199
daşındandır. Binaların bünövrədən yuxarı hissəsi isə əsasən yonulmuş çay daşından
inşa edilib.
III qazıntı sahəsində bir neçə yerdə səliqə ilə daş döşənmiş yol-küçə
qalıqları, bir yerdə isə kiçik meydan aşkar olunmuşdur. Üç yerdə ev-otaq qalıqları,
bir neçə yerdə isə yardımçı tikintilərə aid qalıqlar üzə çıxarılmışdır. Yardımçı
tikintilər əsasən ocaqxana, təndirxana və emalatxana tipli tikintilərdir. Mən
emalatxana tipli tikililəri xüsusi oləraq qeyd etmək istərdim. Diqqətinizə çatdırım
ki, III qazıntı sahəsinin 6,7, 7a, 8, 8a və 8b kvadratlarında bir-birinin yanında olan
boyaqçı, dəmirçi, misgər və sümük məmulatı istehsalı üzrə ixtisaslaşmış ustaların
çalışdığı emalatxanalar aşkar olunub. Qeyd olunan ərazidən sadalanan sənət
növlərinə aid çoxlu əmək alətləri, qəliblər, hazır məhsullar, istehsal çıxarları və
müvafiq ocaq yerləri aşkar olunub.
Bir-birinin yanında şaquli vəziyyətdə çiyin hissəsinədək yerə basdırılmış iri
həcmli təsərrüfat küpləri içərisində qeydə alınmış qırmızı və çəhrayı rəngli boyaq
qalıqları XVIII əsrdə Ağsuda boyakarliq sənətinin geniş yayıldığından xəbər verir.
Xatırladım ki, XIX əsrin əvvəllərinə aid mənbələrdə şəhərdən toplanan vergilərin
yarıdan çoxunun bu sahəyə aid olduğu bildirilir.
Tapıntılar içərisində 400-dək mis və gümüş sikkə var. Azərbaycan
ərazisində ilk dəfə olaraq “Lahıc” zərbi olan sikkələr buradan tapılıb. Bunlardan
əlavə pul zərbi məqsədilə doğranmış xeyli miqdar hazır mis lövhələr də tapılıb.
Bütün bunlar isə orada həm də zərbxana olduğundan xəbər verir.
Tapıntılardan söz düşmüşkən onu deyim ki, təkcə III sahədən bu və ya digər
dərəcədə elmi əhəmiyyət kəsb edən 1000-ə yaxın metal, daş, sümük, şüşə və gildən
hazırlanmış maddi mədəniyyət nümunələri götürülərək qeydiyyata alınıb. Hansı ki,
bu tapıntılar ayrı-ayrı sənət sahələrinin mövcud vəziyyətini, istehsaldakı tərəqqi və
tənəzzül meyllərini, əhalinin məişət və təsərrüfat həyatını daha əhatəli şəkildə
öyrənmək baxımından çox mühüm əhəmiyyət kəsb edir.
Tapıntılar içərisində İran, Çin, Rusiya, Britaniya və digər ölkələrdə istehsal
olunmuş nəfis məişət əşyaları da az deyil. Bu isə Ağsunun adı çəkilən ölkələrlə
intensiv ticarət və mədəni əlaqələrinin olduğuna dəlalət edir. Hansı ki, bütün bunlar
təkcə Azərbaycanda deyil, bütövlükdə Qafqazda XVIII əsrə aid şəhər
mədəniyətinin hərtərəfli tədqiqi baxımından son dərəcə əhəmiyyətli tapıntılardır.
Nəzərə alın ki, Ağsuda arxeoloji tədqiqatlar yeni başlanıb. Mənim Sizə
təqdim etdiyim nəticələr də hələlik ilkin nəticələrdir. Ağsu arxeoloji ekspedisiyası
şəhərin tarixini, bütövlükdə son orta əsr şəhər problemini dərindən və hərtərəfli
öyrənmək üçün tədqiqatları davam etdirmək əzmindədir.
Rayonun arxeoloji xəritəsindən göründüyü kimi, Ağsu ərazisi tarixi
abidələrlə zəngin olan bir diyardır. Burada arxeoloqların yolunu gözləyən çoxsaylı
nadir abidələr var. Onlardan hər biri Azərbaycan tarixində yeni səhifə ola bilər.
Deməli, o abidələr də tez-gec öyrənilməlidir.
200
Ağsu Azərbaycanın turizm regionlarının qovşağmda yerləşir. Bu isə o
deməkdir ki, Ağsu həm də son dərəcə əlverişli turizm imkanları və pespektivləri
olan bir rayondur. Arxeoloji qazıntıların davamlı olaraq aparılması və yeni-yeni
abidələrin üzə çıxarılması bu cəhətdən də hər zaman aktual və əhəmiyyətlidir.
Deməyim odur ki, əziz ağsulular, lap yaxın gələcəkdə Ağsunu gözləyən böyük
turist axınını qarşılamağa gərək elə indidən hazırlıq görəsiniz.
Hörmətli xanımlar və cənablar!
Ağsu arxeoloji ekspedisiyası cəmisi iki aydır ki, fəaliyyət göstərir. Bu
müddətdə gördüyümüz işlərlə qismən də olsa sizlər də tanış oldunuz. Razılaşın ki,
cəmisi iki ay ərzində, özü də havaların çöl-tədqiqat işləri üçün son dərəcə
namünasib keçdiyi bir vaxtda bu işləri görmək o qədər də asan məsələ deyil.
İnanın, biz 8 mart və Novruz bayramı günlərində də tam tərkibdə çöldə işləmişik.
Qazıntı işləri ilə paralel olaraq Ağsu rayonunun arxeoloji xəritəsini hazırlamışıq.
Bunlardan əlavə Kürdəmir rayonu ərazisindən təsadüfən tapılan və içərisində XV
əsrin I yarsında Şirvanşahlar tərəfindən zərb olunmuş 1134 ədəd gümüş sikkə olan
dəfinə də tərəfimizdən öyrənilərək albom-kataloq şəklində nəşrə hazırlanmışdır.
Dostlar, biz bu gün Ulu Öndər Heydər Əliyevin ideyalarının və ideallarının
işığına toplaşmışıq. Heydər Əliyev Azərbaycana rəhbərlik etdiyi illərdə xalqımıza
məxsus tarixi-mədəni irsin qorunmasına və öyrənilməsinə daim xüsusi diqqət və
qayğı göstərib. Bu sahədəki nöqsanlara və biganəlik hallarına qarşı barışmaz olub.
Fikrimi əsaslandırmaq üçün təkcə bir hadisə ilə bağlı onun necə ciddi və operativ
mövqe nümayiş etdirdiyini yada salmaq istərdim.
1978-ci ilin payızı idi. Mingəçevirdən Qəbələ RLS-ə yüksək gərginlikli
elektrik xətti çəkilirdi. Hərbiçilər qədim Qəbələ şəhəri ərazisində elektrik dirəkləri
basdırmaq üçün cəmisi bir yerdə quyu qazmışdılar. Bu xəbər Heydər Əliyevə çatan
kimi dərhal Ali Sovetin Rəyasət Heyətinin sədri Qurban Xəlilov başda olmaqla
oraya hökumət komissiyası göndərdi. Komissiyanın arayışını Mərkəzi Komitənin
Büro iclasının müzakirəsinə çıxararaq bu məsələyə görə 7-8 nəfər yüksək vəzifəli
şəxsə, o cümlədən Sovet Ordusunun yüksək rütbəli bir neçə generalına partiya
cəzası verdi. Heydər Əliyevin tapşırığı ilə Qəbələ Tarix və mədəniyyət qoruğu
yaradıldı. Abidənin sel sularından qorunması məqsədilə geniş sahədə beton bəndlər
vuruldu və s.
Hörmətli alimlər, hörmətli məmurlar, hörmətli ziyalılar, əziz gəncləri
Vətəni, onun tarixi-mədəni dəyərlərini bax bu cür sevmək - Heydər Əliyev kimi
sevmək və qorumaq gərəkdir.
Çıxışımın sonunda onu da bildirim ki, ekspedisiya qısa vaxt ərzində Ağsuda
aparılmış arxeoloji tədqiqatların ilkin nəticələrini özündə əks etdirən “Ağsu şəhəri
orta əsrlərdə” adlı kitab-albomu hazırlayaraq nəşr etdirmişdir. Bundan əlavə
ekspedisiyanın internet səhifəsi hazırlanmışdır. İndi də kitab-albomun və internet
səhifəsinin təqdimatı ilə əlaqədar ekspedisiyanın rəis müavini, tarix elmləri
namizədi, sizin həmyerliniz Fariz Xəlilliyə söz verilir.
Dostları ilə paylaş: |