1 Ramiz Dəniz
Yüklə 2,72 Mb. Pdf görüntüsü
|
172 aralıda olan masada əyləşmək istədi. Amma Sergey məhz onlara yaxın masada əyləşərək Roberti də öz yanında əyləşdirdi. Onlar kabab hazırlanana qədər hərəyə bir bokal pivə içdilər. Sergey burada olan slavyan görünüşlü şəxsin buralarda nə etdiyini öyrənmək üçün ona yaxınlaşdı. Məlum olur ki, Vladimir Rusiyadakı Arxeologiya universitetlərin birində elmi əməkdaş kimi çalışır. Onlar səmimi söhbət etmək üçün kafedən uzaqlaşıb meşə istiqamətində gəzişməyə başladılar. Öndəki ağacların sırası arxada qalan kimi Sergey üzrxahlıqla dedi: - Yerli, sən mənim dostumdan incimə və onun hərəkətləri xətrinə dəyməsin. İş ondadır ki, Robertin anasını “qocalar evinə” göndərib evini isə talan ediblər və onun fikirincə, bu işi burada müvəqqəti işləyən sizin kimi adamlar ediblər. - Sergey Vladimiroviç, görünür sən burada hökm sürən vəhşi qaydalardan hali deyilsən. – deyə istehza ilə dillənən arxeoloqun dodaqlarında acı təbəssüm sezildi. – Buradakı camaat əvvəlcədən sözləşiblər ki, yerli sakinlərdən kimsə, uzun müddət evində qalmırsa, mütləq həmin adamın evi qarət edilərək yararsız hala salınmalıdır. Sənin dostunun evini bizlər yox, elə buranın sakinləri qarət ediblər. Ümumiyyətlə, demək istəyirəm ki, ermənilərin qəribə bir xasiyyəti var: özlərinin törətdikləri ən çirkin işləri başqalarının boynuna yıxmaq. - Əgər elədirsə, onda Robert nəyə görə bunu gizlətməyə çalışır? – deyə Sergey həmyerlisinə sualedici nəzər saldı. – Həm də qonşular nəyə görə qonşunun evini talan etməlidir? O, burada qalmayanda evi dağıdılmalıdır?
173 - Hörmətli alim, mən dedim axı, ermənilərdə vəhşi qaydalar və barbarlara məxsus adətlər hökm sürür. Onlar özünkülərinə qarşı belə bir sərt ictimai sanksiyalar tətbiq edirlərsə, gör düşmənlərə qarşı necə reaksiya göstərirlər? Onlar sağlam rəqabət aparmaq fikirində deyillər. - Səni yaxşı başa düşə bilmədim? - Sergey Vladimiroviç, mən ixtisasca arxeoloqam və bizim işimiz bəşəriyyətə xidmət etməkdən ibarətdir. Hər hansı bir ölkənin ərazisində yerin altında olan tarixi-memarlıq abidələr, keçmişin tarixindən xəbər verən əşyalar, sənət əsərləri həmin ərazidə yaşayan millətə yox, bütün bəşəriyyətə məxsusdur. Lakin ermənilər başqa millətlərə məxsus olan bir çox şeyləri özününküləşdirməyə çalışır, bəzilərini isə məhv edərək yer üzündən silirlər. Taliban Əfqanistanda hakimiyyəti ələ keçirəndə, orada olan İslama qədərki dövrdə düzəldilmiş, qayalar üzərində Buddanın yonulmuş nəhəng heykəlini partladir və bütün dünya başda YUNESKO təşkilatı olmaqla, vandalizm aktına görə onları qınadı və talibana qarşı siyasi və iqtisadi sanksiyalar tətbiq etdilər. Bəs, indi nəyə görə həmin təşkilat və dünya birliyi susur?
- Əlbəttə ki, ermənilər qədim tarixi-memarlıq abidələrinə ziyan vurmadıqları üçün YUNESKO heç bir reaksiya vermə- məlidir. – deyə Sergey damağına siqaret qoyaraq biganəliklə dilləndi.
174 - Görürəm, sən bu məsələdə tamamilə məlumatsızsan. – Vladimir bir qədər də səsini yavaşıdaraq tələsik halda dilləndi. – Mən Azərbaycanda dəfələrlə olmuş və Qarabağ ərazisindəki bir çox tarixi abidələrin, o cümlədən, insanın ən qədim yaşayış məskənlərindən biri olan “Azıx” mağarasının tədqiqi ilə məş- ğul olmuşam. Hazırda ermənilər həmin mağaranı silah ambarı- na çeviriblər. Cənubi Qafqazda Azərbaycan toponimlərinin dəyişdirilməsində xüsusi sənətkarlıq və ustalıq nümayiş etdi- rən ermənilər, Azərbaycanın tarix və mədəniyyət abidələrini və milli mədəniyyət nümunələrinin də məhv edilməsi eləcə də erməniləşdirilməsi istiqamətində hər il xeyli vəsait xərcləməli olurlar.
Bu ərazilərdə tarixən mövcud olan İslam dövrü abidələri, kurqanlar, dekorativ tətbiqi sənət nümunələri, at, qoç fiqurları, qəbirüstü abidələr, türbələr, məscidlər, pirlər, qədim yaşayış məskənləri, saraylar, xatirə abidələri, yaşayış evləri və muzeylərin isə ermənilər tərəfindən bir qayda olaraq kütləvi şəkildə məhv edilməsinə qərar verilmişdir. Bu qərarın icrası ilə ermənilər, bu ərazilərdə bir zamanlar yalnız ermənilərin yaşadıqlarını sübuta yetirmək, Cənubi Qafqazın guya erməni əraziləri olduğuna haqq qazandırmaq istəyirlər. Erməni mənbələrində göstərilir ki, təkcə 1992-ci ildə erməni işğalın- dan sonra Azərbaycan ərazilərində 1700 tarixi və mədəniyyət abidəsinin adları dəyişdirilərək erməni adları ilə əvəz olunmuş və ermənilərin tarix və mədəniyyət abidələri kimi təbliğ olunmağa başlamışdır.
Yüklə 2,72 Mb. Dostları ilə paylaş:
|