indi isə bir neçə davranış prinsipləri haqqında qısa məlumat
veririk.
Emotivizm?^
Məntiqi pozitivizmin görkəmli nümayəndəsi
A.C.Ayer (1910-1989) özünün «Dil, həqiqət və məntiq»
əsərində göstərirdi ki, əxlaq fəlsəfəsinin davranış qaydalan ilə
heç bir əlaqəsi yoxdur. Əxlaq fəlsəfəsi müstəsna olaraq sözün
mənası ilə məşğuldur. Sonra Ayer sübut etməyə çalışırdı ki,
«xeyirxah», «ədalətli», «yalançı» və b. sözlər real həyatda olan
heç nəyi təsvir etmir, sadəcə olaraq emosiyanı ifadə edir. Ona
görə də Ayerin bu nəzəriyyəsini etikanın emotiv nəzəriyyəsi və
yaxud emotivizm adlandırırlar. Bu nəzəriyyəyə görə etik
terminlər (məsələn, «yaxşı» və «pis») olan cümlələrin hamısı
danışan adamın emosional vəziyyətini ifadə edir.
Məntiqi pozitivizmin bu nəzəriyyəsinə qarşı çıxış edənlər
göstərirlər ki, əgər Ayerin bu etikası doğru olsaydı, onda əxla- qi
dəlillər (arqumentlər) irəli sürmək mümkün olmazdı. Əslində
isə insanlar həmişə əxlaqi dəlillər təklif edirlər. Onlar kimin
müqəssir, kimin haqlı olması, siyasi qərarların əhəmiyyəti və
çatışmazlığı və s. haqqında mübahisə edir və öz fikirlərini
əsaslandırmağa çalışırlar.
Dostları ilə paylaş: 
