193
Saat 11:30-da rayon tarix diyarşünaslıq muzeyində orta əsr Ağsu şəhərindən
tapılmış maddi mədəniyyət nümunələrindən ibarət xüsusi sərginin açılışı olmuşdur.
Sərgidə orta əsr Ağsu ustalarının istehsal etdiyi rəngarəng çeşidli sənətkarlıq
məmulatı nümunələri, yerli əhalinin məişət və təsərrüfat həyatının göstəricisi olan
əşyalar, zəngin numizmatik materiallar, o cümlədən yerli pullar, dünyanın ən
müxtəlif ölkələri və şəhərləri ilə olan intensiv ticarət və mədəni əlaqələrindən
xəbər verən nadir tapıntılar nümayiş etdirilmişdir. Qonaqlar, ziyalılar, rayon
ictimaiyyətinin nümayəndələri sərgi ilə ətraflı tanış olmuşlar.
Saat 12:00-da Ağsu rayon mədəniyyət sarayında Ulu öndərin anadan
olmasının 87-ci ildönümü münasibətilə elm adamlarının və rayon ictimaiyyəti
nümayəndələrinin iştirakı ilə geniş toplantı keçrilmişdir. Toplantını giriş sözü ilə
Ağsu rayon İcra hakimiyyətinin başçısı Ənvər Seyidəliyev açmışdır.
Ağsu rayon Ġcra hakimiyyətinin baĢçısı Ənvər Seyidəliyevin nitqi:
- Hörmətli qonaqlar! Əziz ağsulular!
İcazə verin öncə çox hörmətli qonaqlarımızı - akademik Nailə xanım
Vəlixanlını, Arxeologiya və Etnoqrafiya İnstitutunun direktoru Maisə xanım
Rəhimovanı, elmimizin ağsaqqallarından olan akademik Teymur Bünyadovu,
görkəmli arxeoloq, AMEA müxbir üzvü İlyas Babayevi, digər elm adamlarını
ürəkdən salamlayım, onlara xoş gəlmisiniz deyim. Mən Bakıda yaşayan, işləyən
rayonumuzun adını daim ucaldan ağsulu alim və ziyalıların da bu günkü tədbirə
qoşulmasından məmunluğumu bildirmək istəyirəm. İcazə verin, sizlərin timsalında
Ağsunun bütün elm, sənət və mədəniyyət adamlarını da ürəkdən salamlayım.
Seçicilərə verdiyi vədə daim əməl edən, rayonun ictimai həyatında yaxından iştirak
edən, bir sözlə, hər zaman bizimlə, ağsulularla bir yerdə olan çox hörmətli millət
vəkilimiz Ərəstun Cavadov bu gün də bizimlə bir yerdədir. Gəlin, hamılıqla onu da
ürəkdən salamlayaq. Hörmətli xanımlar və cənablar! Ölkəmizin hər yerində olduğu
kimi Ağsu rayonunda da Ümumilli lider Heydər Əliyevin anadan olmasının 87-ci
ildönümü münasibəti ilə silsilə tədbirlər keçirilməkdədir. Ulu öndərin əziz
xatirəsinə ehtiram əlaməti olaraq idarə, müəssisə və əmək kollektivlərində, təhsil,
səhiyyə və mədəniyyət müəssisələrində, ayrı-ayrı yaşayış məntəqələrində demək
olar ki, hər gün bir-birindən rəngarəng və yaddaqalan tədbirlər keçirilir.
Bununla da ağsulular Ümummilli liderə olan sonsuz hörmət, məhəbbət və
ehtiramlarını nümayiş etdirməyə çalışırlar. Ağsu arxeoloji ekspedisiyası ilə birgə
keçirdiyimiz bu tədbir də həmin silsilədən olan tədbirlərdəndir. Biz şadıq ki,
ağsuluların bugünkü bayram əhval-ruhiyyəli tədbirində Bakıdan gəlmiş çox
hörmətli qonaqlarımız da iştirak edir. İcazə verin, rayon icra hakimiyyəti və bütün
ağsulular adından hörmətli qonaqlarımızı ürəkdən salamlayım və onlara xoş
gəlmisiniz deyim. Sizin hamınızı bu may təntənələri münasibətilə ürəkdən təbrik
edirəm.
Hörmətli xanımlar və cənablar! Çox narahat bir dünyada yaşayırıq.
Dünyanın ayrı-ayrı nöqtələrindən hərgün həyəcanlı xəbərlər eşidirik. Milli və dini
194
zəmində olan toqquşmalar, diplomatik qalmaqallar, təbii və siyasi kataklizmlər bir-
birini əvəz edir. Bəşəriyyətin dincliyini, sakitliyini sanki kimlərsə bilərəkdən və
məqsədli surətdə pozmağa çalışır. Görün, Qafqazda və MDB məkanında nələr baş
verir!
İndi bütün bunların fonunda bir Azərbaycana baxın! Şükürlər olsun ki,
bizdə sakitlikdir, əmin-amanlıqdır. Ölkənin hər yerində dinamik inkişaf,
genişmiqyaslı abadlıq və quruculuq işləri gedir. İqtisadiyyat sürətlə inkişaf edir,
regionların siması günü-gündən yeniləşir. Bütün bunların əsası Ulu öndər
tərəfindən qoyulub.
Möhtərəm Prezidentimiz İlham Əliyevin sözləri ilə desək, “Müstəqil
Azərbaycan Heydər Əliyevin şah əsəridir”.
Bütün Azərbaycan xalqı kimi, ağsulular da çox məmundurlar ki, Ulu
öndərin müəyyən etdiyi kurs onun siyasi varisi, hamımızın sevimlisi möhtərəm
cənab Prezidentimiz İlham Əliyevin rəhbərliyi ilə uğurla davam etdirilməkdədir.
Ağsulular bu kursu ürəkdən bəyənir və onu hamılıqla müdafiə edirlər.
Hörmətli xanımlar və cənablar! Ağsu aranı da, yaylağı da olan gözəl bir
məkandır. Ağsu həm də tranzit yolun üstündə olan bir rayondur. İnsanlar lap qədim
zamanlardan bu yerlərdə özlərinə məskən salarkən sözsüz ki, hər şeydən öncə
məhz bu amilləri nəzərə alıblar.
Xatırladım ki, Ağsu rayonu ərazisində yaşı 7 min ilə çatan qədim yaşayış
yerləri var. Qədim Azərbaycan-Albaniya dövlətinin mühüm şəhərlərindən olan
Mehrəvanın qalıqları bizim rayondadır. Böyük sərkərdə, dövlət xadimi və diplomat
olan Cavanşirin adını daşıyan qədim yaşayış yeri də Ağsudadır. Arxeoloq
alimlərimiz tərəfindən Ağsu rayonu ərazisində aparılan tədqiqatlar zamanı
tariximizin öyrənilməsi üçün mühüm əhəmiyyəti olan çox qiymətli tapıntılar aşkar
edilib. Özünüz də şahid oldunuz ki, bu gün Ağsu arxeoloji ekspedisiyası
tariximizin qaranlıq nöqtələrinin araşdırılması istiqamətində çox səmərəli iş aparır.
Biz bütün bunlara görə hörmətli alimlərimizə, ekspedisiyanın bütün üzvlərinə
ürəkdən minnətdarıq. Tədqiqatların gələcəkdə də uğurla davam etdirilməsi üçün
bizdən asılı olan bütün məsələlər bundan sonra da vaxtında öz həllini tapacaqdır.
Mən Ağsu arxeoloji ekspedisiyasının təşkilinə və onun səmərəli
fəaliyyətinin təmin olunmasına görə Milli Elmlər Akademiyasının rəhbərliyinə, o
cümlədən Nailə xanım şəxsən Sizə öz təşəkürümü və minnətdarlığımı bildirirəm.
Mən Arxeologiya və Etnoqrafiya İnstitutunun Ağsu abidələrinin öyrənilməsinə
xüsusi diqqət və qayğı göstərdiyinə görə İnstitutunun direktoru, çox hörmətli
Maisə xanıma, onunla birlikdə bu gün tədbirimizdə iştirak edən arxeoloq və
etnoqraf alimlərə də Ağsu ziyalıları və ictimaiyyəti adından təşəkkürümü və
minnətdarlığımı yetirirəm.
Möhtərəm qonaqlar! Mən bu qısa nitqimdə bilərəkdən son illər Ağsuda
görülən genişmiqyaslı tikinti, abadlıq və quruculuq işləri barəsində danışmadım.
Mən istəyirəm ki, Siz özünüz Ağsunu qarış-qarış gəzəsiniz, yeniliklərlə özünüz
Dostları ilə paylaş: |