107
10 Mart – Azərbaycanın Milli Qəhrəmanı Mürsəlov Vüqar Mirəzbər oğlunun
55 illiyi, (1963-1992)
Mürsəlov Vüqar Mirəzbər oğlu 10 mart 1963-cü ildə Cəlilabad rayonunun
Göytəpə şəhərində dünyaya gəlmişdir. 1980-ci ildə 1 saylı orta məktəbi bitirdikdən
sonra Bakı texniki peşə məktəbində təhsilini davam etdirmişdir. Sonra Bakı
Politexnik Texnikumuna daxil olaraq oranı əla qiymətlərlə başa vurur. Hərbi
xidmətini Belarusiyanın Brest şəhərində keçirir və qvardiya baş çavuşu, tankçı adları
ilə ordudan tərxis olunur. Göytəpə Avtomobil Təmiri Zavodunda öz ixtisası üzrə
əmək fəaliyyətinə başlayır. 1991-ci ildə Xüsusi Təyinatlı Polis Dəstəsinə qəbul edilir
və torpaqlarımızın müdafiəsinə qalxır. Füzuli, Ağdam, Xanlar, Laçın, Şuşa,
Goranboy, Ağdərə istiqamətində gedən döyüşlərdə ölüm-dirim mübarizəsinə qalxır.
Vüqar Mürsəlov 9 iyun 1992-ci ildə Tərtər rayonunun Cəmilli kəndi istiqamətində
gedən döyüşdə vuruşmuş və qəhrəmanlıqla həlak olmuşdur. Bakı şəhərinin Şəhidlər
Xiyabanında dəfn edilmişdir. Göytəpə şəhərində təhsil aldığı məktəbə onun adı
verilmiş, şəhərin mərkəzində büstü qoyulmuşdur. Tərtər, Göytəpə və Cəlilabad
şəhərlərində adına küçə var.
Azərbaycan Respublikası Prezidentinin 8 oktyabr 1992-ci il tarixli 264 saylı
fərmanı ilə Mürsəlov Vüqar Mirəzbər oğluna ölümündən sonra "Azərbaycanın
Milli Qəhrəmanı" fəxri adı verilmişdir.
İnternetdə:
www.az.wikipedia.orq
108
Aprel
Əlamətdar və tarixi günlər
1 Aprel – Ümumdünya Gülüş Günü, (1564)
1 Aprel – Beynəlxalq Quşlar Günü, (1894)
2 Aprel – Beynəlxalq Uşaq Kitabı Günü, (1967)
4 Aprel – Ümumdünya İnternet Günü, (1998)
5 Aprel – Qar Qızın Ad Günü, (2009)
6 Aprel – Beynəlxalq Cizgi Filmləri Günü, (2002)
6 Aprel – İlk Olimpiya Oyunlarının Keçirildiyi Gün, (1896)
7 Aprel – Ümumdünya Sağlamlıq Günü, (1950)
12 Aprel – Ümumdünya Aviasiya və Kosmanavtika Günü, (1962)
13 Aprel – Ümumdünya Rok-N-Roll Günü, (1954)
15 Aprel – Beynəlxalq Mədəniyyət Günü, (1935)
17 Aprel – Ümumdünya Hemofiliya Günü, (1964)
18 Aprel – Tarixi Abidələrin Mühafizəsi Günü, (1983)
21 Aprel – Beynəlxalq Sirk Günü
22 Aprel – Ümumdünya Yer Kürəsi Günü, (1970)
23 Aprel – Ümumdünya Kitab və Müəllif Hüquqları Günü, (1996)
23 Aprel – Ümumdünya İngilis Dili Günü, (2010)
24 Aprel – Gənclərin Beynəlxalq Həmrəylik Günü, (1957)
28 Aprel – Milli Təhlükəsizlik Orqanları İşçilərinin Peşə Bayramı Günü, (1997)
29 Aprel – Ümumdünya Qardaşlaşmış Şəhərlər Günü, (1962)
29 Aprel – Beynəlxalq Rəqs Günü, (1982)
30 Aprel – Beynəlxalq Caz Günü, (2011)
Bu tarixi unutmayaq
3-4 Aprel – Kəlbəcər rayonunun işğalı günü, (1993)
Azərbaycanın tanınmış şəxsiyyətləri
Alim, ictimai xadim Heydər Hüseynovun 110 illiyi, (03.04.1908-15.08.1950)
Akademik Zərifə Əliyevanın 95 illiyi, (28.04.1923-15.04.1985)
Yubilyar yazıçı və şairlər
Yazıçı Aqil Abbasın 65 illiyi, (01.04.1953)
Yazıçı Salam Qədirzadənin 95 illiyi, (10.04.1923-15.11.1987)
Ədəbiyyatşünas, tənqidçi Vüqar Əhmədin 55 illiyi, (17.04.1963)
Ədəbiyyatşünas, tənqidçi Vaqif Yusiflinin 70 illiyi, (20.04.1948)
Yazıçı, ədəbiyyatşünas Mir Cəlalın 110 illiyi, (26.04.1908-28.09.1978)
Şair, dilçi, publisist Adil Babayevin 80 illiyi, (28.04.1938)
109
İncəsənət
Xalq artisti, aktyor Əli Zeynalovun 105 illiyi, (04.04.1913-1988)
Xalq artisti, opera müğənnisi Lütfiyar İmanovun 90 illiyi, (17.04.1928-22.01.2008)
Xalq artisti, aktyor Həsənağa Turabovun 80 illiyi, (24.04.1938-23.02.2003)
Milli Qəhrəmanlıq Zirvəsi
Azərbaycanın Milli Qəhrəmanı Xasıyev Samir Zirəddin oğlunun 45 illiyi,
(20.04.1973-17.03.1995)
110
Əlamətdar tarixi günlər və bayramlar
1 Aprel – Ümumdünya Gülüş Günü, (1564)
Hər il aprel ayının 1-də Avropada və bir
çox Asiya ölkələrində Gülüş Günü keçirilir. Bu
gün rəsmi bayram kimi heç bir ölkənin təqviminə
daxil edilməsə də, dünyanın bir çox
dövlətlərində qeyd olunur. Həmin günü Böyük
Britaniyada “Səfehlər günü”, Fransada isə
“Aprel balığı günü” adlandırırlar.
Gəlin əvvəla bu günün tarixçəsinə bir
nəzər salaq. Bəzi mənbələrə görə 1 aprel
zarafatının yaranması belə olub: Təqribən 5 əsrlik tarixi olan Gülüş Günü ilk dəfə
Fransada təşəkkül tapıb. 1564-cü ildə Fransa Kralı IX Çarles, il başlanğıcının yanvar
ayının birinci günü olması barədə qərar verib. Amma bundan əvvəl də Fransada yeni
ili 1 apreldə qeyd ediblər. O zamankı rabitə şərtlərində IX Çarlesin bu qərarı ölkədə
çox da yayılmayıb. Məsələdən xəbərdar olanlar isə protest məqsədilə köhnə
adətlərinə davam edərək, 1 apreldə şənliklər keçiriblər. Digərləri onları “aprel
axmaqları” adlandırıblar. 1 aprelə isə “bütün axmaqların günü” adını veriblər. Uzun
illər sonra yanvarın ilk ay olmasına öyrəşiblər və 1 aprel gününü mədəniyyətlərinin
bir parçası sayaraq Gülüş Günü kimi qeyd ediblər.
İndi bütün dünyada 1 Aprel Ümumdünya Gülüş Günü kimi qeyd olunur.
Başqa rəvayətə görə, qədim Romada 17 fevralı “Avamlar bayramı kimi”
keçirirmişlər. Şərqi Hindistanda isə bu bayram martın 31-nə təsadüf edib. Rəvayətə
görə, belə qeyri-adi ənənəyə təbiətin özü səbəb olub. Havanın yaz şıltaqlıqlarını
əhali gülüş və zarafatlarla qarşılamaq məqsədilə bu günü özlərinə xoş ovqat
yaratmaq üçün seçib. Azərbaycanda isə bu gün daha çox insanların bir-birlərini
aldatması ilə müşayiət olunur. Hətta həmin gün televiziya kanallarında gedən bəzi
xəbərlər, dövri nəşrlərdə dərc olunan informasiyalar da yanlış olur. Özü də bundan
heç kəs incimir. Amma hamı çalışır ki, aprelin 1-i aldanmasın.
İnternetdə:
www.books.google.com