195
tanış olasınız. O zaman özünüz şahidi olacaqsınız ki, bəli, Ulu öndərimiz Heydər
Əliyevin arzuları hər yanda olduğu kimi, onun çox sevdiyi və isti münasibət
bəslədiyi bizim Ağsuda da çiçək açmaqdadır. Qoy, Ulu öndərin ruhu şad olsun!
Qoy, hər kəs bir daha eşitsin ki, ağsulular həmişə olduğu kimi, bundan sonra da
Heydər Əliyev ideallarına sadiq olacaq, möhtərəm Prezidentimiz cənab İlham
Əliyev başda olmaqla dövlətimizin qarşımıza qoyduğu bütün vəzifələri layiqincə
icra edəcəklər.
Diqqətinizə görə sağ olun!
İndi isə mən çox məmuniyyətlə AMEA Arxeologiya və Etnoqrafiya
İnstitutunun direktoru Maisə xanım Rəhimovaya söz verirəm.
Azərbaycan Milli Elmlər Akademiyası Arxeologiya və Etnoqrafiya
institutunun direktoru Maisə Rəhimovanın nitqi:
Hörmətli xanımlar və cənablar! Bu gün bizim üçün çox əlamətdar bir
gündür. Biz, Sizinlə birlikdə Ulu öndərin anadan olmasının 87-ci ildönümünü qeyd
etmək üçün Ağsuya gəlmişik. Azərbaycanın dilbər guşələrindən biri olan Ağsu
rayonu son vaxtlar həqiqətən çox gözəlləşib. Buradakı abadlıq və quruculuq işləri
adamı valeh edir. Elə bunun özü Heydər Əliyev idealarının təntənəsinin daha bir
parlaq nümunəsidir.
Ulu öndərin tarixi-mədəni irsə çox böyük qayğı göstərdiyi hər kəsə yaxşı
bəllidir. Bu baxımdan doğum günü ərəfəsində onun tarixi-mədəni irsin qorunması,
öyrənilməsi və təbliği işinə göstərdiyi qayğıkeş münasibəti bir daha minnətdarlıq
hissi ilə yad etmək hər birimizin mənəvi borcudur. Hesab edirəm ki, Ağsu rayon
İcra hakimiyyəti və Ağsu arxeoloji ekspedisiyasının bu istiqamətdəki fəaliyyəti
təqdir olunmalıdır. Tariximizin öyrənilməsinə göstərdiyi diqqət və qayğıya görə
“Miras” Mədəni İrsin Öyrənilməsinə Kömək İctimai Birliyinin rəhbərliyi və
təəssübkeşləri də alqışlanmalıdır. Birgə səylərin nəticəsi göz qabağındadır. Baxın,
qısa vaxt ərzində Azərbaycanın mühüm orta əsr şəhərlərdən biri olan Ağsunun
tarixinin öyrənilməsi istiqamətində necə də faydalı işlər görülüb. Şəhər ərazisində
genişmiqyaslı arxeoloji qazıntılar aparılması, oradan tapılmış maddi mədəniyyət
nümunələrinin sistemləşdirilərək sərgidə nümayiş etdirilməsi, Ağsu tarixinə dair
kitabın hazırlanaraq nəfis şəkildə nəşr olunması və nəhayət, bununla bağlı internet
səhifəsinin təqdimatı - razılaşın ki, bunların hər biri həm vacib, həm də çox
əhəmiyyətli işlərdir. Mən bütün bunlara görə Ağsu arxeoloji ekspedisiyasının
bütün heyətinə, şəxsən ekspedisiyanın rəbəri Qafar müəllimə ürəkdən təşəkkür
edirəm. Onlar tapşırılmış işin öhdəsindən layiqincə, həm də yüksək peşəkarlıqla
gəlmişlər. Mən əminəm ki, gələcəkdə biz sizinlə birlikdə Ağsu arxeoloji
ekspedisiyasının daha böyük uğurlarının və yeni-yeni layihələrinin şahidi olacağıq.
Hörmətli xanımlar və cənablar! Məlumat üçün bildirim ki, şəxsən prezident
İlham Əliyevin xüsusi diqqəti və qayğısı sayəsində Azərbaycan ərazisində
arxeoloji tədqiqatların miqyası ildən-ilə artmaqdadır. Keçən il Arxeologiya və
Etnoqrafiya İnstitutu nəzdində 40-a yaxın arxeoloji ekspedisiya fəaliyyət göstərib.
196
Yalnız son bir il ərzində Azərbaycanın arxeoloji xəritəsinə onlarla yeni abidə daxil
edilib. Muzeylərimizin arxeoloji fondu yeni və nadir tapıntılar hesabına daha da
zənginləşib. Müsbət haldır ki, dünyanın bir sıra ölkələrinin arxeoloqları, o
cümlədən ABŞ, Fransa, Almaniya, Yaponiya, Cənubi Koreya və Gürcüstan
arxeoloqları da Azərbaycan abidələrinin tədqiqinə böyük maraq göstərirlər. Həmin
ölkələrin alimlərinin iştirakı ilə fəaliyyət göstərən birgə ekspedisiyalar təbiidir ki,
həm də xalqlarımız və dövlətlərimiz arasındakı mədəni-siyasi əlaqələrin daha da
möhkəmlənməsinə xidmət edir.
Arxeologiya və Etnoqrafiya İnsitutunun gördüyü işlər barədə çox danışa
bilərəm. Amma mən istərdim ki, qarşıda duran vəzifələr barədə daha çox düşünək.
Ulu öndərin nəsihətlərinə, vəsiyyətlərinə və arzularına layiq olmaq üçün biz daha
böyük hədəflər uğrunda mübarizə aparmalıyıq.
Hörmətli Ənvər müəllim! Çıxışımın sonunda Sizə, bütünlüklə Ağsu
rəhbərliyinə tarixi-mədəni irsə qayğıkeş münasibətinizə görə bir daha dərin
təşəkkürümü və minnətdarlığımı bildirirəm.
Arzu edirəm ki, ağsulular novbəti illərdə də dövlətimizin qurucusu olan Ulu
öndər Heydər Əliyevin doğum günlərini bax, bu cür bayram təntənələri şəraitində
qeyd etsinlər.
Diqqətinizə görə sağ olun!
Ağsu arxeoloji ekspedisiyasının rəisi, tarix elmləri doktoru Qafar
Cəbiyevin nitqi:
Hörmətli xanımlar və cənablar!
İcazə verin, Ulu öndərin əziz xatirəsinə ehtiram əlaməti olaraq Bakıdan
təşrif buyuraraq tədbirimizə qatılan çox hörmətli qonaqları Ağsu arxeoloji
ekspedisiyasının kollektivi adından ürəkdən salamlayım, onlara xoş gəlmisiniz,
deyim!
Qonaqlarımız arasında Azərbaycan Milli Elmlər Akademiyası rəhbərliyini
təmsil edən, xalqımızın qürur yeri olan çox hörmətli elm adamlarımız var. Mən ilk
olaraq Akademiyanın vitse-prezidenti, Milli Azərbaycan Tarixi Muzeyinin
direktoru, tanınmış şərqşünas alim, akademik Nailə xanım Vəlixanlını
salamlayaraq, ona xoş gəlmisiniz demək istəyirəm.
Azərbaycanda aparılan bütün arxeoloji tədqiqatlar bir mərkəzdən idarə
olunur. Bu, Akademiyanın Arxeologiya və Etnoqrafiya İnstitutudur. Arxeoloji
ekspedisiyaları təşkil edən də, ona rəhbərlik və nəzarət edən də məhz bu
institutdur. Arxeologiya və Etnoqrafiya İnstitutu əməkdaşlarının fədakar əməyi
sayəsində hər il onlarla yeni-yeni abidə aşkar edilərək tədqiq olunur. Bu gün
Arxeologiya və Etnoqrafiya İnstitutunun direktoru, hamımızın sevimlisi Maisə
xanım Rəhimova başda olmaqla institutun təcrübəli alimlərindən ibarət böyük
heyət buradadır. Gəlin, əvvəlcə Maisə xanımı məxsusi olaraq bir də salamlayaq.
Bir zaman əlimizdən tutaraq elmin çətin yollarında bizə bələdçilik edən, bu
gün Azərbaycanda arxeologiya və etnoqrafiya elminin ağsaqqalları olan akademik
Dostları ilə paylaş: |