|
Agarəhim Əsərlər Ana dilinin tədrisi metodikasıADTM dərsliyi ağarəhim müəllimAğarəhim Əsərlər
459
canlı müşahidələr və uşaqların həyatı, şəxsi təcrübələri əsasında
tərtib olunan hekayələrin kollektiv müzakirəsi şagirdlərin monoloji
şifahi nitqinə əsaslı təsir göstərir. III-IV siniflərdə eyni mövzu üzrə
iki şifahi inşanın müqayisəli təhlili üzrə işlərə də geniş yer verilmə-
lidir.
Müşahidə apardığımız iki məktəbin dörd III sinfində şagirdlər-
dən ―Payızda meşə‖ mövzusunda süjetli şəkil üzrə şifahi hekayələr
qurmaq tələb edildi. Ən yaxşı hekayələrdən ikisi maqnitofon lenti-
nə yazıldı. Şagirdlərə lentə yazılmış hekayələrdən hansında nə kimi
müvəffəqiyyətli və zəif cəhətlərin olması, nağılın ifadəliliyi (səs,
nağıletmənin sürəti, məzmuna uyğunluğu, tonu, intonasiyalılığın nə
dərəcədə gözlənilməsi və s.) üzrə sadə şəkildə də olsa tapşırıq veril-
di. Sonra hekayələr sinifdə səsləndirildi. Şagirdlər diqqətlə dinlə-
dikdən sonra hekayələr müqayisəli şəkildə müzakirə olundu.
Bu zaman müəllim sinfə ―Hekayələr xoşunuza gəldimi?‖, ―Bi-
rinci hekayədə meşənin təsviri necə verilmişdir?‖, ―Bəs ikinci he-
kayədə?‖, ―Hansı hekayədə ağac adları çox çəkilir?‖, ―Birinci he-
kayədə ağacların yarpaqları necə təsvir olunur?‖, ―Otlar, çiçəklər
haqqında nə deyilir?‖, ―Otların görünüşünü necə verirlər?‖, ―Uşaq-
ların səsi hekayələrin məzmununa uyğun gəlirmi?‖, ―Hansı hekayə
surətlə nağıl olunur?‖, ―İntonasiyanı gözləyə bilirlərmi?‖, ―Hansı
hekayə xoşunuza gəlir?‖, ―Nəyə görə?‖ və s. suallar verildi. Hər iki
hekayə haqqında onların fərdi cavabları, münasibətləri qeydə alın-
dı. İşin sonunda cavablar ümumiləşdirildi, bir-iki şagirddən hər iki
hekayə üzrə müqayisəli şəkildə fikir söyləmək tələb olundu. Onlar
hekayədəki müsbət və mənfi cəhətləri, çatışmazlıqları ifadə etdilər.
Təcrübə göstərir ki, IV sinif şagirdlərinin şifahi tərtib etdikləri
təsvir olunan obyektlə müqayisəli şəkildə yenidən müşahidə etmə-
ləri və onların müqayisəli təhlili monoloji şifahi nitqin inkişafı nöq-
teyi-nəzərdən çox maraqlıdır. Müqayisəli təhlil prosesində onlar
obyekti müşahidə edərkən hər hansı əşya və hadisələrdən hansıları-
nı az yer vermələrini, hansıların üzərində çox dayanmalarını əyani
şəkildə görürlər. Onlar hekayədə daha nəyi, necə, nə vaxt, nədən
əvvəl və nədən sonra ifadə etməyin lazım gəldiyini başa düşürlər.
|
|
|