Avropa Şurası Sazişinin seriya nömrəsi: 201
Yüklə 304,85 Kb. Pdf görüntüsü
|
- Bu səhifədəki naviqasiya:
- Fəsil I – Məqsədlər, ayrı-seçkiliyə yol verməmək prinsipi və təriflər Maddə 1 – Məqsədlər
| Avropa Şurası Sazişinin seriya nömrəsi: 201
Uşaqların Cinsi İstismar və Seksual Xarakterli Hərəkətlərdən Müdafiəsinə dair Avropa Şurası Konvensiyası
Lanzarote, 25.X.2007 2 CETS 201 – Uşaqların Cinsi İstismar və Cinsi Zorakılıqdan Müdafiəsi, 25.X.2007 _________________________________________________________________________________________
Preambula
Avropa Şurasının üzv Dövlətləri və hazırkı Konvensiyanı imzalayandigər tərəflər;
Avropa Şurasının məqsədinin üzvləri arasında daha böyük birliyə nail olmaq olduğunu nəzərə alaraq;
Hər bir uşağın yetkinlik yaşına çatmaması baxımından statusunun tələb etdiyi kimi ailəsi, cəmiyyət və Dövlət tərəfindən bu cür müdafiə tədbirlərindən yararlanmaq hüququna malik olduğunu nəzərə alaraq
uşaqların cinsi istismarının, xüsusilə də uşaq fahişəliyinin və seksual xarakterli hərəkətlərin bütün formalarının, habelə xaricdə törədilən hərəkətlərin uşaqların sağlamlığına və psixi- sosial inkişafına məhvedici təsir göstərdiyini müşahidə edərək;
uşaqlara qarşı cinsi istismarın və seksual xarakterli hərəkətlərin həm milli, həm də beynəlxalq səviyyədə narahatlıq yaradan miqyasa çatdığını və, xüsusilə də həm uşaqların, həm də qanun pozucularının məlumat və kommunikasiya texnologiyalarından (İKT-lər) istifadə imkanlarının genişlənməsi və uşaqların cinsi istismarı və seksual xarakterli hərəkətlərin qarşısının alınması və onlarla mübarizənin beynəlxalq əməkdaşlıq tələb etdiyini qeyd edərək;
uşaqların rifahının və maraqlarının bütün üzv Dövlətlərin qəbul etdikləri fundamental dəyərlər olduğunu və bu dəyərlərin heç bir ayrı-seçkiliyə yol vermədən qorunmalı olmasını nəzərə alaraq;
Avropa Şurasının Dövlət və Hökumət Rəhbərlərinin 3-cü Sammitində (Varşava, 16-17 may 2005-ci il) qəbul eidlmiş və uşaqların cinsi istismarının qarşısının alınmasına çağıran Fəaliyyət Planına istinad edərək;
Xüsusilə də, uşaqların və gənclərin cinsi istismarına, onların iştirakı ilə pornoqrafiyaya, onların fahişəliyə cəlb edilməsinə və alverinə dair Nazirlər Komitəsinin R (91) 11 saylı Tövsiyəsinə, uşaqların cinsi istismardan müdafiəsinə dair Rec (2001) 16 saylı Tövsiyəyə, və Kibernetik cinayətə dair Konvensiyaya (ETS # 185), xüsusilə də onun 9-cu maddəsinə, eləcə də Avropa Şurasının İnsan Alverinə qarşı Mübarizəyə dair Konvensiyaya (CETS # 197) istinad edərək;
İnsan Hüquqları və Fundamental Azadlıqların Müdafiəsinə dair Konvensiyanı (1950, ETS #5), yenidən nəzərdən keçirilmiş Avropanın Sosial Xartiyasını (1996, ETS # 163) və Avropanın Uşaqların Hüquqlarının Yerinə yetirilməsinə dair Konvensiyasını (1996, ETS # 160) nəzərə alaraq;
Eləcə də, Birləşmiş Millətlər Təşkilatının Uşaa Hüquqları haqqında Konvensiyasını, xüsusilə də onun 34-cü maddəsini, uşaq alverinə, uşaq fahişəliyinə və uşaq pornoqrafiyasına dair Fakültativ Protokolu, Birləşmiş Millətlər Təşkilatı Konvensiyasına əlavə olaraq İnsan, xüsusilə də Qadın və Uşaq Alverinin Qarşısının alınması ilə bağlı millətlərarası mütəşəkkil cinayətlərin qarşısının alınmasına dair Protokolu, eləcə də Uşaq Əməyinin Ən Pis Formalarının Qadağan edilməsi və Onların Aradan qaldırılması ilə bağlı Beynəlxalq Əmək Təşkilatı Konvensiyasını nəzərə alaraq;
3 CETS 201 – Uşaqların Cinsi İstismar və Cinsi Zorakılıqdan Müdafiəsi, 25.X.2007 _________________________________________________________________________________________
Avropa Birliyi Şurasının uşaqların cinsi istismarına və uzaq pornoqrafiyasına qarşı Mübarizəyə dair Çərçivə Qərarını (2004/68/JHA), Avropa Birliyi Şurasının cinayət prosesində qurbanların statusuna dair Çərçivə Qərarını (2001/220/JHA) və Avropa Birliyi Şurasının insan alverinə qarşı mübarizəyə dair Çərçivə Qərarını (2002/629/JHA) nəzərə alaraq;
Bu sahə üzrə digər müvafiq beynəlxalq sənəd və proqramları, xüsusilə də Uşaqların Kommersiya məqsədilə Cinsi İstismarına qarşı 1-ci Ümumdünya Konqresində (27-31 avqust 1996-cı il) qəbul edilmiş Stokholm bəyannaməsini və Fəaliyyət Planını, Uşaqların Kommersiya məqsədilə Cinsi İstismarına qarşı 2-ci Ümumdünya Konqresində (17-20 dekabr 2001-ci il) qəbul edilmiş Yokohama Qlobal Öhdəliyini, Uşaqların Kommersiya məqsədilə Cinsi İstismarına qarşı 2-ci Ümumdünya Konqresinə hazırlıq Konfransında (20-21 noyabr 2011-ci il) qəbul edilmiş Budapeşt Öhdəliyi və Fəaliyyət Planını, Birləşmiş Millətlər Təşkilatının Baş Assambleyasının “Uşaqlar üçün yararlı dünya” adlı S-27/2 saylı qərarını və 3-cü Sammitdən sonra qəbul edilmiş və Mərakeş Konfransında (4-5 aprel 2006-cı il) işə başlamış “Avropanı uşaqlar üçün və uşaqlarla qurmaq” adlı üç-illik proqramını lazımi qaydada nəzərə alaraq;
Cinayətkarların kimliyindən asılı olmayaraq uşaqları cinsi istismardan və seksual xarakterli hərəkətlərdən müdafiəsi və qurbanlara yardım etmək kimi ümumi məqsədə səmərəli şəkildə töhfə verilməsinə qərarlı olaraq;
uşaqların cinsi istismarı və onlara qarşı seksual xarakterli hərəkətlərin bütün formalarına qarşı mübarizənin qabaqlayıcı, müdafiəedici və cinayət-hüquqi aspektlərinə yönələn hərtərəfli beynəlxalq sənədin hazırlanmasına və xüsusi monitorinq mexanizmlərinin yaradılmasına olan ehtiyacı nəzərə alaraq
Aşağıdakılar üzrə razılığa gəlmişlər:
Maddə 1 – Məqsədlər
1
Hazırkı Konvensiyanın məqsədi bunlardır:
a
uşaqların cinsi istismarının və onlara qarşı seksual xarakterli hərəkətlərin qarşısının alınması və buna qarşı mübarizə aparılması;
b
cinsi istismarın və seksual xarakterli hərəkətlərin qurbanı olan uşağın hüquqlarının müdafiə edilməsi;
c
uşaqların cinsi istismar və seksual xarakterli hərəkətlərə qarşı milli və beynəlxalq əməkdaşlığın dəstəklənməsi;
2
Tərəflərin Konvensiyanın müddəalarını səmərəli surətdə həyata keçirmələri məqsədilə, hazırkı Konvensiya xüsusi monitorinq mexanizmi yaradır. Yüklə 304,85 Kb. Dostları ilə paylaş:
|