273
sata bilmişdim. Piyada o qədər gəzmişdim ki, dizlərim məni
götürmürdü, ayaqlarım sözümə baxmırdı. Gəzib-dolaşıb
“Yalama” keçid məntəqəsinədək gedib çıxmışdım. Acından
qarnımda “orkestr simfoniya çalırdı”. Bağdakı yeməkxanada
oturub küftə sifariş verdim. Yeməyin ortasında ağ saqqalın-
dan nuranilik yağan, gözləri gülümsəyən 75-80 yaşlı bir qoca
stoluma yaxınlaşdı. Əlində dermantin üzlü qədimi – 70-80-ci
illərin istehsalı olan bir çamadan vardı. Belə üzlü çamadanın
balacasını məni sünnət edən dəllək Möhübbət kişidə gör-
müşdüm. Saqqalı və boynunun tükü pencəyinin yaxasını və
boyunluğunu əməllicə yağlavca ilə kirlətmişdi. Paltarları da
çamadanı kimi nimdaş idi. Təravəti, yalnız daim gülüm-
səyən nurani üzündəydi.
– Salamun əleyküm oğul, oturmaq olar? – soruşdu.
– Buyurun dayı, əyləşin, – dedim.
Yeməkpaylayan qulluqçu stola yaxınlaşıb qocadan so-
ruşdu, – “Nə yeyəcəksiniz baba?”
– Mənə də küftə ver bala, bir az da göy soğan.
– Baş üstə.
– Başın var olsun oğul.
Qulluqçu yemək dalınca gedəndə soruşdum:
– İnşallah yolunuz haradır dayıcan?
– Ağdaşa gedəcəyəm qadan alım – dedi.
– Hə.., Ağdaşın zığ-palçığının ən yaxşı vaxtıdır, – de-
yəsən zarafatım yersiz oldu. Jiletinin cibindən cib saatını
çıxarıb qapağını açdı, – “Qatar neçədə yola düşəcək görə-
sən?” – soruşdu.
– Hələ 45 dəqiqəmiz var.
– Hə, onda rahat yeməyimizi yeyə bilərik. Bəs siz, in-
şallah harasa gedirsiniz?
274
– Bakıya.
– Lap yaxşı, yolumuz yarıyadək birdir demək. Əgər bi-
let almamısınızsa yanımda boş yer var, birlikdə qulaq yol-
daşı olarıq. Onsuz da qatar boş gedir, mən 11-ci vaqon-
dayam.
– Məmnuniyyətlə dayıcan.
Onun yeməyini bitirməsini gözlədim. Sonra birlikdə
qalxıb qocanın kupesinə keçdik. Kupeyə şərab qoxusu çök-
müşdü. Kişiyə bir də diqqətlə baxdım – amma içənə heç
bənzəmirdi. Pəncərəni açıb kupeni havalandırmaq istədim.
Qoca:
– Otaq yoldaşlarım yaman oğlanlar idi. Zalımlar o qədər
içiblər ki, qoxusu çöküb eləmi?
– Hə, çaxır qoxusu hopub içəri. Desənə, zəhləni yolboyu
töküblər.
– Əsla! Əksinə namaz qılan olsam da heç ruhum da
incimədi. Bütün sutkanı elə şən gəlmişik ki, heç vətənə nə
vaxt çatdığımı da bilmədim. İçmək haram olsa da, içməyin
qaydasını bilən ustalar da varmış bala. İçib ağzının sözünü
bilməyənlərə, aslana dönüb insanı qarışqa görənlərə ha-
ramdır içki. Yoxsa bu zəhrimarı vaxtilə Nuh da, İsa da içib.
Əşşi, bir konsert veriblər Allah saxlamışlar... Qoy qatar yola
düşsün, hamısını danışacağam. Yazsan, yaxşı bir dastan
çıxar.
Qocanın üzü gülümsədikcə, ona gülməyin necə yaraş-
dığına valeh olmuşdum. Amma bu gülümsəmədə bir həya,
gizli bir nisgil vardı. Qocaya ürəyim isinmişdi.
– Heç tanış olmadıq, mənim adım Şəmşiddir – gü-
lümsəyib əlini mənə uzatdı.
– Mənimki isə Valid – mən də onun əlini sıxdım.
275
– Şad oldum oğul. Bilməmiş deyilsən yəqin, deyir, –
“yol yoldaşı dostluğun yarısı deməkdir”. Soruşurlar ki, –
“Qardaşın necə adamdır?”, deyir, – “Yol yoldaşı olma-
mışam”.
Qatar fit verib ağır-ağır ləngər vurdu. Qoca, – “Allah,
Məhəmməd, ya Əli. Allah özün iş avandlığı ver” – deyib
çamadanın düymələrini basıb açdı. İçindən birdəfəlik plastik
stəkanları və çay termosunu çıxarıb qabaq stolunun üstünə
qoydu, – “Çay istəsən utanma, mən çox çay içənəm...” – dedi
və oturacağı qaldırıb nimdaş çamadanını baqaja yerləşdirdi.
Çamadan eynən dəllək Möhübbətinki kimi içi ipək astar-
lıydı. Hələ qamış, “rivanol” dərmanı və ülgüc qoyduğu bir
cüt yanaşı cibə gözüm sataşanda, lap gülməyim gəldi. Çün-
ki, pis çıxmasın, mənim sünnətimi edən zaman, o kəsha-
kəsdə gözümə görünən bircə Möhübbətin o çamadanı ol-
muşdu. Hələ ülgücü pülüyümə çəkəndə gözlərim bərələrək
həmin çamadana elə baxmışdı kı, ömrümboyu, üzü üzlər
görmüş, neçə oğlanı müsəlman etmiş o çamadanı heç vaxt
unutmaram. Uzun ayrılıqdan sonra belə çamadanın eynisinə
rast gəlməyim məni uşaqlıq xatirələrimə apardığı üçün Şəm-
şid kişidən icazə alıb o nimdaş çamadana xeyli toxunmaq
istərdim. Qucağına oturduğum Qəşəm kirvəmin yanağını
ağzıma yığıb elə gəmirmişdim ki, məndən axan qan, kir-
vəmin üzündən gilələnən qanın yanında heç nəydi. Dəllək
qamışları sıxdıqca mən də çənələrimi sıxırdım. Zavallı kir-
vəmin yanağındakı dişlərimin izi o ölənədək qalmışdı.
Şəmşid kişinin səsi məni xəyallarımdan ayırdı.
– Hə, bayaqkı yol yoldaşlarımdan danışım... Üç nəfər
cavan oğlan idi. Kiyevdə birlikdə minmişdik qatara. “Trus-
kovets” sanatoriyasından istirahətdən gəlirdilər. Çox şən,
276
mehriban uşaqlarıydılar. Nabrana – evlərinə qayıdırdılar.
Qohumuydular – Cavid, Əsgər və Ülvi. Dəmiryol vağzalında
– “Duty free”dən hərəsi iki qutu araq götürdü – əmisi-
uşaqlarının toyunda təmiz araq içsinlər deyə. Bax bu yandakı,
– arxasındakı kupeni işarə etdi – qonşu kupedə təzəcə
nişanlanmış bir cüt mələk var. Adam bu cavanlara baxmaq-
dan doymur. Elə şirin, gözəl, nur parçası kimi uşaqlardır ki,
Aya deyir, – “sən tez bat, sabah Günəşin yerinə biz çıxacağıq”.
...Dünən axşamüstü Cavid gəldi ki, – “Ayə əmioğlu,
qonşu kupedə bizimkilərdən biri bir ukrayanalı qız alıb.
Bacım olsun, qız elə bil mələkdir. Qurana and olsun, qızın
əynindəki uzun ətəkli paltarı, üzündəki incə, bəzəkli türbanı,
çalmanın üstündəki brilyant qaşlı qızıl sancağı görsən
ağlamağın gələr. Oğlan da elə bil ay parçasıdır. Allah haqqı
bir-birinə elə yaraşırlar ki, bu cavanlara baxmaqdan heç
doymuram ey..! Adam nə qədər şirin olar, nə qədər bir-bi-
rinə yaraşar... Təsəvvür edirsən, bizim qaqaş bir xristianı
müsəlman edib sonra da onunla evlənir! Ukraynada belə bir
gözəlin ikincisi qalıbsa, mənə min lənət!”. Cavid o qədər dil-
dil ötdü ki, o biriləri də həvəsləndi. İndiki cavanları bilirsən
– utanmaq, çəkinmək yox – üçü də keçib yan kupenin qapı-
sından maddım-maddım bu cavanlara baxdı. Qayıdanda
gördüm ki, Cavidin dediyi təsiri o birilər də eyni şəkildə
alıblar. Açığı, mənim də bu cütlüyə baxmağa marağım oyan-
dı. Nəysə, bir xeyli bu cavanları vəsf elədilər. Hətta, şeirə
keçdilər, qəzəllər dedilər... Yol bağlamalarını açıb stolun
üstünü doldurdular. Mənim yanımda içməyə çəkindilər.
İçlərində yaşlısı olan Əsgər utana-utana:
– Şəmşid baba, icazə versəydin yan kupedəki cavanların
şərəfinə boğazımızı yaşlayardıq.
Dostları ilə paylaş: |