__________
Milli Kitabxana__________
11
boşa getməməsi və bu öyrəncilərin ölkəmizdən müsbət təəs-
süratlarla ayrılmaları və ölkəmizi sevmələrinin təminatı üçün
möhkəm, ciddi və diqqətli səylər göstərilməlidir. Bu səylərin
başında öyrəncilərin şikayətlərini önləyəcək fədakarlıqlardan
qaçılmamalıdır. Ölkəmizə gəlişlərindən dönüşlərinə qədər bü-
tün fəaliyyətlərinin çox yaxşı bir şəkildə əlaqələndirilməsi və
onlara verilə biləcək imkanların çox yaxşı təsbit edilərək anla-
dılması və öhdəyə götürülmüş xüsusların
da mütləq yerinə yeti-
rilərək etimadlarının qorunmasına özəl önəm verilməlidir. Türk
Cümhuriyyətləri ilə yaradılan mədəni mübadilə proqramları və
razılaşma sənədlərinə uyğun olaraq mədəniyyətlərimiz arasın-
dakı əlaqələr bütün yönləri ilə inkişaf etdirilməlidir.
Bu istiqamətdə göstərilən fəaliyyətlərin uğurlu nəticələr
verməsi üçün elm, təhsil və mədəniyyət əlaqələri sahəsində
ciddi araşdırmalar aparılmalı, tarixi təcrübəni mənimsəmək şər-
tilə əməkdaşlığın bugününü və perspektivlərini dəqiq təhlil
edəcək tədqiqatlar aparılmalıdır. Məhz bütün bu səbəblər, mü-
asir dövrdə Azərbaycan – Türkiyə əlaqələrinin kulturoloji as-
pektlərinin tədqiqini aktuallaşdırır.
İmperiya ideologiyasının qadağaları aradan qalxar-qalxmaz
uzun illərin həsrətləri ilə bağlı bütün sahələrdə inkişaf meylləri
müşahidə edildiyi kimi, Azərbaycan – Türkiyə əlaqələrinin
müxtəlif aspektlərdən araşdırılması cəhdləri də özünü büruzə
verdi. Müstəqilliyimizin bərpasından ötən illər ərzində bu isti-
qamətdə çoxsaylı araşdırmalar aparılmış, mədəni əməkdaşlıq
problemləri tədqiqata cəlb edilmişdir. Bu tədqiqatların böyük
bir qismi sırf mədəni əlaqələrə həsr edilməsə belə, həmin əsər-
lərdə elm, təhsil və mədəniyyət sahəsində Azərbaycan – Türki-
yə əməkdaşlığına da yer ayrılmışdır.
Mahir Abdullayevin “Azərbaycan – Türkiyə əlaqələri” adlı
monoqrafiyasında 70 – 90-cı illərdə Azərbaycan – Türkiyə iqti-
sadi, elmi-texniki, mədəni əlaqələri arxiv sənədləri, dövri mət-
buat materialları əsasında hərtərəfli və kompleks şəkildə şərh
edilmiş, onların əsas formaları və istiqamətləri göstərilmiş, bu