxış edirsə, insan sonu olan mənlikdir. İnsan mənliyinin
Allah mənliyinə yaxınlığı sayəsində Allahın dərk edilməsi insan
mənliyindən keçir.
İqbalın dünyagörüşü sisteminin əsası məhəbbət fikri olduğu
üçün məhz məhəbbət həqiqəti axtarmağın başlanğıc nöqtəsini
təşkil edir. Onun yaradıcılığında sufizm əhəmiyyətli yer tutur.
İqbal XIII əsrin böyük sufi-şairi və mütəfəkkiri Cəlaləddin
Rumini özünün mənəvi müəllimi hesab edirdi.
Hələ Birinci Dünya müharibəsi ərəfəsində radikal mövqedə
dayanan bir sıra hind ziyalılanndan İqbalın fərqi onda idi ki, onun
şüurunda siyasi azadlıq əxlaqi azadlıq anlayışı ilə, müasir
y
233
insan və ideal cəmiyyət təsəvvürləri ilə qınimaz surətdə bağlı idi.
Bu konsepsiyanı o, özünün «Əsrar-i xuda» («Allahın sirri») və
«Romuz-i bihude» («Sonsuz rəmzlər») poemalannda şərh
etmişdir. Sonrakı əsərlərində də İqbal dəfələrlə bu məsələyə
qayıtmışdır, lakin bu barədə əsas fikrini «İslamın dini fikirlərini
yenidən qurmaq» adlı mühazirələrində və «Cavidnamə»
(«Əbədilik kitabı») poemasında ətraflı izah etmişdir.
İqbalın ideal cəmiyyəti fəlsəfi planda məkan və zaman
daxilində hüdudsuzdur. Lakin siyasətçi kimi o, çalışırdı ki,
cəmiyyəti konkret məkan-zaman formalan ilə dövlətdə
reallaşdırsın, «müsəlman millətçiliyi» ideyasını öz ərazisi olan
dövlət yaratmaq uğrunda hind müsəlmanlannın apardığı
mübarizənin bayrağına çevirsin. Onun fikrincə dövlət birliyinin
əsasında islamın dini prinsipləri dursa da, bu dövlət ruhanilərin
siyasi hakimiyyətə sahib olmaları mənada teokratik olmamalıdır.
İqbalın belə görüşlərinin əsasında «töuhid», yəni vəhdət,
təklik prinsipi durur. Onun sözlərinə görə, töuhidin mənası
«məhsuldar ideya kimi bərabərlik, həmrəylik və azadlıqdır. İslam
baxımından dövlət bu ideal prinsipləri məkan-zaman
formalarına, müəyyən insani struktura çevirmək cəhdidir. Yalnız
bu mənada islamda dövlət teokratiyadır, o mənada yox ki,
0
Allahın yerdəki nümayəndələri tərəfindən idarə edilİD).'’"*
İslamı təkcə dini təlim deyil, həm də sosialist tipli sosial
struktur hesab edən İqbal, təbiidir ki, özünün sosial idealını
Qurana istinad edərək əsaslandırmağa çalışırdı. Burada o, iki
cəhətə diqqət yetirirdi: birincisi, islamda kollektiv başlanğıcın
olması, ikincisi. Quranda sosial ədaləti təmin edən sosial
nizamlama sisteminin olması.
Dostları ilə paylaş: