285
Şəmşid kişi:
– Namiq balam, bir söz soruşum səndən. Bəlkə atanı
yola gətirməyə mən özüm bir cəhd edim..?
Namiq sevincək:
– Baba, Allaha and olsun ki, sizi görəndən ancaq bunu
fikirləşirdim. Ancaq sizi yoldan etməmək üçün bilmirdim si-
zə bu təklifi necə deyim. Atam nə qədər sərt olsa da, özün-
dən böyüyü, həm də sizin kimi nurani ağsaqqalı mütləq din-
ləyər.
– Onda mən də sizə qonaq gedirəm!
Namiq söhbəti Selenə tərcümə edəndə, qız sevindiyin-
dən qocanın boynuna sarıldı. Rusca, – “Babacan, bizi təkbaşı-
na buraxma, yalvarıram sizə. Qoyma bizi bir-birimizdən
ayırsınlar!”
Mən də durub bu mənzərəyə tamaşa etdim.
Şəmşid kişi qızın alnından öpüb, – “Azərbaycanda sizin
sevginizin qabağına keçəcək kişi, ancaq mənim meyidimin
üstündən keçə bilər. Beləsi tapılsa, həmin gündən mənim
dost-doğmaca balamsınız – mənimlə qalacaqsınız. Allahın
lənəti, sevənləri ayıranların kürəyindədir”. Sonra mənə doğ-
ru çönüb, – “Hə, Valid əmisi, qələmini sazla, Namiqin ata-
sıyla döyüşə gedirik!”. Şəstlə, – “Əmrin başım üstünə baba-
can!” – dedim. Ayaqlarımı cütləyib elə “farağat” vəziyyəti
aldım ki, bu hərəkətimə hamımız güldük. Namiqlə Selenin
həyacanı ötüb keçmişdi, bu işi bacaracağımıza tam əmin gö-
rünürdülər.
Uzun sözün gödəyi, nə Zabratda, nə də Goradildə düş-
məyə səbrimiz çatmadı, qatar Sumqayıtda dayananda Şəm-
şid kişi bizi tələsdirdi, – “Gəlin burda düşək, qalanını ma-
şınla gedərik. Oturmaqdan baldırlarım şişib...”. Etiraz etmə-
286
dik, yüklərimizi də götürüb stansiyada düşdük. Ayaqları-
mızın keyini açmaq üçün baqajı bir yerə toplayıb o yan-bu
yana xeyli yeridik. Şəmşid yaxındakı apteki görüb, – “Siz
burda durun, dərmanım qurtarıb, dərman alıb indi gəli-
rəm...”, – dedi və nimdaş çamadanını da əlinə alıb aptekə
yaxınlaşdı. Düymələri basanda çamadanın kilid dilləri şak-
kıltı ilə açıldı. Bankomatını çıxarıb pulu satıcıya uzatdı, –
“Bala, bir kaptopril ver” – demişdi ki, hardansa canıyanmış
bir oğlan uşağı çıxdı və çamadanı necə qapıb aradan çıxdısa
əlimiz ağzımızda qaldı. Şəmşid kişi əlində pul quruyub
qalmışdı. Bircə, – “Ədə neynirsən, qaytar çamadanımı!” –
qışqıra bildi. Mən və Namiq oğrunun dalınca ha qaçsaq da,
ona çata bilmədik. Oğru qaltuq cibindən selafan torpa çıxarıb
elə qaça-qaça çamadanı həmin torbaya boşaltdı və köhnə
çamadanı yolun kənarına fırladıb gözdən itdi. Öz nəfsimə
acığım gəlirdi, sanki mənim bədnəzərim bu çamadanın axı-
rına çıxmışdı. “Hardan yadıma düşdü axı bu Möhübbətın
dəllək çamadanı..!”. Boş çamadanı da götürüb peşiman-pe-
şiman Şəmşid kişiyə yaxınlaşdıq.
– İçindəkiləri oğurlayıb quru çamadanı atdı zalım balası
– dedim.
Şəmşid kişi:
– Canınız sağ olsun. Onun qismətiymiş. İçində sən
deyən qiymətli şey yox idi. Bir termosum idi, bir də bacımın
nəvələri üçün şirniyyat və köynək-zad...
Çamadanın qapağını açdı. Üst qapağın ipək astarının
cırılmış yerinə əlini saldı. Bir kompakt disk və iki-üç şəkil
çıxarıb qoltuq cibinə qoydu.
– Onsuz da çox köhnəlib bu çamadan. Desəm ki, bunu
tələbə vaxtından özümlə gəzdirirəm, inanarsınızmı? Demək
287
ayrılmaq vaxtı bu günəymiş, – çamadanı zibil yeşiyinin içinə
atmaq istəyəndə biləyindən yapışdım, – “Tələsmə, dostla
belə asanlıqla ayrılmazlar...”. Nurlu üzü güldü:
– Deyirsən boş çamadanı dəli kimi özümlə gəzdirim? Nə
deyirəm, elə olsun. Bakıda içini konfet-şokaladla doldura-
ram. Keyfinizi pozmayın, vallah qiymətli şey yox idi içində,
konfetlər də halal-xoşu olsun. Di, mısmırığınızı sallamayın,
xeyir iş üstündəyik. Getdik, yoxsa özümüzü də oğurlayarlar
burda.
Mən:
– Gör vələdüzinadakı fərasətə bax ey, zalım oğlu elə bil
qırğıydı, çamadanı necə qapıb qaçdı...
Şəmşid kişi:
– Unut Valid əmisi! Bura Azərbaycandır. “Bacarana baş
qurban” qanunuyla yaşayanların məmləkətidir bura. Bax əl-
lisini mədhiyyə yazanda, birini də belə şeylərdən yaz.
– Belə şeylərdən min kitab yazsan da kökü kəsilməz bu
vəldüzinaların.
Şəmşid kişi:
– Ay qoydular ha yazasan..! – bu dəfə lap çəpəki baxdı
mənə. İndi anladım ki, “dayımın” deyəsən hökumətlə arası
bir az sərindir. Dinməzcə bir taksiyə əyləşib, – “Fatmaiyə
sür” – dedik.
Uzun yolu qısa edib kəndə burulan yola çathaçatda bir
təcili tibbi yardım maşını bizi saxlatdı. Sürücü başını pəncə-
rədən çıxarıb bizdən soruşdu, – “Burda yaşayansınız?”
Namiq də arxa pəncərədən cavab verdi:
– Bəli. Kimi axtarırsınız?
Ambulans sürücüsü:
– Qasımov Vəzirin evin göstərərsiniz?
288
Namiq həyəcanla soruşdu:
– Nə olub ki!?
Sürücü:
– Təzyiqi qalxıb, şəkər xəstəsidir.
Namiq:
– Arxamızca sürün!, – deyib başını içəri saldı.
“Tanrım neylər, gözəl eylər!”. Sən demə Qasımov Vəzir
elə Namiqin dost-doğmaca atasıymış. Vallah, adam belə tə-
sadüfdən lap çaşıb qalır. Namiq elə də təlaşlı deyildi. Demə-
yinə görə atasının bir balaca ölümdən qorxaqlığı var, – “Ba-
laca nasazlayan kimi təcili yardıma zəng vurdurandır” –
dedi. Şəmşid kişi qabaq oturacaqdan bizə tərəf çönüb gülər-
üzlə məndən soruşdu.
– Valid əmisi, nə etmək lazım olduğunu indi bildin?
Düzü, başa düşmədim, sualdan da çaşıb qaldım. Sonra
Namiqdən soruşdu, – “Atan Seleni görsə tanımaz ki...?”. Na-
miq, – “Yox. İnanmıram” – dedi.
– Onda qapınıza çatanda həkimə deyəcəyəm tibb bacısı
kimi Seleni yanına alsın.
Deyəsən kişini anlamağa başladım. Namiqlə bir-birimi-
zə baxdıq. Amma Selen planı dərhal anladı.
Namiqgilin evləri kəndin ortasında alçaq hasarlı bir
məhlədə yerləşən ikimərtəbəli evdən ibarət idi. Taksinin
pulunu verib yola saldıq. Şəmşid kişi, mən və Namiq maşın-
dan düşən kimi həkimi yanladıq.
Şəmşid kişi:
– Bu cavan oğlan sizi çağıran xəstənin oğludur, bu gözəl
balamız isə onun nişanlısıdır, ikisi də Ukraynada həkimlik
oxuyurlar. Kişi gələcək gəlinini hələ görməyib. Əsl girəvədir,
Dostları ilə paylaş: |