12
keçirilir. Daha sonra saplar açılır, bu zaman burulmadan alınan deformasiya aşkara
çıxır və isti emal zamanı müəyyən edilir. Bunun nəticəsində elementar lif spiral
yay formasını alır. Bundan sonra hər iki sap zəif burulur (bir metrdə 160-200 buruq
olur) 2,2-15,6 teksli elastik teksturalı saplar belə hazırlanır. Xaricdə buna oxşayan
saplar ajilok (Ingiltərə), brilon, aqlon (ABŞ), evalon (Çexiya), tayvalon (Yaponiya)
adlanır. Bu saplar çox məsaməliliyi (400%-ə qədər) ilə xarakterizə olunur. Yüksək
dərəcədə dartılan saplardan corab-noski, idman məmulatları, parça, üst və alt
trikotaj dəyişəyi hazırlanması üçün işlədilir.
Dartılan saplar kompleks poliamid və poliefir saplarından bir neçə üsulla
alınır. Buraya qofron, meron, melan və belon daxildir.
Qofron sapı mexaniki təzyiqlə (presləmə), sonra termofiksasiya üsulu ilə
alınır. Ilk kompleks sap büzməli qurğudan keçir və qıvrımlığını fiksasiya etmək
üçün preslənmiş halda termokameraya verilir. Qofron sapları həcmli, xovlu,
dartılan sapa nisbətən elastikliyi az dərəcədədir. Onlarda 100%-ə qədərdir. Bu
üsulla, həmçinin ojilon sapı hazırlanır ki, bundan xalça istehsal edilir.
Dartılan saplar meron (kapron), melan və belan (lavsan) da yüksək elastik
sap kimi alınır, lakin burada əlavə termoemal əməliyyatı aparılır. Bu zaman elastik
üçün xarakterik olan spirala oxşar qıvrımlıq sinusoidala keçir və bu vəziyyətdə
fiksirləşir. Bu saplar xovlu, yumşaqdır, onların elastikliyi 30-50%-dir.
Bundan başqa, saplar almaq üçün əvvəldən stabilizə edilmiş trikotaj polotno
sökülür. Bu effektli istehsal üsulu sapın elastikliyini və qıvrımlığını təmin edir.
Kombinə edilmiş teksturalı saplar müxtəlif yığılmağa malik olan sapların
birləşməsi və eşilməsi yolu ilə alınır. Bu saplar termiki emaldan sonra teksturalı
saplara məxsus olan tipik xassələri (qıvrımlıq, xovluluq, boş) alır. Ən geniş
yayılanı asetat-kapron sapları – akon, komelandır.
Dartılmayan saplara ilgəkli aeron sapı daxildir. Bu sap Çexiyada mirlan,
ABŞ-da qasman, fikotes, Almaniyada nefafil adlanır. O, aerodinamik üsulla alınır.
Kompleks poliamid sapına hava axını təsir edir. Sapın hərəkət sürətindən asılı
13
olaraq elementar sapın nömrəsi sapın ilgək quruluşunun hava axınının təzyiqi bir
neçə dəfə müxtəlifdir. Sapın quruluşu isti hava, yaxud buxarla fiksirləşdirilir.
Aeron
tipli
sapın
elastikliyi
normala
yaxınlaşır,
10-20%-dir.
Kombinələşdirilmiş ilgəkli sap iki sapdan ibarətdir: özək – bu yüksək həcmli sapın
əsasıdır və geydirmə sap həcmlilik effektini yaradandır. Forsunkaya geydirmə və
əsas aapların verilmə sürətinin dəyişməsindən müxtəlif ilgək sapları alınır.
Kombinələşdirilmiş ilgəkli sapın istehsalında növ və nömrəsinə görə fərqlənən əsas
sap işlədilir.
Teksturalı (yüksək həcmli) iplik müxtəlif yığılmağa malik liflərin
qarışığından adi əyirilmə üsulu ilə alınır. Bir qayda olaraq müxtəlif yığılmağa
malik poliakrilnitril, yaxud sopolimer lifləri işlədilir. Qarışıq liflərdən olan iplik
mexaniki dartılmadan rütubətli-isti emaldan keçirilir. Bu zaman lifin bir hissəsi
yığılır və sapın ümumi uzunluğu qısalır, nəticədə lifin o biri hissəsi deformasiya
edir və ipliyin səthinə burum və ilgək halında çıxan qıvrım əmələ gəlir. Alınan
iplik xovlu, yumşaq, yüngüldür, az elastikliyə malikdir.
Armaturalanmış iplik nüvə və xarici qabıqdan ibarətdir. Nüvə kim kompleks
kapron sapı tətbiq edilir ki, əyirici maşında başqa lif (pambıq, kətan, süni)
təbəqəsilə örtülür. Armaturalanmış iplik yüksək mexaniki möhkəmliyi, yumşaqlığı,
xovluluğu ilə xarakterizə olunur.
Rezin və elastomer saplar. Rezin saplar, yaxud rezin damarlar təbii
kauçukdan olan rezin vərəqələrin nazik kəsilməsi yolu ilə alınır. O, trikotaj (corab-
noski, əlcək məmulatı), ayaqqabı və xırdavat istehsalında işlədilir.
Hazırda poliuretan əsasında alınan spandeks tipli elastomer sapı çox geniş
tətbiq edilir. Bu sapların yüksək elastikliyinə polimerlərin fiziki-kimyəvi quruluşu
səbəb olur. Bunların elastikliyi 700-800%-dir. Spandeks rezindən çox möhkəm,
yüngül, suya və işığa, havaya davamlıdır. Spandeks sapları müxtəlif nömrədə
hörülmüş və hörülməmiş hazırlanır. Hörgü üçün təbii və süni liflər (iplik) işlədilir.
Sapların nöqsanları. Istehsal proseslərinin müxtəlif mərhələlərində iplik və
saplarda bir sıra nöqsanlar əmələ gələ bilər ki, bu nöqsanlar məmulatın zahiri
14
görünüşünə və keyfiyyətinə təsir edir. Saplarda olan nöqsanlar yerli və yayılmış
nöqsanlara bölünür. Yerli nöqsanlardan aşağıdakıları göstərmək olar.
Naharlıq, yəni iplikdə və sapda yoğun və nazik yerlərin bir-birinin dalınca
getməsidir.
Uzun və əyri düyünlər – sapın düzgün quruluşunu pozan nöqsandır.
Qoşalaşmalar – iki lentin və sapın bir-birinə yapışmasıdır.
Ilmək-sapa və ipliyə həddindən artıq tov verdikdə ilmələr əmələ gəlir.
Ilməyin zibillənməsi – əyirilmə prosesində liflərin təmizlənməsindən əmələ
gəlir.
Yağ ləkəsi – maşının ehtiyatla yağlanmamasından, ipliyin çirkli əllə
çıxarılmasından əmələ gəlir. Belə iplik qeyri-bərabər boyanır.
Toxuculuq saplarının ayrı-ayrı yerlərində olan nöqsanlardan başqa, bütöv
sap boyunca yayılmış nöqsanlara da rast gəlinir. Bu zəif eşilmə, az möhkəmlik,
qeyri-bərabərliyin müəyyən edilmiş normadan çox olması və s.-dən ibarətdir.
Sapların keyfiyyətinə verilən tələblər haqda daha ətraflı məlumatı DÜIST
66110-69, DÜIST 6611,6-69, DÜIST 6611,1-69, DÜIST 6611,5-69-da almaq olar.
Yuxarıda qeyd edilən nöqsanların obyektiv qiymətləndirilməsi üçün
qüvvədə olan standartlardan istifadə edilir. Odur ki, yuxarıda göstərilən DÜIST-
lərdən istifadə edilməsi məsləhət görülür.