H Ü M A Y İ - Ə R Ş
25
3. Əsərin məzmunu
Fəxrəddin Ağabali əsərə yazdığı müqəddimədə onu yazma səbəblərini
açıqlayır. Müqəddimədən sonrakı hissədə Həmzə Nigarinin həyatı, nəsli,
doğulduğu və həyatının bir hissəsini keçirdiyi Qarabağın Cicimli və
Mirlər kəndinin təsviri, kənddən ayrılması, təhsili və Nigari təxəllüsünün
səbəbi izah edilir. Bundan sonra Osmanlıya gedişi, Şeyx İsmayıl Şirvaniyə
bağlanması, tələbəlik və müridlik illərinə dair bəzi xatirələr, Hicaz səyahəti,
Qarabağa qayıdışı və ata ocağında keçən irşad günləri, izdivacı, Xan Xasay
və Xurşidbanu xanım, Osmanlı dövlətinə yazılan məktub və ardından
meydana gələn hadisələr, Qarabağdan məcburi ayrılış, Təbrizdə tutulması
kimi həyat səhnələri nəql edilir.
Amasiyada keçən mürşidlik illərini əhatə edən hissədə Qarabağdan
Ərzu ruma qayıdışı və burada keçən illəri, İstanbula gedişi, Mustafa Rəşid
paşa ilə görüşü, Amasiyaya qayıdışı, dərsə hazırlanması və oxutduğu dərs-
lər, Rüşdü paşa ilə olan danışıqları, Siracəddin əfəndinin xəstəliyi və vəfatı;
Siraci, Sədi, Səbatinin şairlik istiqamətləri, Qazi Məhəmməd paşanın
təşrifləri, Merzifona səfəri və buradakı həyatı, Azərbaycandan gələn dostları,
divanının nəşri və nəticəsi, Amasiyadakı fəaliyyəti və nə ti cəsi, İstanbul səfəri,
saraya getməsi, Xarputa sürgünü, vəsiyyəti, vəfatı, vəfat tarixi, cənazəsinin
nəqli, dəfni və türbəsinin binası barədə söhbət açıl mış dır.
Bundan sonraki bölmədə Həzrəti-Pirin şəcərəsinin surəti, təriqət
tə limi, əxlaqı, təsəvvüfü, zahiri və mənəvi şəmaili, tac, xirqə və əşyaları,
ver diyi xilafətnamənin (mürşidlik diplomu) surəti, xacəgan silsiləsi,
Nəqşibəndiliyin qolları, əsərləri, xəlifələri, Həzrəti-Pirə gələn və Həzrəti
Pirin göndərdiyi məktublar, Cicimlidəki qəbirlərə dair məlumat, onun
üçün yazılan şeirlər, təxmislər, Əhli-beytin fəzilətinə dair rəvayətlər və
mü la hizələr, mənsub olduğu ailəyə dair bəzi hekayətlər və başqa əlavə
məlumatlar yer tutur.
4. Əsərin yazılma səbəbi
Qeyd etdiyimiz kimi, müəllif “Hümayi-ərş”in yazma səbəblərini əsərin
müqəddiməsində oxucusuna çatdırmışdır. Belə ki, onun ifadəsinə görə
“Mənaqibnamə”nin yazılmasına səbəb təşkil edən üç xüsus vardır.
Bunlardan birincisi, özünün şəxsən belə bir arzuya sahib olmasıdır.
Ancaq bu niyyətini dərhal həyata keçirməmiş, gözləmişdir. Həmzə əfən-
dinin yaxınında olanların bir-bir vəfat etməsi, mövcud məlumatların məhv
olacağı və necə böyük zatlar kimi onun da unudulmaq aqibətinə məruz
qalacağı əndişəsi ilə təşəbbüsə qərar vermişdir. Eyni zamanda, onun kimi
düşünən və eyni əndişəni daşıyan yaxın dostlarının təşviq və israrları da
onun işə başlamasında təsirli olmuşdur. Müəllif bu hadisəni belə nəql edir:
“Çoxdan bəri Amasiyanın Bəyazid paşa məhəlləsində yerləşən, öz
məs cidinə bitişik türbədə dəfn olunmuş Nəqşibəndi şeyxlərindən əş-
Şeyx əl-Hac əl-Əmir Həmzə (qaddəsallahu sırrahu) üçün bir mənaqib
yazmaq arzusunda idim. İllərdir fikrimi məşğul edən bu ümidimin hasil
olmasına heç cür imkan olmurdu. Odur ki, mən istər-istəməz, bu vəzi-
fənin əhəmiyyət və qüdsiyyətini idrak edən böyük zatlar tərəfindən
26
H Ü M A Y İ - Ə R Ş
bunun işlənməsini gözləyir və çıxacaq əsərlərin intizarını çəkərək bu
işin altına girmək istəmirdim. Fəqət bu vəzifəyə istər qələm və irfan əhli
tərəfindən, istərsə də digər qardaş və dostlar tərəfindən, təəssüf ki, ma-
raq göstərilmədi. Hər kəsin elə mənim kimi, belə bir əsər meydana
gətirəcək bir şəxsi gözləməkdə olduqları anlaşıldı. İntizar dövrünün arzu
dairəsini aşmaması, zatı-şərifi görmüş mübarəklərin bir-bir axirət yoluna
üz tutmaları səbəbilə bu işin getdikcə daha müşkül bir vəziyyətə girəcəyi
anlaşıldıqda əlimdən gəldiyi qədər buna aid məlumat toplamağa başladım.
Bu qeydlərimdən xəbərdar olan Hafiz Yəhya və Hafiz Osman əfəndilərin
müsahibə əsnasında meydana çıxan təklifləri məndə təlqinedici bir hiss
əmələ gətirdi. Mehmed Bəyzadə Lütfi bəy və Hacı Vəli Əfəndizadələrin
təşviqi və həvəsləndirməsi də bu təlqinedici hissi artırdı. Əsasən, bunu
etmək üçün bir vicdani vəzifə hiss edir və bəzi qapalı qalacaq məsələləri də
hekayə edərək aydınlaşdırmağa məcbur qalırdım.”
8
Ağabali, təvazökarlıq göstərərək bu işə özündən daha qabiliyyətli
olanların girişməsini gözləyir kimi görünsə də ifadələrindən, əslində, bu
işə çox istəkli və hazırlıqlı olduğu görünür. Onu düşündürən ən mühüm
məsələlərdən birinin isə yazacağı əsərin nəşri məsələsi olduğu hiss edilir.
Bu məsələnin yuxarıda adı çəkilən şəxslərin dəstək olacaqlarına dair
vədləri ilə həll olunacağı ümidindədir.
Özü barəsində mövzunun əhli olub-olmadığına dair meydana gələ
bi ləcək şübhələri aradan qaldırmaq istəyən müəllif, kitab yazmağın nə
qədər çətin bir iş olduğunun bilinməsindən, buna dair üsullara, həqiqətən,
vaqif olunmasından və yenə bu mövzuda sahib olunması lazım gələn ağır
məsuliyyəti dərk etdiyindən bəhs edərək, bu işə vicdani bir vəzifə hissilə və
hər şeyi gözə alaraq başladığını söyləyir.
9
İkinci səbəb kimi, bəzi önəmli insanların bu kitabın yazılması ilə bağlı
ondan xüsusi olaraq xahiş etmələrini göstərir. Bunlar İsmayıl Şirvaninin
türbəsində imamlıq etmiş Həmzə əfəndinin mühiblərindən Hafiz Os-
man əfəndi ilə Bəyazid paşa məscidi imamı Amasiyalı Kadızadə Yəhya
Nəcməddin əfəndidir. “Bəzən yanıma gələn bu iki şəxs, bir münasibətlə
sözü Həzrəti Şeyxə nəql edərək “Buna bir mənaqib yaz, qalsın, vaxt olar
ki, çap etmək üçün tələb olunan xərcə nail olar, nəşr etdirərik” deyərlərdi.
Bu iki zata bəylik sözlərdən olaraq “Bu kimi tərcümeyi-hal və mənaqib
yazanların, tənqidi bir istedada, qüvvətli təxəyyülə, lətif bir üsluba malik
olması şərtdir. İki-üç ədəd rəvayət toplamaq bu işi icra etməyə kifayət
etməz, bu xüsusda lazım olan məlumatın cəm edilməsi və tərtibi belə,
bu işin müvəffəqiyyətinə kifayət etməz. Bununla ancaq vəzifənin kiçik
bir hissəsi tamamlanmış olar. Bir həqiqəti bəyan edə bilmək üçün ona
həyat verilməlidir. Necə ki, heykəltəraş bir həqiqəti öz düşüncələrinə görə
görür və yaratdığı əsərdə onu canlandıra bilmə qabiliyyətini göstərir. Və
nə qədər qüvvətli və haqq olursa, mənqəbə yazanların da həqiqətləri
bitərəf surətdə tədqiq və təhqiq eylədikdən sonra o zatın əhvalını olduğu
kimi göstərmək üçün şəxsi yaradıcılıq qabiliyyətinə qabil olmaları lazım
8
Mirzadə Mustafa Fəxrəddin Ağabali, Hümayi-ərş, s.2-3.
9
Eyni yer.