Alatoran xancan kərimov varlıq və Yoxluq Arasında
Yüklə 2,83 Kb. Pdf görüntüsü
|
125 - Bəsdir!! Otağı tərk etməyinizi xahiş edirəm. – deyib qapı- nı göstərmişdi əsəbdən qıp-qırmızı olmuş terapist. Mavi ayağa durdu və qapıya tərəf getməyə başladı. -Halaldı. Gözümü yaşartdın. Səndən bunu gözləməzdim düzü. Sanırdım ki dediklərimin hamısına sonuna qədər qulaq asacaqsan. Axı prosedura belədir. Sən ki tam bir prosedura və intizam adamısan. Bravo, ciddi deyirəm. Bu hərəkətindən xo- şum gəldi. – deyib Mavi qapının ağzında əl çalmağa başladı. Sonra cibindən siqaret çıxarıb dodaqları arasına qoydu. Te- rapistdən yandıranı olub olmadığını soruşdu və davam etdi – Siqaret üçün soruşmuram, sabah bu lənət otağını yandırmağın üçün deyirdim. Bunu da etsən, gözümdə bir pillə də yüksələ- cəksən.- deyib siqaretini yandırıb yandıranı terapistin masası- na tullayıb qapını açıb örtmədən çıxıb getmişdi Mavi. Terapist heç bir şey demədən yerində oturmuş və bir an əvvəl Mavinin rədd olub getməsini arzulamışdı. Mavi, binanın dəhlizi ilə çölə doğru gedərkən iti və əsəbi addımlarla özünü bir an əvvəl o lənət binadan çölə atmağa tələsmişdi. Əlində son terapiya səbəbilə aldığı ölüm kağızı var idi – evtanaziya kamplarına giriş bileti. Çöldə poçt qutuları və zibil qablarını təpikləyərək özünü sakitləşdirməyə çalışmışdı. Bu, Mavi ilə o terapistin son görüşü olmuşdu. Terapist, ota- ğını yandırmamışdı. Ancaq Mavi, divardakı bütün şəkilləri əsə- binin doğurduğu göz yaşları içində yırtıb atmışdı o günün axşa- mı. Bir uşaq kimi ağlamışdı. Üz gözü əsəb və kədərin bəhrəsi olan göz yaşlarıyla yuyulurdu. Əlində yenə içki ilə evə gəlmiş. İçməyə başlamış və bir nöqtədən sonra divardakı hansı şəkilə baxsa Terapistin o murdar üzünü görməyə başlamışdı. Sonra terapistin üzünü gördüyü sandığı divarları yumruqlamağa və qışqırmağa başlamışdı. Bütün şəkillərə bir-bir baxaraq, terapis- tin dediklərini düşünmüşdü. “Yox” deyirdi, doğru ola bilməzdi. Sahib olduğu tək şey idi bu xatirələr onun. Şəkillərdə ona baxan gözlərə baxırdı. Gözlər, sanki onunla danışırdılar. Hallüsinasiya görürmüş kimi, şəkillərin hərəkət etdiyini görürdü. Bəzi şəkillər- dən adları unudulmuş qadın əlləri uzanır və onu qucaqlayırdılar. 126 Terapist haqlıydı. Yox, ağlını itirmirdi. Hallüsinasiyalar onun əvvəlki adəti idi. Lizergin turşusu və sehirli göbələklər kimi psixoaktiv maddələr istifadə etməyə başladığı vaxtlardan bu yana onun əyləncəsinə çevrilmişdi hallüsinasiyalar. Ancaq, bu şəkillərin onda nostalgiya hisslərini artırması danılmaz idi. Mavi, düşünməmək üçün əlindəki içkidən hər dəfə biraz da artıq içir, içdikcə də daha da dərindən ağrıyırdı yarası. Üzü- nü hara çevirsə keçmişdən üzlər və izlər görürdü. Bir boşlu- ğa baxmaq istəyirdi ancaq divarlarda boş yer yox idi. Otağın ortasında durdu və fırlandı. Dörd divar arasında gəzdi gözlər. Var gücü ilə fırlatdı əlindəki butulkanı, butulka havaya qalxdı, şəkillərin tam ortasına çarparaq parçalara ayrıldı və içindəki alkoqol damcıları aşağıya doğru süzülməyə başladı. Mavi, divara doğru yaxınlaşdı. Tam ortada, illər əvvəl - bəlkə də artıq on il olurdu, xatırlamırdı – sevmiş olduğu bir gənc qız gülümsəyirdi ona şəkildən. Mavinin sol qolu qucaq- layırdı qızı bu dondurulmuş xatirədə. Ona baxan bu iki cüt göz, onu keçmişə, o vaxtlara, o şəkilin çəkilmiş olduğu günə aparırdı. Başqa bir ölkədə, başqa bir şəhərdə, başqa bir dildə və başqa bir Mavi olaraq sevdiyi bu qızın, indi harda oldu- ğunu belə bilmirdi. Sanki ayrılmayacaqmışcasına sevmişdilər bir-birlərini. Ancaq indi, sanki iki yad insan kimiydilər. Qızın ona demiş olduğu son sözləri xatırlayırdı: sənin kimi birinin otuz yaşında necə biri olacağı mənə çox maraqlıdı və səni o yaşında təkrar görmək istəyərdim. Hardaydı o indi? Ubi sunt? Hansı ölkə? Hansı Şəhər? Han- sı dildə? Hansı arzuların insanıydı indi? Digər ona baxan göz- lərə baxdı, hardaydı bu insanlar? Olduqca yad və uzaq görü- nürdülər sanki. Bəzilərinin adlarını belə unutmuşdu. Çevrilib təkrar həmin qıza baxdı. Çox gözəl gülürdü. Gözləri xoşbəxt və kədər görməmişcəsinə parıldayırdılar və yəqin ki elə də qal- mışdılar. Siqaretini yandırdı Mavi, sonra kibriti istəmədən, bəlkə də istəyərək alkoqol iyi verən dondurulmuş xatirəyə doğru yaxın- laşdırdı. Şəkilləri alov bürüdü. Bir neçə saniyə alov içində giz- 127 lənən gülümsəməsinə baxdı qızın. Sonra öz keçmişinə baxdı. İndikindən daha xoşbəxt və qəmsiz gülüşlərinə baxdı. Ümidli və arzu dolu baxışlarına acıdı. Hər şey başqa cür ola bilərdi deyə düşündü. Öz seçimləri idi onu bugünə salan. Yüksələn alovlar diqqətini dağıtdı və həcmi artmış alov onu vahiməyə saldı. Bir anlıq yerində qərarsız hərəkətlər bütününü təkrarladıqdan sonra əlini təşviş içində divanın üstündəki balaca yastığa atdı. Yastığı alışan şəkillərin üstünə basıb alıovu sön- dürməyə çalışdı. Yastığın kifayət etmədiyini görüb bəlkə də bir qaba su doldurması gərəkdiyini düşündü. Mətbəx dolablarına doğru tərəddüdlü bir addım atdı, bunun üçün çox vaxt olma- dığını düşünüb köynəyini çıxarıb alovlara basdı. Ağlına daha yaxşı bir fikir gəldi və cəld su kranına doğru gedib köynəyi is- latdı. Geri gəlib alovlu divara basdı. Köynəyi ilə divardakı bü- tün alovları söndürdü. Təngənəfəs arxasındakı divana söykənib sakitləşməyə çalışdı. Yanan xatirələrini söndürməyi bacarmışdı. Dərin nəfəsləri, otağın sakitliyini pozurdu. Başını diva- ra doğru qaldırdı və yanmış şəkillərə baxdı. Onları bir daha görmək istəmədiyinə daha da əmin idi artıq. Bütün şəkilləri, əşyaları, xatirələri sökməyə başladı. Divardakı bütün izləri yı- ğışdırdıqdan sonra yerdə zibilə çevrilmiş xatirələrinin üstündə gəzə-gəzə bir yerə yığdı. Tapdalanmış, əzilmiş və yanmış xa- tirələrini bir zibil torbasına yığıb aşağı düşdü. Gecənin qaranlığını pozan küçə işıqlarının yaratdığı köl- gəsini izləyərək dəmir zibil qablarının olduğu yerə gəldi. Xatirələrini zibil qabına boşaltdı. Və bu dəfə tamamilə ira- di formada kibriti onların üstlərinə tulladı. Məhvə üz tutmuş xatirələrdən çıxan alovlar gecənin zülmətini aydınlandırırdı. Qabın kənarında qaçınılmaz sonluğundan imtina etməyə ça- lışaraq həyatda qalmağa çalışan fotoşəkilə zillədi gözlərini. Bir hissəsi yandıqca fotoşəkilin digər yanmamış hissəsi ağır- laşmağa başlayaraq qabın kənarından yerə düşməyə çalışırdı. Xatirə, dəhşətli alovdan qurtulmaq üçün bədəninin bir hissəsi- ni qurban verməyə məhkum idi. Mavi, onu bu əzabdan xilas etmək üçün yanmamış hissəsindən tutaraq qaldırdı özünə doğ- Yüklə 2,83 Kb. Dostları ilə paylaş:
|