17 Biz necə işləyirik / 29 Əməyin təhlükəsizliyi və sağlamlıq / 35
Yüklə 0,97 Mb. Pdf görüntüsü
|
- Bu səhifədəki naviqasiya:
- Nəqliyyat vasitələrinin təhlükəsiz idarə edilməsi
- Əməyin təhlükəsizliyi üzrə təlim və məlumatlılıq
- Radioaktiv mənbələrin idarə edilməsi
- Azərbaycanda və Gürcüstanda sağlamlıq, əməyin təhlükəsizliyi və ətraf mühit üzrə təlim kursları
- Təhlükəsiz qaydada birgə işimiz
- Fövqəladə hallarda cavab tədbirləri: BP Azərbaycan və FHN birgə işləyir
32 BP Azərbaycanda Davamlı inkişaf haqqında hesabat 2010 Əməyin təhlükəsizliyi və sağlamlıq
Nəqliyyat vasitələrindən təhlükəsiz istifadə Azərbaycanda BP-nin həmişə diqqət mərkəzində olmağına baxmayaraq, 2010-cu ilin birinci yarısında iki ağır nəqliyyat qəzası a
qeydə alınıb. Bu iki yol-nəqliyyat qəzası ilə əlaqədar cavab tədbirləri görmək üçün nəqliyyat vasitələrinin təhlükəsiz idarə edilməsinin mütəmadi təkmilləşdirilməsi proqramımızı işə saldıq. Biz bir çox konkret tədbirlərdən, o cümlədən monitorinq, stimullaşdırma və inzibati vasitələrdən istifadə etdik. Nəqliyyat vasitələrindən təhlükəsiz istifadə, yorğunluğun idarə edilməsi, Ramazan ayında oruc tutulan zaman və qış mövsümündə nəqliyyat vasitələrinin idarə edilməsi mövzularında təhlükəsizlik kampaniyaları keçirildi. Azərbaycan boru kəməri əməliyyatları üçün və Səngəçal terminalında nəqliyyat vasitələrinin təhlükəsiz idarə edilməsi standartlarının auditləri aparıldı və nəqliyyat vasitələrini özləri idarə edən əməkdaşlar üçün yeni qaydalar hazırlandı. 2010-cu ilin ikinci yarısında Azərbaycanda heç bir ağır yol-nəqliyyat qəzası qeydə alınmadı və yol-nəqliyyat qəzalarının ümumi səviyyəsi həmin il üçün aşağı düşərək 0,88 oldu (müqayisə üçün ötən beş il ərzində bu rəqəm 0,92 ilə 2,03 arasında dəyişmişdir). İl ərzində biz həm də nəqliyyat vasitələrinin təhlükəsiz idarə edilməsi standartlarımızı əməliyyatların idarə edilməsi sisteminin (ƏİES) tələblərinə uyğunlaşdırdıq
2010-cu ildə BP və BP-nin Azərbaycan və Gürcüstandakı podratçı işçi heyəti üçün apardığımız sağlamlıq, əməyin təhlükəsizliyi, təhlükəsizlik , ətraf mühit və əməliyyatlarımızla bağlı təlimlərin saatla hesabı 57 429 saat olub. Bizim təlim tələbatlarımızın səmərələşdirilməsi nəticəsində bu, 2009-cu ilə nisbətən 19% azdır. a
Ağır yol nəqliyyat qəzası ölüm, xəsarət, nəqliyyat vasitəsinin dağılması, aşması , daha ciddi xəsarət və ya nəqliyyat vasitəsinin yararsız hala düşməsi deməkdir.
Quyu karotajı qazma quyusunun dəlib keçdiyi geoloji formasiya haqqında müfəssəl məlumatların alınması metodudur. Radioaktiv quyu karotajı zamanı formasiyanın xüsusiyyətlərini müəyyən etmək üçün radioaktiv mənbədən istifadə olunur. 2009-cu ildə “quyuda ilişib qalmış radioaktiv mənbə” halları ilə əlaqədar Azərbaycan Ekologiya və Təbii Sərvətlər Nazirliyi (ETSN) öz narahatçılığını bildirdi. Buna cavab olaraq, biz BP Azərbaycanın platforma və qazma qurğularında həyata keçirilən radioaktiv quyu karotajlarının sayını azaltmaqla belə halların başvermə faizini aşağı salmaq üçün beşillik plan hazırladıq. Bu işdə xeyli irəliləyiş əldə olundu və biz radioaktiv quyu karotajının aparılması sayının xeyli azalmasına nail olduq. 2009-cu ildə bu say 21 olduğu halda, 2010-cu ildə səkkiz oldu Azərbaycanda və Gürcüstanda sağlamlıq, əməyin təhlükəsizliyi və ətraf mühit üzrə təlim kursları (adam saat) 2010-cu ildə biz Azərbaycan və Gürcüstanda sağlamlıq, əməyin təhlükəsizliyi və ətraf mühit üzrə təlimlərə 2,3 milyon dollardan çox vəsait xərcləmişik. Bu məbləğ 2009-cu ildə 3,3 milyon dollar olub. Məlumatlar BP Azərbaycan və Gürcüstandan bir əməliyyat sahəsi kimi toplandığına görə müvafiq məlumatları yalnız Azərbaycan üçün təqdim edə bilmirik. Əməliyyatlar və texniki işlər Sağlamlıq, əməyin təhlükəsizliyi, və ətraf mühit Səngəçal terminalında fövqəladə vəziyyət təlimi 2009 10 000
20 000 30 000
40 000 50 000
60 000 70 000
80 000 2010
15 079 42 350 19 921 50 949 BP Azərbaycanda Davamlı inkişaf haqqında hesabat 2010 33 İcra göstəricilərinin aylıq qiymətləndirmə cədvəlindən istifadə edilməklə SƏTƏM üzrə strateji və əsas podratçı göstəriciləri izlənildi. Bundan sonra “təcrübədən alınmış dərslər” gələcək fəaliyyətlərini yaxşılaşdırmaq üçün əsas podratçılara çatdırıldı. Əhatə olunmuş məsələlərə ilkin mühafizə qatının itirilməsi, yükqaldırma və düşən əşyalar, işə nəzarət və nəqliyyat vasitələrindən təhlükəsiz idarə edilməsi kimi məsələlər daxil idi. İl ərzində Səngəçal terminalının rəhbər qrupu öz podratçıları ilə əlaqələri daha da genişləndirdi. Terminalda uzun müddət yaxşı SƏTƏM göstəricilərinə malik xeyli sayda podratçı var. Bunla belə, hiss olunurdu ki, podratçıların yüksək vəzifəli menecerləri ilə onların SƏTƏM strategiyası, gündəlik işlərə rəhbərliyindən bizim nələri gözlədiyimiz, davamlı və mənalı təhlükəsizlik mədəniyyətini inkişaf etdirmək üçün bizim onlara necə dəstək verə biləcəyimiz barədə söhbətlərlə onların fəaliyyətlərini daha da yaxşılaşdırmaq imkanı var. Bu təşəbbüsün bir hissəsi kimi, podratçılar və Səngəçal terminalının rəhbər qrupu ilə iki dəfə təhlükəsizlik üzrə liderlik forumu keçirildi. Podratçılar üçün təhlükəsizlik fasiləsi elan edildi – bu zaman iş dayandırıldı, proseslər və fərdi təhlükəsizlik, istilik stressi və ilanlar haqqında məlumatlılıq kimi konkret təhlükəsizlik məsələləri xüsusilə vurğulandı. Podratçılar tərəfindən əməyin təhlükəsizliyinin necə idarə edildiyini müşahidə etmək üçün onların obyektlərinə səfərlər də təşkil edildi. Təhlükəsiz qaydada birgə işimiz “Təhlükəsiz qaydada birgə işimiz” adı altında birinci Bakı qazma podratçısı forumu 2010-cu ilin may ayında keçirildi. Bu forumda BP-nin və qazma podratçılarının bütün yüksək vəzifəli menecerləri, o cümlədən SƏTƏM menecerləri iştirak edirdi. Məqsəd BP-ni və podratçıları hər iki tərəfə təsir edən cari SƏTƏM məsələləri barədə müzakirəyə cəlb etməklə əməyin təhlükəsizliyi üzrə göstəricilərimizi yüksəltmək idi. Forum iştirakçıları 2009-cu ilin icra göstəricilərini müzakirə etdi, növbəti illər üçün planlarla tanış oldu və ƏİES-in tətbiq edilməsindən sonra BP-nin əməliyyatlarını aparmasında mühüm dəyişikliklər barədə məlumat aldılar. Nümayəndələrin hamısının iştirakı ilə canlı müzakirə keçirildi. Problemlər ortaya qoyuldu və onların həlli üçün strategiyalar işlənib hazırlandı. Forum zamanı BP AGT-nin prezidenti nümayəndələri fəaliyyət və əməyin təhlükəsizliyi standartlarını daimi nəzarət altında saxlaya bilmələri üçün davamlı olaraq bütün diqqətlərini öz işləri üzərində cəmləməyə çağırdı. Gələcək forumlarda əsas diqqətin quyular, hasilat və midstrim əməliyyatlarına yönəlməsi gözlənilir. Belə görüşlər əhəmiyyət kəsb edən məsələlər üzrə lazım olduğu qədər tez-tez, istənilən halda isə ildə bir dəfədən az olmayaraq keçiriləcəkdir. Forumlarda ortaya çıxan konkret məsələlər mütəmadi olaraq keçirilən podratçıların idarə edilməsi iclasları vasitəsilə həll olunacaqdır. Əməyin təhlükəsizliyi və sağlamlıq Tərəfdaş və podratçılarla işimiz Məsuliyyətin nə olduğu barədə ortaq bir anlayışla təchizatçılarımız, podratçılarımız və tərəfdaşlarımızla möhkəm əlaqələr qurmaq üçün işləyirik 2010-cu ildə biz təchizatçılarımız üçün əməyin təhlükəsizliyi tələblərini standartlaşdırmaq məqsədi ilə BP AGT-nin maddi-texniki tədarük və təchizat sisteminin idarə edilməsi qrupu və SƏTƏM qrupunu əməkdaşlığa cəlb etməklə təchizatçı təhlükəsizliyi proqramını həyata keçirməyə başladıq. Əməliyyatların idarə edilməsi sisteminə uyğun olaraq bütün müqavilələrdə vahid SƏTƏM tələbat və standartlarının yerinə yetirilməsi məqsədi ilə Standart Müqavilə Nümunəsinin bir hissəsi kimi standartlaşdırılmış SƏTƏM Bölməsi işlənib hazırlandı. Bu təşəbbüsün bir hissəsi kimi, 15 podratçı üçün şirkətimizdə mühəndis-texniki, hasilat və qazma, sənayedə təmizlənmə/tullantıların idarə edilməsi, texniki xidmət, təhlükəsizlik obyektlərini və məktəbləri əhatə edən birgə SƏTƏM və maliyyə auditləri keçirildi. Auditlərin nəticəsində üzə çıxan ümumi məsələlərə sənədlərə nəzarət, işlərin vaxtında başa çatdırılması, işçi heyətin səriştəliliyi və işçi qüvvəsi ilə əlaqələrin saxlanılmasının əhəmiyyəti daxil idi. Fərdi audit hesabatlarının hazırlanması başa çatdıqdan sonra görüləcək tədbirlər podratçılarla razılaşdırıldı. Azərbaycan- Gürcüstan-Türkiyə regionundakı əsas podratçıları əhatə etmək üçün 2011-ci ildə ikinci silsilə auditlərin keçirilməsi planlaşdırılır. İlin sonuna yaxın bizim anbar əməliyyatlarımızda ağır və yüngül nəqliyyat vasitələrinin işini qiymətləndirmək məqsədi ilə obyektlərə iki həftədən bir səfərlər edildi. Səfərlərdən sonra obyektlərin əməliyyatçıları ilə çatışmazlıqlar və onların aradan qaldırılması tədbirləri müzakirə olundu
BP və Fövqəladə Hallar Nazirliyinin (FHN) fövqəladə hallar zamanı birgə cavab tədbirləri görülməsi üzrə birinci məşqi 2010-cu ilin sentyabr ayında uğurla Azərbaycanın Ağstafa rayonunda, Bakı-Tbilisi-Ceyhanın pazlı siyirtmə stansiyalarından birinin yaxınlığında keçirildi. FHN-nin təklif etdiyi ssenariyə əsasən hazırlanmış, çoxsaylı tələfatla, neft dağılması və yanğınla nəticələnən “terror aktı”nı nümayiş etdirən məşqin məqsədi təşkilatlararası fəaliyyətlərin necə əlaqələndirilməsini yoxlamaq idi. Real zaman miqyasında Azərbaycan ixrac boru kəmərlərinin sahə qəza-xilasetmə qrupu, BP Azərbaycanın qəza-xilasetmə işlərinin idarə edilməsi qrupu və BP-nin neft dağılmaları zamanı cavab tədbirləri görülməsi üzrə podratçısı səfərbər edildi. Resurslar, o cümlədən yanğınsöndürmə və tibbi yardım qrupları, yanğınsöndürən maşınlar, təcili tibbi yardım maşınları, yanğınsöndürmə və desant helikopterləri isə FHN tərəfindən təmin olundu. BP-nin Azərbaycanda böhran vəziyyətlərinin idarə olunması və fövqəladə hallarda cavab tədbirləri üzrə meneceri Anar Həsənov deyir: “Bu məşqin məqsədi gələcəkdə təkmilləşdirilməsi tələb olunan əsas əməkdaşlıq sahələrini müəyyən etmək idi. BP və FHN tərəfindən hazırlanacaq qarşılıqlı əməliyyat planında nəzərə alınmasına ehtiyac duyulan sahələrin aşkar edilməsi baxımından bu məşq çox faydalı oldu. Bu plan hazırda işlənib hazırlanır.” Gələcəkdə təkmilləşdirilməsinə ehtiyac duyulan məsələlərə vaxtın razılaşdırılması, birgə BP və FHN fəaliyyətlərinin əlaqələndirilməsi və məlumat mübadiləsi kimi məsələlər daxil idi. Məşqə rəhbərlik edən və cavab tədbirlərini yerindəcə müşahidə etmiş Fövqəladə Hallar nazirinin müavini Etibar Mirzəyevə görə: “Əsas məqsəd bizim öz fəaliyyətlərimizi BP ilə nə dərəcədə yaxşı əlaqələndirdiyimizi sınaqdan keçirmək və belə bir qəzanın nəticələrini səmərəli surətdə necə aradan qaldıra bildiyimizi müəyyən etmək idi. 200 nəfərdən çox işçinin, 30-dan çox nəqliyyat vasitəsinin və 2 helikopterin cəlb olunduğu bu təlim həqiqətən də çox böyük bir məşq idi. Ümumiyyətlə, düşünürəm ki, o, uğurla həyata keçirildi.”
Yüklə 0,97 Mb. Dostları ilə paylaş:
|