5
Lap yaxında qatıq bankası sındı, başını qaldıranda bir pota polis işçisini
gördü. Yaman söyürdü. Ağzının qırağı tüpürcəkdən cəng bağlamışdı. Vedrəsi dağılan
qadın da söyürdü, lənətlər, qarğışlar yağdırırdı. Ancaq özünü də itirmirdi, dağılan
matahını təzədən vedrəyə doldurur, ayrı yerə keçməyə tələsirdi. Bu dəfə də göyərti
zənbili təpik zərbəsindən göyə qalxıb, balıq satanın zənbilinə düşdü. Göyərti satanın heç
səsi də çıxmadı. Cəld göyərtilərini balıq zənbilindən yığıb, hər ikisi qaçmağa üz qoydu.
Kartof satan oğlan, deyəsən, müştərisinə kəf gəlmişdi, müştəri əlində tərəzi kartofu
oğlanın təpəsinə çırpdı.
Yaxşı ki, o, şəhərdə yaşamırdı. Kənddə heç olmasa mal aldığın adamı tanıyırsan.
Burada adama nə gəldi sırıya bilərlər. Köhnə əti, palçığa düşmüş göyərtini çirkli suda
yaxalayıb sata bilərlər. Yox, onun yaddaşında qalan şəhər deyildi bu gəldiyi yer.
Yaşar telefonu söndürmüşdü. Əbdül onu axtarmağın mənasız olduğunu get-gedə
daha çox anlayırdı. Gərək gəlməyəydi. Bəhanəsi də vardı. Maşınını bir ay vardı qarajdan
çıxara bilmirdi. Yol avtobusu ilə getməsini məgər bacısı ona məsləhət görməmişdimi?
Arvadı Əbdülü silkələyəndə Əbdül bərk qorxmuşdu. Ürəyinə xof düşmüşdü. İlahi,
ölən var görəsən, yoxsa, gecənin yarısı arvadına nə olub onu oyadır. Yuxuya hələ indi
gediblər. Bacısının səsini eşidəndə lap ürək-ciyərini yedi.
- Nə olub, Səmayə? – deyib, - yataqdan dik qalxdı. – Bacısının evi ilə onların evi
arasında xeyli yol vardı. Gecənin bu vaxtı o yolu qət etmək, o demək idi ki, nəsə dəhşətli
bir hadisə baş verib. Nə baş verdiyini Səmayənin dilindən eşidəndə Əbdül bir az
yüngülləşdi.
“Şükür Allaha, bircə ölümə əlac yoxdur”, - deyib baş-gözünə döyən bacısını
sakitləşdirdi. “Gəlin”də bacısının yanındaydı. Hürkmüş gözlərini onlara dikib durmuşdu.
Onun yalvarış dolu baxışları Əbdülü də təqib edirdi.
- Dayı, hara baxırsan? – tez ol, əyləş, - arxada boş yerimiz var, - məktəb yaşlı
çəlimsiz bir uşaq qolundan tutub az qala səhər gəldiyi, “avtobus” deməyə adam utanır
“maşına” bənzər oturacaqlarından adam çimçəşən alabaşa sarı çəkdi. “Bu nədir,
deyəsən, onu zorla rafa mindirmək istəyirdilər”.
- A bala, qolumu burax, - mən maşın axtarmıram.
- Onda, çəkil maşının qabağından, - uşaq yaşına yaraşmayan kobudluqla dilləndi.
- “Nəsimi bazarı”, “Nizami metrosu”, “Bakı soveti”...qışqırmağa, müştəri
çağırmağa başladı.
Əbdülün uşağa acığı tutmurdu. Onun tayları indi parta arxasında oturub bilik alır. O
isə atasına köməkçi olub. Əlbəttə, bu heç də ürəkaçan həyatdan irəli gəlməyib. Əbdül elə
bilirdi içində tərpənməyə yer olmayan, havasızlığından adam boğulan bu görkəmsiz
maşınlar ancaq onların kəndindən şəhərə sərnişin daşıyır. Demə, bu sınıq-salxaq
avtobuslar paytaxtda da dəbdə imiş. Hara getdi 80-cı illərin gözəl, rahat, 3 qapılı
avtobusları, trolleybusları, tramvayları... Bunları xəttə kim çıxarır, axı?! – Küçələr də
heç rayon yollarından geri qalmırdı, asfaltsız, kələ-kötür, bərbad.
Bu nədir, Əbdülün gözünə görünür, yoxsa, həqiqətən bu cavan oğlanın burnundan
qan gəlir?! O, evin zirzəmisindən çıxıb üstündə “Şuşa” yazılmış kiçik marketə sarı
gəlirdi. Əbdül diqqət elədi, orada balıq satırdılar. Oğlan quru balıqlar düzülmüş
piştaxtanı qucaqlayaraq “bura mənimdir, bunu min dollara almışam”, - deyib hay-küyə
6
gəlmiş adamlardan kömək umurdu. Fağır, yazıq təsir bağışlayırdı.
- Dedim sənə rədd ol, - qara saqqallı, hündür, qarnı ağzına dəyən kişi yumruğunu
düyünləyərək onun üstünə gəlirdi.
- Dədənin yeridir, köpək oğlu. Bu kişi şahiddi əlimlə polisə min dollar vermişəm.
- Bunların hansı düz danışır, oğlana rəhmi gəldiyi üçün Əbdül tamaşaya yığılanların
birindən soruşdu.
- İkisi də.
- Bu necə olur, - bir yeri 2 adama satıblar?
- A kişi bəzən lap 3 adama satırlar. Kim kimədir?! – Baxır, kimlə iş görürsən. Biri
pulu sahə müvəkkilinə verir, biri icra hakimiyyətinə, digəri polisə. Onlar pulları alıb
aradan çıxır. Bu yazıqlar da beləcə bir-birini qırmağa başlayırlar.
Burada Əbdüllük heç nə yox idi. Acıdığını əməlli-başlı hiss etdiyindən oradan
uzaqlaşdı. Yenidən telefonla çörəkpulu qazanan oğlanlara yan aldı. Yaşar onu
gözləyirmiş kimi:
-
Hə dayı, eşidirəm, - dedi, - harada olması ilə maraqlandı.
Əbdül yaxınlıqdakı Yaşarın dediyi kafeyə yollandı.
Üz-üzə oturub dinməz-söyləməz ofisiantın gətirdiyi ev dadını verməyən
xörəklərdən yeməyə başladılar.
- Bilirəm niyə gəlmisən, nə deyəcəksən? – Yaşarın səsi yorğun idi, gözləri
qızarmışdı. Əbdül hiss etdi ki, bu hadisəni bacısı oğlu da faciə təki yaşayır.
Səhərdən rast gəldiyi adamlarla müqayisədə Yaşar olduqca xoş təsir bağışlayırdı.
Şux, qətt-qamətli, yaraşıqlı. Tər-təmiz, zövqlə geyinmişdi. Ən asası da bu idi ki, inamlı,
qətiyyətli görünürdü. Gözlərində nə etdiyini yaxşı bilən adamlara məxsus soyuq parıltılı
kədər onun ciddiliyini daha çox qabardırdı. Kənd uşağı olmasından heç bir əsər-əlamət
qalmamışdı. Bu 7 ildə Yaşar bərkimiş, dünya görmüş, təmkinli adama çevrilmişdi.
Əbdül o vaxt onu Rusiyaya müalicəyə aparanda Yaşar Qarabağdan – ön cəbhədən
təzə qayıtmışdı. Məktəbi qurtaran təki onu əsgər aparmışdılar. Sonra da özü könüllülərin
sırasında qalmışdı. Çiynindən yaralanmasaydı, bəlkə də heç qayıtmayacaqdı. Cəbhə
həyatı, səngər dostlarının ağır itkiləri bu məktəbli uşağı vaxtından tez böyütmüşdü.
Saçlarına dən düşmüşdü. Bacısı yaralı oğlunu bağrına basıb ağlayanda Əbdülün də
gözləri yaşarmışdı. Yara sağalsa da, Yaşar sağ qolunu tərpədə bilmirdi. Zədələnmiş
vətərlər sözünə baxmırdılar. Yaşar bunu da təmkinlə, heç kəsə şikayətlənmədən içində
çəkirdi.
Əbdül elə o vaxtlardan çarəsizlikdən, pis dolanışıqdan Rusiyada ilişib qalmışdı.
Bacısı oğlunu öz hesabına ora aparsa da, sonralar Yaşar onun əvəzini dayısına birə-üç
qaytarmışdı. Uzun sürən yaxşı müalicə öz təsirini göstərmişdi. İndi elə bil bu yara heç
olmamışdı.
Yaşar orada instituta girib təhsil aldı, geri qayıtdı, ancaq kənddə həyat əzab-
əziyyətə döndü. Yaşar yenidən yad ölkələrə üz tutdu. Kaunasda yaşadığı artıq 3 il vardı.
Əbdül ona baş çəkməyə vaxt tapmasa da Yaşarın evə, anasına hər ay müntəzəm pul
göndərməsi, onunla telefonla əlaqə saxlaması onun yaxşı övlad olduğunu və heç də pis
dolanmadığını göstərirdi.
Onu dilə tutub evə qaytarmaq Əbdülün ən vacib tapşırığı olsa da kənddə belə
Dostları ilə paylaş: |