Əziz oxucular! Bu mənim ilk kitabımdır. Yazmağa 2007-ci ildən başlamışam
Yüklə 1,33 Mb. Pdf görüntüsü
|
| III FƏSİL
Zaman bütün yaraları sağaldır deyirlər. Bəs Səmanın yanağındakı bədənindəki yaraların məlhəmi nə olacaqdı? O toy günündən indiyə kimi hər gecə gündüz əri və ərinin uşaqları tərəfindən amansızcasına döyülür, işgəncələr görürdü. Sanki erməni qanı içmişdi zalımlar. O qədər amansızlıq, murdar işgəncə, nadanlıq yalnız erməni millətinin qanında var. Səma sanki əsirlikdə idi. Nə yeməyi yemək, nə halı hal idi. Ayaq üstə güclə dayanırdı. Nə ailəsindən kimsə onu görməyə gələrdi, nə də ona hasardan kənara çıxmağa icazə verərdilər. Bəs nə edərdi Səma? Hansı dağa arxalanardı. Hansı çiyinlərdə ağlayıb dərdini bölüşərdi. Daha belə yaşaya bilməzdi. Dərin quyuya düşün biri çıxmağın tək yolunu kəndirlə dırmanmaqda görürsə, Səma da bu vəzittəydən çıxış yolunu yalnız qaçmaqda gördü. Nəhayət bir gecə hər kəsin yatdığından əmin olub, evdən qaçdı. Hər tərəfin qaranlıq olduğuna baxmayaraq içindəki qorxu hissini boğub qaçmağa başladı. O gecə Cəmilə yuxuya gedə bilmirdi. Gözlərini yuman kimi qorxunc sifət görüb diksinirdi. Bunun nə ilə bağlı olduğunu anlamırdı. Yatmamağa qərar verdi. Dörd saat əvvəl dəmlədiyi kəklik otu çaydan bir fincan süzüb içməyə başladı. Səmanı düşünürdü. Ən son onu gəlinlikdə atası evindən zor gücünə aparılanda görmüşdü. O gündən bir xəbər belə almamışdı ondan. Cəmilə Səmanı çox sevirdi. Evin tək övladı olduğundan kimsəyə bacı qardaş deməmişdi. Bunun nə olduğunu da anlamırdı. Lakin ailə qurub baldızı Səmanı tanıdıqdan sonra bacının nə olduğunu gözəl anlamışdı. Bilirdi ki, Səma ona baldızdan əlavə, həm də doğma bacı kimi əzizdir. Fikirli halda çayından bir qurtum içmişdi ki, qapı bərk-bərk döyüldü. Amma gecənin bu vaxtında evə kim gəldiyini anlamadı. Şirin yuxuda olan yoldaşı Rəşidi tələsik oyatmağa başladı: - Rəşid, oyan! Kimsə qapını döyür. - Gecənin bu vaxtında nə qapı? – gözlərini ovxalayan Rəşid ayağa qalxmağa çalışdı. Qapı yenidən döyüldü. – hər kimdirsə Allah xeyrə calasın. - Amin. Rəşid əyninə yüngül paltar geyinib qapını açdı. Qapı önündə titrəyən halsız bacısı Səmanı görüb mat qaldı. Nə düşünəcəyini bilmədi. Amma onu yenidən gördüyünə çox sevindi. Kiçik bacısını qucaqlayıb bağrına basdı. - Xoş gəldin, Səma! Gecə vaxtı nə olub niyə belə titrəyirsən? - Mən o evə bir də qayıtmaq istəmirəm. – Səma dili topuq vuraraq dedi. Çox qorxduğu ilk baxışdan aydın idi. Gözlərinin altı göyərmiş, dodağının kənarı partlamışdı. Cəmilə Səmanın halsız olduğunu görüb özü ilə yatağa apardı. Bir qədər yatmağını xahiş etdi. Səmanı təpiklə o qədər döymüşdülər ki, ayağı belə axsayırdı. Bütün bədəni gömgöy göyərmişdi. Rəşid bacısını əsgər getdiyi gündən sonra ilk dəfə idi ki, görürdü. Kaş görməz olaydı. Cəmilənin and amanı olmasaydı Rəşid elə gecə ikən bacısını bu vəziyyətə salan alçaq ərindən qisas almağa gedəcəkdi. Ən azından onları Səmanın halına salacaqdı. Axı hansı qardaş bacısını bu vəziyyətdə görmək istəyərdi? Heç kəs... Səhərə kimi otaqda sağa-sola əsəbi halda gəzişən Rəşid, nəhayət bir küncdə əyləşdi. Cəmilə isə həm Səmanın qayğısına qalmış, həm də yoldaşına səbirli olmağı məsləhət görmüşdü. Dan yeri söküləndə Rəşid atasını oyatmağa getdi. Bu ərəfədə Səma da artıq oyanmışdı. Ər evindən qaçarkən dəfələrlə yıxıldığından hər tərəfi sızıldayırdı. Tərpənməyə halı yox idi. Cəmilənin yatağının kənarında görüb çox sevindi. Onu yenidən qucaqlayıb ağlamağa başladı. Ərindən və onun amansız uşaqlarından çəkdiklərini danışmağa başlamışdı ki, qapı taybatay açıldı. Atası ilə anası təlaş içində evə girdi. Əvvəl biri sonra digəri Səmanı danlamağa tənbeh etməyə başladılar. Rəşid isə kənarda dayanıb bu vəziyyətə çıxış yol axtarmağa başladı. Bir də gördü ki, atası Səmanın işgəncələrdən yanmış göyərmiş qolundan dartaraq ər evinə aparmağa çalışır: - Sənə icazə vermərəm ki, məni camaat içində rüsvay edəsən. Get ərivin yanına, canın çıxsın mehriban ol. - Ata yalvarıram sənə məni ora göndərmə. Orda yaşamaqdansa qapında zəncirli it olum bəsimdi. - Hələ danışmağa dilin də var? –anası da danlamağa başladı - Kişindir də bir gün döyər, bir gün sevər. Get otur xarabanda sözə qulaq as. Yoxsa südümü sənə halal etmərəm. - Sənə qurban olub ay ana. Nə olar kömək elə. Mənim halıma acıyın. - Dayanın! –Rəşid yerindən sıçradı - Bacım heç yerə getməyəcək! Yüklə 1,33 Mb. Dostları ilə paylaş:
|