161
– Gördün oğlanı..?
– Bölməyə gətirmişdilər, izahatını almağa... Başı bütöv
sarğının içindəydi.
– Bəs atan niyə gəlmədi?
– Hara gəlsin, türməyə salıblar!
– Yəni polis bunu ciddi qəbul edir?
– Vurub camaatın beynini dağıtmısan, bundan da ciddi
nə olmalıydı? Yoxsa öldürmək istəyirdin adamı?
– Bu nə işdi biz düşdük bu bayram axşamı...
Otaqları bir-bir var-gəl elədi. Nə qərara gəldisə şalını
başına atıb oğluna qıcandı:
– Geyin! Mənə polisin yerini göstər!
– Nə edəcəksən, yoxsa onları da qırıb tökəcəksən, istə-
yirsən top-tüfəng də götürək?
– Çərənləmə, tələs!
Onlar polis bölməsinin darvazasına çatanda həyətdəki
oturacaqda sahə müvəkkili ilə söhbət edən Möhsünü gör-
dülər. Aşa naməhrəmdən örpənən qadınlar kimi ərinin onu
görməsindən utandı. Çox qeyzlə gəlmişdi, amma indi muma
döndü. Möhsün hirsliydi, deyişmələri hasarın yanınadək
gəlirdi.
Sahə müvəkkili Mehti:
– Möhsün müəllim, dörd mindən aşağıya yeyə durmur.
Hələ yaxşı ki, oğlan şikayətçi olmadı, yoxsa heç rəis boynuna
da götürməzdi.
Möhsün:
– Daha yaxşı. Şikayətçi yoxdursa, bəs bu qədər pulu ni-
yə istəyirsiniz? Yenə 200-300 manat istəsəydiniz dərdyarıydı,
bir əncam çəkərdik... Mən müəllimbaba adamam, məndə bu
162
qədər pul hardandır ay Mehti. Get denən ki, 500-dən bir
qəpik artıq verməyəcəyəm, tuturlar, qoy tutsunlar!
Mehti:
– Onda başqa çarəmiz qalmır, gərək yoldaşınızı xuliqan
kimi çək-çevirə salaq...
– Bölmənizin altını üstünə çevirərəm! Kişilik hələ öl-
məyib, namusumuz şərəfimizdən də üstündür. Axırıncı dəfə
deyirəm 1000 manat son verə biləcəyim puldur. Söz güləş-
dirmə mənimlə!
– Onda 100 də mənə verərsən, uşaqlarla boğazımızı yaş-
layarıq.
– Onu eliyərəm...
Möhsün bayaqdan arvadını da, oğlunu da görmüşdü.
Çevrilib arvadına səsləndi:
– Uşağa min manat pul ver gətirsin!
Aşa başının işarəsilə, – “Yaxşı...” – deyib evə yollandı.
Mehti:
– Müəllim, bəs deyirdiniz pulunuz yoxdur?
Möhsün:
– Bundan sonra sizə verməyə hələ çox pulum olacaq!
Qoy bayram çıxsın, bir də ölüm hadisəsinə görə məni çağıra-
caqsınız... – bunu da iti addımlarla gedən arvadının arxa-
sınca baxaraq dilinin altında mızıldandı.
Bir xeyli vaxt keçdi və Gülağa bölmənin hasarından çöl-
də atasını səslədi. Möhsün oğlundan pulu aldı. Həyətdəcə
sayıb Mehtiyə verdi, sağollaşıb bölmənin həyətindən çıxdı.
Bayram günü olsa da poçtun qapısı açıq idi – “Zalımlar!
Bayramdan istifadə edib camaata pul ödətdirirmişlər”. Poçta
getdi. İşığa görə borcunu soruşdu, – “7 manat, 50 qəpik” –
dedilər. Borcu ödədi və evə yollandı. Yolda bir neçə şagirdi,
163
– “Yeni iliniz mübarək Möhsün müəllim” – deyib onu təbrik
etdi. Möhsün dinməzcə başıyla təbrikləri qəbul edir və do-
daqlarını gəmirə-gəmirə evə tez çatmağa tələsirdi. Qapını qı-
zı açdı , heç nə olmamış kimi atasının boynuna sarılıb, –
“Yeni İlin mübarək mənim gözəl atam!” – dedi. Qızının
alnından öpdü, – “Sənin də mənim balam” – anasının adını
qoymuşdu deyə, qızını hər kəsdən çox sevirdi. Əynindəki
paltonu çıxarıb birbaş mətbəxə getdi. Axtardığını orda tap-
madı, yataq otağına keçdi. Aşanın ağlamaqdan gözləri şiş-
mişdi. Əfv diləyən yaşlı baxışlarla ərini süzdü. Gözləri bir-
birinə tuş gələndə isə yenidən hönkürüb üzünü yastığa da-
yadı. Can verən adamlar kimi boğuq səsi güclə eşidilirdi, –
“Bağışla məni Möhsün, bağışla...” – deyib başını yastığa
daha bərk sıxdı. Möhsün yerində donub qalmışdı. Ağlayan
onun uşaqlarının doğmaca anası, uşaq vaxtı birlikdə qayğısız
oynadığı, birgə böyüdüyü dayısı qızı, vaxtilə çox sevdiyi,
onu it kimi dalasa da ətini yeyib çölə atmayan ömür-gün yol-
daşıydı. Möhsün ehtiyatla əlini onun pırtlaşıq saçlarına apar-
dı. Aşanın telini sığalladı. İçində azacıq da olsa hirs və kin
qalmamışdı. Arvadının telindən aldığı cərəyan sanki deyirdi,
– “Əzizim, sən axırıncı dəfə mənim başımı nə vaxt sığal-
ladığını xatırlayırsanmı...?”. Aşa da bilirdi ki, o, ilk dəfəydi
ki, günahını boynuna alıb ərindən üzr istəyir və ona məğlub
olur. Aşa durub ərinin düz üzünə baxdı, – “Mən daha əv-
vəlki kimi olmayacağıma söz versəm məni bağışlayarsan?”.
Möhsün:
– Sən mənim uşaqlarımın anası, mənimsə namusumsan.
Biz birlikdə övladlarımızı bir ağ günə çıxarmağa borcluyuq,
onlara yaxşı nümunə olmalıyıq.
164
– Bağışla məni, xahiş edirəm... Gəl bir də ayrılmaq barə-
də düşünməyək. Hər dəfə düşünəndə ki, biz nə vaxtsa bo-
şanmalıyıq, onda dəli oluram. Hər açılan səhəri ayrılıq günü
kimi qarşılayıram. Hər gün tökdüyüm zəhərlər həmin gü-
nün acı əntəşəsidir. Hərdən o günün tez yetişməsini özüm
də arzulayıram ki, bu iztirablarıma son qoyulsun. Gör sənə
nə qədər əzab vermişəm Möhsün... Qurbanın olum, nolar,
keç günahlarımdan. Mən sənsiz, övladlarım olmadan yaşaya
bilmərəm.
– Sən də məni bağışla.., sənə bəlkə də lazımınca diqqət
ayırmamışam. Mən də günahkaram...
Aşa ərinin boynunu qucaqlayıb üzündən öpdü, Möh-
sünsə onun alnından.
Möhsün:
– Biz nə vaxtdandır fitrə-zəkat vermirdik?
– Unutmuşam...
– Qoy o min manat, acılı günlərimizin fitrəsi, canımıza
gələn qada-bəlanın zəkatı olsun.
Onlar qol-boyun olub Gülağanın yatağında xısınlaşa-
xısınlaşa saatlarla dərdləşdilər. Sanki bir-birini ilk dəfədir
görür və ilk məhəbbətin ilk ülvi təmaslarını yaşayırdılar. Bu
günədək zəhər-zəkkumla keçən dövrlərini yada salıb boşuna
yelə verdikləri günlərinə o ki var güldülər. Hər dəfə zəvzək
halını arvadına xatırlatdıqca Aşa haldan hala düşür, yanaq-
ları qıpqırmızı allanırdı. Aşa bir dünya gözəli, mələk olmuş-
du ərinin gözlərində. Möhsün arvadının yanaqlarında gilə-
lənən yaşı silir, qaşını, burnunu, dodaqlarını oxşayır, Aşa isə
onun sinəsinə qısılıb yanaqlarını öpür, qayğılı gözlərinə bax-
maqdan doymurdu. Bu saat dünyada onlardan xoşbəxt və
qayğısız cütlük yox idi. Möhsün ilk dəfə idi ki, bir qadına
Dostları ilə paylaş: |