289
icazə ver tibb bacısı kimi Selen sənə kömək eləsin. Nə deyir-
sən?
Həkim cavan bir oğlan idi, gözucu Selenə baxdı, gözlə-
rindən aydınca oxunurdu, – “Nəsə, fırıldağınız var...”. Sir-
sifətindən, iynə vurmaq və təzyiq ölçəməkdən başqa heç nə-
dən başı çıxana oxşamırdı. Tibb bacısı da yaşlı, kök bir qadın
idi. Selen əl çantasından tələbə biletini çıxarıb həkimə verdi,
– “Narahat olmayın, kardioloqam...”, dedi və yük çantasın-
dan həkim xalatını və papağını çıxarıb geydi. Ambulans
maşınından əl tibb yeşiyini götürdü. Türbanın üstündən ağ
həkim papağı necə yaraşırmış ilahi...
Selen həkimə, – “Getdik” – dedi və Şəmşid kişini qabağa
buraxdı. Selenin cəsarəti bizə güc verdi. Şəmşid kişi Namiqə,
– “Səni çağıranadək tibb bacısının yanında qal” – dedi. Dar-
vazadan həyətə keçdik. Yaşlı bir qadın başının örpəyi ilə ağ-
zına yaşmaq vurdu. Bizi qarşıladı, – “Xoş gəldiniz” – deyib
qabağa düşdü. Xəstə ikinci mərtəbədə taxtda uzanmışdı. Ba-
şını ağ çalma ilə bağlamışdı. Bizi görən kimi yerində dikəl-
məyə cəhd elədi.
Selen:
– Narahat olmayın, uzanın, – deyib çantanı açdı. Tono-
metri götürüb Vəzirin qan təzyiqini yoxladı. Deyəsən yuxarı
idi. Bir həb verdi, – “Bunu sümürün, sonra udun” – dedi.
Vəzir dərmanı udandan sonra Şəmşid kişiylə mənə baxıb, –
“Sizi tanıya bilmədim axı...” – dedi.
Şəmşid kişi:
– Kəndə girirdik, təcili yardım maşını sizin ünvanı
bizdən soruşdu. Kənd uşaqlarından soruşa-soruşa həkimlərə
bələdçilik etdik. Dedik bəlkə yardımımıza ehtiyacınız olar...
290
– Allah sizdən razı olsun. Xoş gəlmisiniz... Arvad, çay
gətir! – arvadına səsləndi.
Selen xəstənin təzyiqini bir də ölçdü, – “İndi necəsiniz?”
– soruşdu.
Xəstə:
– Bir az yüngülləşdim, Allah köməyin olsun qızım. Mə-
nim oğlum da doxdurdur. Zalım balası oxuyub qurtarsaydı,
sizin də məndən canınız qurtarardı...
Selen xəstənin şəkərini də yoxladı – normadan bir qədər
artıq olduğu üçün şprisi doldurub iynə vurdu. Həkim oğlan
çaş-baş qalıb dillənmirdi. Sanki bu komediyanın nəylə bitə-
cəyinə məəttəl qalmışdı. Selen xəstəyə, – “Sizin şəkəriniz var,
pəhrizinizə, mualicənizə nəzarət lazımdır.”
Vəzir:
– Bilirəm ay bala. Nə gəldi yeyirik, əsəb də imkan ver-
mir ki sakit duram.
Həkim:
– Nəyə əsəbləşirsiniz belə?
Xəstə:
– Hər şeyə – toyuq-cücəyə, arvada, zəmanəyə, cavanla-
ra, qocalara...
– Ta desənə deyinməkdən özünü bu hala salırsanmış...
– Necə deyinməyim ay oğul, gözünün ağı-qarası bir
oğlun ola, o da gözündən iraq bir məmləkətdə yaşaya. Hələ
bu azmış kimi, gedib rusla da evlənə.
Şəmşid kişi sözü burda əlinə aldı:
– Rus adam deyil?
Xəstə:
– Kim deyir ki, adam deyil. Ancaq özümüzünkülər qı-
rılıb qurtarıb ki, gedib rusla evlənir?
291
– Bax bu tibb bacısına – rusdur, amma gör türban necə
yaraşır balamıza. Beləsini gəlinin olsun istəməzdinmi?
Xəstə:
– Deyirlər bizimki də öz istədiyinə namaz qıldırıb, oruc
tutdurur. Amma bir müsəlmanın xristian olacağına inanma-
dığım kimi, tərsini də ağlıma gətirə bilmirəm.
Selen bayıra çıxıb əlində çay içəri girdi. Çayı xəstənin
yanındakı kətilin üstünə qoyub xəstənin biləyini əlinə aldı, –
“Çay için” – dedi. Nəbzini sayandan sonra, yarırus, yarıazəri
dilində, – “Namiqin namaz qılan, oruc tutan nişanlısı mə-
nəm. Sizə gəlin olmağa gəlmişəm. Məni qovsanız da bu ev-
dən çıxan deyiləm. Sizi atam, qaynanamı da anam bilib gəl-
mişəm” – dedi. Və bunları çəkinmədən, sıxılmadan elə dedi
ki, Şəmşid kişinin əli ağzında qaldı. Selen xəstənin əlini
dodaqlarına qoyub iki dəfə öpdü, – “Mənə qızım deyə bilər-
sinizmi?”. Xəstəni elə yerindən vurmuşdu ki, çətin ki “yox”
deyəydi. Vəzir yerində dikəlib, – “Bəs Namiq hanı?” – so-
ruşdu.
Şəmşid kişi:
– Qorxundan bayırda qalıb, sənin halallığını, icazəni
gözləyir.
Xəstə arvadını səslədi:
– Sumaya...
Sumaya içəri girdi.
– Get Namiqi çağır gəlsin içəri. Tanış ol, bu sənin gə-
linindir. Adın nədir qızım?
Şəmşid cəld araya girdi:
– Selcan...
Selen də qızarıb, – “Selcan” – təsdiq elədi.
292
Sumaya gələcək gəlininə, Selen də qaynanasına sarıldı.
Vəzir kişi deyəsən qəhərlənmişdi, – “Gəl.., gəl mən də öpüm
gəlinimi” – dedi. Selen Sumayadan aralanıb xəstənin boynu-
nu qucaqladı.
Sumaya uşaq kimi bayıra qaçıb Namiqlə qol-boyun içəri
girdilər. Namiq atasına, atası da oğluna sarıldılar.
Namiq:
– Haqqını halal elə ata, bağışla məni. Bizi qovmursan
ki..?
Vəzir:
– Harda görünüb ki, ata, səbəbsiz yerə öz balasını evdən
qova. Mənim nə haqqım var mənə iynə vurub dərman verən
həkim balamı evdən qovam. Belə hörmətli insanların ya-
nında tərbiyəsizlik etməyə nə haqqım var bala. Xoşbəxt olun.
Get qonaqlarımıza yemək hazırlat. Düşün həyətə, mən də
üst-başımı dəyişib gəlirəm.
Həkim oğlan:
– Daha işləriniz düzəldisə, özünüzü də yaxşı hiss
edirsinizsə, mən gedim. Allah övladlarınızı xoşbəxt eləsin.
Vəzir:
– Hara gedirsən? Yoxsa, yalançı həkimsən sən də!?
– Yox dayı. Həkimiydim, ancaq belə işdə birinci dəfəydi
iştirak edirdim. Mən çağırış vərəqini doldurub gedim, siz
işinizdə olun.
Həkim öz qeydlərini aparıb Namiqin verdiyi 20 ma-
natlığı da cibinə qoyub getdi. Vəzir üst evdən həyətə dü-
şəndə Sumaya Selenin hələ də boynunu qucaqlayıb sevincini
gizlədə bilmir, qürurla oğluna baxırdı.
Şəmşid kişi Vəziri pilləkənin ən alt pilləsində qarşıladı:
Dostları ilə paylaş: |