101
28 Mart – Rus yazıçısı Maksim Qorkinin 150 illiyi, (1868-1936)
Aleksey Maksimoviç Peşkov (Maksim Qorki) 1868-ci
il mart ayının 28-də Rusiyanın Novqorod əyalətində anadan
olmuşdur. 8 yaşında əmək fəaliyyətinə başlamışdır. Gəmilərin
birində qab-qacaq satmaqla məşğul olan yazıçının istedadı
məhz bu illərdə ortaya çıxmışdır. Tüfeyli həyat tərzi keçirən,
yoxsulluğa məhkum olan yazıçı “Qorki” təxəllüsünü də məhz
rus dilindən tərcümədə ağrılı-acılı həyat mənasını ifadə
etdiyinə görə götürmüşdür.
1895-ci ildə Peterburqda nəşr
olunan jurnalların birində çıxan “Çelkaş” adlı məqaləsiylə
məşhurluğun qapılarını açan Qorki, sonradan yazdığı “26 kişi
və 1 qız” hekayəsiylə daha da tanınmışdır. O, həyatın sərt həmlələrinə, taleyin
şıltaqlıqlarına səbrlə dözmüşdü. Uşaqlığı ondan çox şeyləri almışdı. Atasını,
anasını… Amma o, bu mübarizədən əliboş çıxmamışdı. Bu çətinliklər ona zəngin
həyat materialları qazandırmışdı. “Uşaqlıq” romanını onun avtobioqrafik
yaradıcılığının ilk cücərtiləri saymaq olar. Əsər oxucunu yormur, çünki tərcümə
olduqca keyfiyyətlidir. Oxunaqlı, səlis tərcüməyə görə Ənvər Məmmədxanlını yad
etməyə dəyər. Çünki o, bu tərcümədə dilimizin koloritindən, zənginliyindən
ustalıqla istifadə edib. Təsadüfi deyil ki, Qorki yaradıcılığında avtobioqrafik əsərlər
çoxluq təşkil edir. “Uşaqlıq”dan başqa onun “Özgə qapılarında” və “Mənim
Universitetlərim” romanları da avtobioqrafik səciyyə daşıyır. Bu üç roman bir-birinə
möhkəm tellərlə bağlıdır, trilogiyanı andırır və Qorkinin həyatı barədə bizdə kifayət
qədər təsəvvür yaradır. Qorki gənclik illərini Kazanda keçirmişdir. Yazıçının ilk
hekayələri Tiflisdə olduğu müddətdə jurnalda dərc olunmuşdur. 1902-ci ildə ABŞ-a
səyahət edən Qorki, sonradan Rusiyadan ayrılmış, Kapri adasındakı malikanəsində
yaşamağa başlamışdır. Yazıçı 1913-cü ildə yenidən Rusiyaya qayıtmış və 1936-cı il
iyun ayının 18-də burada vəfat etmişdir.
Kitabları: “Seçilmiş əsərləri”, “Uşaqlıq”, “Özgə qapılarında”, “Mənim
Universitetlərim” və s.
İnternetdə:
www.az.wikipedia.org
102
31 Mart – Rus yazıçısı Aleksandr Ostrovskinin 195 illiyi, (1823-1886)
Aleksandr Ostrovski 1823-cü ildə Kostroma Vilayətinin Ostrovski rayonunda
anadan olmuşdur. 1840-1843-cü illərdə Moskva Universitetinin hüquq fakültəsində
təhsil almış, 1843-1851-ci illərdə Moskva məhkəmələrində işləmişdir. Estetik
görüşləri V. Q. Belinskinin təsiri altında formalaşmışdır. İlk əsərləri 1847-ci ildə
dərc olunmuşdur. 1850-ci ildə tamaşaya qoyulan "Öz adamlarımızdır, düzəlişərik"
satirik komediyası 1-ci Nikolayın göstərişi ilə qadağan edilmişdir. Pyeslərində
mühüm sosial və əxlaqi problemlərə toxunmuş, pulun hakim kəsildiyi cəmiyyəti və
despotizmi kəskin tənqid atəşinə tutmuşdur. "Yoxsulluq eyib deyil" (1853), "Gəlirli
yer" (1856), "Tufan" (1859) və s. pyeslərində məmur, tacir və mülkədarların
tamahkarlığı, acgözlüyü ifşa olunur. Onun dramaturgiyası rus teatr sənətinin
inkişafında mühüm rol oynamışdır. O, Azərbaycan dramaturgiyasına, xüsusilə də
Nəcəf bəy Vəzirov yaradıcılığına ciddi təsir göstərmişdir. Abbas Səhhət onun
"Yoxsulluq eyib deyil" komediyasından iqtibas olaraq eyni adlı ikipərdəli mənzum
pyes yazmışdır. Onun əsərləri hələ keçən əsrdə Azərbaycan dilinə tərcümə
olunmuşdur. Pyesləri Azərbaycan səhnəsində tamaşaya qoyulmuşdur. Ostrovski
1883-cü ildə Bakıda olmuş, gündəliyində Bakı səfəri haqqında maraqlı qeydlər
etmişdir. Aleksandr Ostrovski 1886-cı ildə Moskvada vəfat etmişdir.
A. N. Ostrovskinin Moskvada heykəli qoyulmuşdur.
Kitabları: “Seçilmiş əsərləri”, “Yoxsulluq eyib deyil”, “Gəlirli yer”, “Tufan” və s.
İnternetdə:
www.az.wikipedia.org
103
İncəsənət
21 Mart – Xalq artisti, aktyor İsmayıl Talıbzadənin 120 illiyi, (1898-1967)
İsmayıl Məmmədəli oğlu Talıblı 21 mart 1898-ci ildə
Bakıda sadə qulluqçu ailəsində doğulub. 1924-cü ilin sonuna
qədər o, Milli Dram Teatrında qırxa yaxın müxtəlif xarakterli,
hətta estetik prinsiplərin psixoloji mahiyyəti baxımından
bir-birinə zidd olan obrazlara səhnə ömrü verib.
Bakıda
yaşayan və dövlət idarələrinin mühüm ideoloji sahələrində
yüksək vəzifələr tutan əcnəbi millətlərin nümayəndələrinin
fitnəkarlığı ilə 1932-ci il dekabrın 28-də Bakı Türk İşçi
Teatrının Gəncə şəhərinə köçürülməsinə qərar verildi. Halbuki
həmin dövrdə Gəncədə yerli gənclərdən, maarifpərvər
ziyalılardan ibarət güclü teatr truppası vardı və onların qüvvəsi
ilə şəhərdə Dövlət teatrı yaratmaq mümkün idi. Yanvar ayında 1933-cü ildə İşçi
Teatrının bütün kollektivi Gəncəyə köçdü. İsmayıl Talıblı doğma kollektivdən
ayrılmadı. O, ömrünün sonunadək Cəfər Cabbarlı adına Gəncə Dövlət Dram
Teatrında aktyorluq edib. Hətta 1942-1943-cü illərdə teatrda direktor da olub. İsmayıl
Talıblı Gəncə teatrında yaradıcılığının yetkinlik və müdriklik dövrünün parlaq
nümunələrini yaradıb. Onların daha sanballıları və yaradıcılıq baxımından daha
zənginləri bunlardır: Hacı Səməd ağa ("Bəxtsiz cavan", Əbdürrəhim bəy
Haqverdiyev), Jorj Danden ("Jorj Danden", Jan Batist Molyer), Şeyx Nəsrulla
("Ölülər", Cəlil Məmmədquluzadə), Yaqo ("Otello", Vilyam Şekspir), Səttarxan
("Dumanlı Təbriz", Məmməd Səid Ordubadi), Əbdüləli bəy, Aqşin, Hacı Əhməd,
Rəhim xan, İmamyar, Balaxan ("Sevil", "Od gəlini", "Almaz", "Nəsrəddin şah",
"Yaşar" və "Aydın", Cəfər Cabbarlı), Bələdiyyə rəisi ("Müfəttiş", Nikolay Qoqol),
Azər baba, İbrahim xan ("Fərhad və Şirin" və "Vaqif", Səməd Vurğun), Süleyman
("Həyat", Mirzə İbrahimov) və s.
Məşhur aktyor sənətdəki nailiyyətlərinə görə Azərbaycan Respublikasının
əməkdar artisti (4 dekabr 1938) və xalq artisti (23 fevral 1940) fəxri adları ilə təltif
olunub. İsmayıl Talıblı 23 iyul 1967-ci ildə Gəncə şəhərində vəfat edib və oradakı
qədim Səvzəkar (Sərdabəli) qəbiristanlığında torpağa tapşırılıb.
Filmoqrafiya: Onu bağışlamaq olarmı? (film, 1959), Telefonçu qız (film, 1962)
İnternetdə:
www.az.wikipedia.orq