1 Ramiz Dəniz
Yüklə 2,72 Mb. Pdf görüntüsü
|
207 - Akademik Aqambekyanın, yazıçı Zori Balayanın qurduqları siyasət nəticəsində mənim kimilərin vətəni yoxa çıxıbdır və mənim kimilər siqanlar kimi nabələd yollarda çörək pulu axtarmaqla məşğuluq. - Nəyə görə belə bir abstrakt fikir yürüdürsən? – deyə Sergey onun fikiri ilə razılaşmadı. – Mən bir çox ölkələrdə olmuş və oralarda kifayət qədər erməni milliyyətinin nümayəndələrini görmüşəm. Məgər, onların heç birisinin vətəni yoxdur? Bəs, Ermənistan necə, ora sənin vətənin sayılmır? - Birincisi, əvvəlki Ermənistandan heç bir əsər-əlamət qalmayıbdır, ikincisi ora indi Köçəryan, Sarkisyan, Balayan kimi quldurların vətənidir, üçüncüsü isə mən doğulduğum yeri heç bir ölkəyə dəyişmərəm. Ona görə ki, ən xoş günlərim doğulduğum şəhərdə, böyüyüb-başa çatdığım məhəllədə keçibdir. - SSRİ dağılandan sonra təkcə ermənilər yox, bir çox millətlər oradan çıxıb gediblər. – həmsöhbətindən söz al- mağa çalışan ziyalı istehza ilə dilləndi. – Kim nə bilir, bəl- kə də həmin məhəllədən heç bir əsər-əlamət qalmayıbdır. - İnanırsınız, həmin dövrdə biz ayrıseçkiliyin nə olduğu- nu bilmirdik. – deyə Artur yenə də ətrafına nəzər salaraq asta səslə dilləndi. – Bizim məhəllədə rus, erməni, yəhudi, kürd, ləzgi, gürcü, ukraynalı, yunan və digər millətlər
208 qardaş kimi yaşayırdı. Biz hamımız xeyir və şərdə bir yerdə olmuşuq. Lakin iş elə gətirdi ki, araya nifaq salındı və biz öz ocaqlarımızdan didərgin düşdük. Nazim deyir ki, digər millətlər hələ də oradadırlar və əvvəlki kimi bir-birilərilə qardaş kimi mehribandırlar. - Yaxşı bəs, azərbaycanlılar mono millət kimi yaşamır- lar? – deyə Sergey maraqlandı. - Sizə dedim axı, onlar hələ də bir yerdə yaşayırlar. – deyə Artur bezikmiş halda cavab verdi. Elə bu vaxt Sergey yerindəcə donub qaldı və həmin an Eduardın dediklərini yada saldı: o, deyirdi ki, Azərbaycan- da öz millətindən başqa heç kim yaşamır və ora dünyadan izolə edilmiş bir ölkədir. Kim ki, orada kök salıb yaşamaq istəyir, həmin adam müəyyən müddətdən sonra fiziki cəhətcən məhv edilir. - Bakı haqqında məndə məlumatlar tamamilə başqa cür idi. – deyə rus ziyalısı məyus halda dilləndi. - Mən çox şadam ki, gec də olsa siz həqiqəti eşitməyə başladınız. – deyə Abram ehtiramla dilləndi. – Elə erməni millətçiləri və ekstremistlərinin ucbatından Artur kimi evindən qovulan ermənilərin sayı həddindən çoxdur. - Hörmətli qonaq, şəxsən mən, bir gün də olsa belə doğulduğum şəhərə, yaşadığım məhəlləyə getmək, oradakı qonşularla ünsiyyət qurmaqdan ötrü topladığım varidatı
209 qurban verməyə hazıram. – kədərlə dillənən Arturun gözlə- ri doldu və o, baxışlarını rus ziyalısından ayırmadan tələsik halda sözünə əlavə etdi. – Bilirsiniz nəyə görə? Ona görə ki, mən başqa yerdə Bakıdakı kimi xoşbəxt ola bilmirəm. Mən deyərdim, Bakı dünyada yeganə şəhərdir ki, milliyyə- tindən, dinindən, irqindən asılı olmayaraq hər bir kəs orada özünü doğma kimi hiss edir və bir-birilərinə can deyib, can eşidirlər. - Şəxsən sənin zəkana, daxildəki ülvi hisslərinə qibtə edirəm. – aranın qızışmasını istəməyən Sergey səmimiyyət- lə dilləndi. - Qafqaz qonaqpərvərliyi bütün Avropaya yayılmaqdadır. Kaş hamı sizin kimi mehriban olaydı. - Təəssüflər olsun ki, müharibədən əvvəl siz bizim məhəllədə olmamısınız. – gözləri dərddən yaşaran Bakı ermənisi başını yellədərək məyus halda dilləndi. – Orada yaşayan zaman biz bilməmişik kim ermənidir, kim isə azərbaycanlı. Yalnız Qorbaçovun çirkin siyasəti bizim millətlərin arasına nifaq saldı. Ekstremistlər isə onun “yenidənqurması”ndan məharətlə istifadə etdilər. Qardaşca- sına yaşayan iki millət bir-birilərinə düşmən kəsildilər. - Əziz dostum, sən yaxşı bilirsən ki, daimi yaşamaq üçün Sankt-Peterburqda mənim evim var. – balıq qızartması yeyən Abram əlini salfetka ilə silib səmimiyyətlə dilləndi. – Ürəyimə danıb ki, haçansa həmin ev mənim əlimdən
210 çıxacaq. Ona görə ki, millətçilik çağırışları və çıxışları Rusiyada günü-gündən artır. Bu ölkədə mən təhlükəsiz yaşamağıma əmin deyiləm. - Abram, bu sənin üçün problem törədirsə, sən İsrailə köçə bilərsən. – deyə Artur məsləhət verməli oldu. – İsrail regionda çox qüdrətli dövlətdir və vətəndaşlıq alan hər bir soydaşına yaşamaq üçün çox əlverişli şərait yaradır. - Bizim ölkə qüdrətli dövlət olsa da, orada yaşamaq heç də təhlükəsiz sayılmır. – deyə Abram məyus halda dilləndi. – Hər bir dövlət sərhəd qonşuları ilə sülh və əminamanlıq şəraitində yaşamalıdır. Amma belə getsə, yaxın bir neçə ildə Ərəb ölkələri ilə növbəti böyük müharibə başlanacaq və həmin müharibədə qələbə çalmağımız sual altında qalır. Əziz dostum, həm bunu nəzərə alaraq, həm də tarixin səhifələrini vərəqləyərkən belə qərara aldım ki, ahıl yaşımı yəhudilər üçün ən təhlükəsiz olan bir məkanda keçirim. Hamı bilir ki, qədimdən başlayaraq bizim millət qədim misirlilər, romalılar, yunanlar, ərəblər, bizanslılar, ispanlar, portuqallar, fransızlar, almanlar, rusların və digər millət- lərin yaşadıqları ölkələrdə fiziki cəhətcən məhv edilibdir. Lakin Azərbaycanda yəhudilər belə bir diskriminasiya hələ də ilə üzləşməyiblər. Mən, azərbaycanlıların həm qonaq- pərvərliyini, sülhpərvərliyini, həm də tolerantlığını nəzərə alıb yəhudilərin kompakt yaşadığı Quba rayonunda özümə
Yüklə 2,72 Mb. Dostları ilə paylaş:
|