34
Diqqət!
•
Bəzi axtarış sistemləri (məsələn:
Google) axtarış nəticələrini başqa dillərə də
tərcümə edir.
•
Müxtəlif axtarış sistemlərindən istifadə etmək çox zaman faydalı olur. Bundan
əlavə, hər hansı bir axtarış sisteminin veb-saytları indeksləməsi üçün tərtib
edilmiş öz fərdi alqoritmi var. Ona görə də müxtəlif sistemlərdə axtarışın
nəticələri də fərqli ola bilər.
İnternet genişlənməkdə davam etdiyindən və ora getdikcə daha çox səhifə əlavə
olunduğundan səmərəli axtarış üçün yeni yanaşmalar və strategiyalar tələb olunur.
Yadda saxlayın ki, axtarışınız nə qədər spesifik olarsa, axtardığınızı tapmaq ehtimalı
da bir o qədər böyük olacaq. Bunun üçün nəyi axtardığınızı axtarış sisteminə dəqiq
bildirməli və müxtəlif üsullardan istifadə etməyi bacarmalısınız.
Əgər siz bir-birinin ardınca gələn sözləri tapmaq istəyirsinizsə, onda ən yaxşı yol
fraza üzrə axtarışdır. Fraza dırnaq içərisində daxil edilir və axtarışda yalnız bu
ardıcıllıqla gələn sözlər nəzərə alınır; məsələn, əgər sizə nərə balığı ilə bağlı
informasiya lazımdırsa, dırnaq işarəsi arasında
“nərə balığı” ifadəsini daxil edin.
Nəticədə bir-biri ilə yanaşı duran “nərə balığı” sözlərinin olduğu veb-saytlar seçi-
ləcək. Əgər dırnaq işarələri qoyulmasa, axtarış sistemi həm “nərə”, həm də “balığı”
sözlərinin olduğu bütün veb-səhifələri tapıb çıxaracaq.
Əgər bir neçə ifadə üzrə axtarış aparırsınızsa, onda mürəkkəb ifadələri, yaxud
xüsusi isimləri bir-birindən vergüllə ayıra bilərsiniz. Xəzər dənizində yaşayan nərə
balıqları haqqında məlumat tapmaq üçün
“nərə balığı”, “Xəzər dənizi” daxil edə-
cəksiniz. Xüsusi isimləri böyük hərflə yazmaq daha məqsədəuyğundur, çünki bəzi
axtarış sistemləri aşağı və yuxarı registrli hərfləri bir-birindən fərqləndirir. Digər
tərəfdən əgər siz xüsusi isim kimi, məsələn, “Çiçək” sözünü böyük hərflə yazsanız,
onda axtarış nəticəsi “çiçək” sözünə görə axtarışla müqayisədə daha az olacaq.
Qeyd olunduğu kimi, axtarış nəticəsində sizə lazım olmayan çoxlu sayda veb-
səhifələr də nəticə siyahısına düşə bilər. Bunun qarşısını almaq, yəni istəmədiyiniz
siyahını
süzgəcdən keçirmək üçün riyazi əməllər vasitəsilə axtarış apara bilərsiniz:
görünməsini istədiyiniz sözlərin önünə plyus işarəsi (+) qoyun;
görünməsini istəmədiyiniz sözlərin önünə minus işarəsi (–) qoyun;
təyinedicisi (+, yaxud – işarəsi) olmayan sözlər zərurət olmadıqda görün-
mür, ancaq yenə də axtarışın çeşidlənməsində iştirak edir.
Axtarış sahəsində
+çiçək+balı göstərsəniz, axtarış nəticəsində yalnız hər iki
sözün olduğu səhifələr görünəcək.
İnternetdə axtarışın bir yolu da
məntiqi əməllər vasitəsilə axtarış aparmaqdır. O,
riyazi əməllər vasitəsilə axtarışa oxşar prinsiplə işləyir, ancaq daha güclüdür. Bunun
üçün üç məntiqi əməldən istifadə olunur:
AND (VƏ)
NOT (DEYİL)
OR (VƏYA)
Bal ilə bağlı misalda siz axtarışı məntiqi əməllərdən istifadə etməklə “
çiçək AND
balı” ifadəsi kimi də apara bilərsiniz. Əgər sizə cökə olmayan çiçək balı lazımdırsa,
axtarışı “
çiçək AND balı NOT cökə” üzrə aparmalı olacaqsınız.
LAYİHƏ
35
İnformasiya
sistemlə
ri
1
OR əməlindən, adətən, oxşar anlayışların, yaxud terminlərin axtarışı zamanı
istifadə olunur; məsələn, “
çiçək OR balı” üzrə axtarış apardıqda nəticə siyahısında
bu anlayışlardan biri, yaxud hər ikisi olacaq.
Diqqət!
• Nə qədər çox anlayışı
AND ilə birləşdirsəniz, daha az nəticə almış olacaqsınız.
• OR məntiqi ilə nə qədər çox anlayışı birləşdirsəniz, axtarışda daha çox nəticə almış
olacaqsınız.
• Bəzi axtarış sistemləri məntiqi əməllər vasitəsilə axtarışı dəstəkləmir, ancaq əksə-
riyyətində süzgəc, yaxud xüsusi meyarlar üzrə axtarış aparmaq üçün formalar
nəzərdə tutulub.
Məntiqi əməllər vasitəsilə axtarış
1. Axtarış
sistemlərindən birinə, məsələn, Yahoo-ya keçin.
2. Axtarış sahəsində
çiçək AND balı daxil edin və Web Search düyməsini
çıqqıldadın, yaxud
klavişini basın.
3. Axtarış sisteminin tapdığı hiperistinadların sayına diqqət edin. Axtarış
sisteminin başlanğıc səhifəsinə qayıdın.
4. Axtarış sahəsində çiçək AND balı NOT cökə daxil edin və klavişini basın.
5. Bir daha tapılan hiperistinadların sayına diqqət edin; çox güman ki, indi onların sayı
birinci axtarışa nisbətən az olacaq.
6. Bir, yaxud bir neçə hiperistinadı çıqqıldatmaqla veb-saytlardakı informasiyanı
gözdən keçirin.
7. Brauzeri qapadın.
1. Riyazi əməllər vasitəsilə axtarışdan istifadə etməklə aşağıdakı axtarışları aparın:
A) Azərbaycandan kənarda olan Baku və Quba adlı yer adları.
B) Rusiyada olan Azərbaycan mədəniyyət mərkəzləri və cəmiyyətləri.
2. Məntiqi əməllərdən istifadə etməklə eyni mövzular uzrə (1–A, 1–B) axtarış aparın.
3. Bu iki üsulla alınmış nəticələr arasındakı fərqin təsvir olunduğu qısa hesabat hazırlayın.
4. Riyazi əməllərdən istifadə etməklə fizik olmayan Nobel mükafatçıları haqqında
informasiyanın olduğu veb-saytları axtarmaq üçün sorğunu yazın.
Özünüzü yoxlayın
1.
"Axtarış sistemi" nədir və hansı hissələrdən ibarətdir?
2.
Axtarış sistemi necə işləyir?
3.
Müxtəlif axtarış sistemləri nə üçün fərqli nəticələr verir?
4.
Axtarışın “Savalan dağı”, yaxud Savalan dağı (dırnaqsız) üzrə aparılmasının fərqi
varmı?
5.
Məntiqi axtarışda hansı məntiqi əməllərdən istifadə olunur?
A D D I M 2
A D D I M –
ö y r ə n ə k
A R A Ş D I R A Q –
LAYİHƏ