10
müqavilələri girovnamələrə daxil edir və onları təminat kimi göstərməklə etibarlı
qiymətli kağızlar hesab edilən ipoteka istiqrazlarını buraxır. Etibarlı olduqlarından
bank onlara görə aşağı faiz ödəyir. Bu, bank üçün sərfəlidir, çünki, bank onların
satışından ucuz maliyyə resursları əldə edir.
Üçüncüsü, qiymətli kağızlar maliyyə vəsaitlərinin yerləşdirilməsində
investorların rahatlığını təmin edir: investor illik 15%-lə vəsaitləri 1 il müddətinə
bank depozitində yerləşdirir. Əgər investor 6 aydan sonra vəsaitlərini geri almaq
istəyirsə, onda bankla olan əməliyyat qoyuluşu haqqında müqaviləni pozmaq
məcburiyyətində qalır. Bank yığılmış faizləri ya ödəmir, ya da tələbolunanadək
qoyuluşlar səviyyəsinə salır. Beləliklə investor öz pullarını maliyyə itkiləri ilə geri
alır. Əgər investor vəsaitlərini istiqrazların alınmasına qoymuşdursa, onda ona
istiqrazın bağlanma müddətini göstərmədən vəsaitlərini geri almaq asanlaşır. Bunun
üçün o, istiqrazları ikinci bazarda sata bilər. Bu zaman alıcı satıcıya yalnız istiqrazın
dəyərini yox, eyni zamanda sahiblik dövründə yığılmış faizləri də ödəyir.
Müvəqqəti sərbəst pul vəsaitlərinin investorlardan emitentlərə çatdırılması
zamanı qiymətli kağızlar bazarı müəyyən vəzifələr daşıyır. Bu vəzifələrə aşağıdakılar
aiddir:
investisiyalar üçün müvəqqəti sərbəst maliyyə vəsaitlərinin səfərbər
edilməsi;
dünya standartlarına cavab verən bazar infrastrukturunun formalaşması;
qiymətli kağızların ikinci bazarının inkişaf etdirilməsi;
mülkiyyət münasibətlərinin transformasiyası;
bazar mexanizminin və idarəetmə sisteminin təkmilləşdirilməsi;
dövlət tənzimlənməsi əsasında fond kapitalı üzərində real nəzarətin təmin
edilməsi və investisiya riskinin azaldılması;
portfel strategiyalarının formalaşdırılması;
qimətqoyma sisteminin inkişaf etdirilməsi;
perspektiv inkişaf istiqamətlərinin proqnozlaşdırılması.
11
Bu vəzifələrin icra edilməsiçün fond bazarı aşağıdakı əsas funksiyaları yerinə
yetirir:
1.
Yenidənbölgü funksiyası pul vəsaitlərinin (kapitalın) qimətli kağızların
tədavülü vasitəsilə müəssisəkər, əhali və dövlət arasında, sahələr və regionlar arsında
yenidən bölgüsünü ifadə edir. Bu funksiya müxtəlif sahə və sferalar arasında pul
vəsaitlərinin yenidən bölgüsü; ehtiyatların qeyri-istehsal formadan istehsal formasına
köçürülməsi və əlavə pul vəsaitlərinin dövriyyəyə buraxılmaması şərti ilə dövlət
büdcəsi defisitinin malıiyyələşdirilməsi kimi üç hissədən ibarətdir.
2.
Tənzimlənmə funksiyası–müxtəlif proses və münasibətlərin konkret fond
əməliyyatları vasitəsilə tənzimlənməsi. Məsələn, qiymətli kağızlarla əməliyyat
keçirilməsi vasitəsilə tədavüldəki pul kütləsinin həcmi tənzimlənir.
3.
Malyyə risklərinin sığortalanması funksiyası.Bu funksiyanın vasitəsilə
kapitalın qorunub saxlanması və artırılması təmin edilir. Bu funksiyanın yerinə
yetirilməsi fyuçers və opsion kimi törəmə qiymətli kağızlar sinifinin meydana
gəlməsi ilə əlaqədardır.
4.
Uçot funksiyası bazarda tədavül edən bütün növ qiymətli kağızların xüsusi
siyahılarda, yəni reyestrlərdə məcburi qeydiyyatında, bazr iştirakçılarının
qeydiyyatında, habelə alqı-satqı, girov, trast, konversiya və s. müqavilələrlə
rəsmiləşdirilmiş fond əməliyyatlarının qeydiyyatında təzahür edir.
5.
İnformativlik funksiyası qimətli kağızlar bazarının uçot funksiyasından irəli
gəlir, yəni bazar ticarət obyektləri və subyektləri haqqında informasiyanı yaradır və
iştirakçılarına çatdırır.
6.
Nəzarət funksiyası.Bu, bazar iştirakçıları tərəfindən qanunvericiliyə əməl
olunmasına nəzarətin həyata keçirilməsini nəzərdə tutur.
7.
Tələblə təklifin tarazlaşdırılması funksiyası. Bu, fond bazarında qiymətli
kağızlarla əməliyyatlar vasitəsilə tələblə təklifin arasında tarazlığın təmin olunması
deməkdir.
Qiymətli kağızlar bazarı mürəkkəb əməliyyat texnologiyasına malik mühüm
bir təşkilati-hüquqi sistemdir. Bu bazarın strukturu aşağıdakılardan ibarətdir:
12
1)
Ticarətin predmeti: qiymətli kağızlar və onların törəmələri.
2)
Professional iştirakçılar.
3)
Tənzimləmə sistemi.
Qiymətli kağızlar bazarının tərkib hissələri müxtəlif cür qruplaşdırılaraq
təsnifatlaşdırılır. Bazarın tərkib hissəsinin əsasını bazarda aparılan ticarət üsulları
təyin edir.İlk növbədə qiymətli kağızları coğrafi əlamətlərinə görə milli, regional və
beynəlxalq bazarlara bölmək olar. Fond bazarını qiymətli kağızların növlərinə görə
təsnifləşdirmək olar: səhm bazarı, istiqraz bazarı, törəmə qiymətli kağızlar bazarı və
s. Bu bazarın strukturunda əsasən 5 növ (sxem №3) müxtəliflik fərqləndirilir:
a)
İlkin və təkrar(ikinci) bazar. İlkin bazarda qiymətli kağızlar öz qəbul
qaydaları və tələbləri ilə ilk dəfə satışa çıxarılır,realizə olunma prosesinin ilk
mərhələsində ilk dəfə olaraq alıcılar tərəfindən alınır. Burada korporasiyalar, mərkəzi
hökumət və bələdiyyələr tərəfindən buraxılan qiymətli kağızların ilkin yerləşdirilməsi
baş verir. Bazarda yeni buraxılan qiymətli kağızların bazar qiyməti müəyyən
edilir,investisiya riski qiymətləndirilir,buraxılışın dövlət qeydiyyatı və buraxılışın
nəticələrinin qeydiyyatı və onların saxlanılması baş verir. İlkin bazarın funksiyaları
aşağıdakılardır:
1.
qiymətli kağızların buraxılışının təşkili;
2.
onların yerləşdirilməsi;
3.
qiymətli kağızların uçotunun aparılması;
4.
tələblə təklif arasında tarazlığın təmin olunması.
Təkrar bazarda isə əvvəllər buraxılmış qiymətli kağızlar dövriyyədə olur,
qiymətli kağızın təyin edilmiş bütün dövriyyə müddəti ərzində bu kağəzlar alqı-satqı
və ya digər köçürmə fomalarında öz sahibini dəyişir.Bu bazarın məqsədi qiymətli
kağızlarla onların ilkin yerləşdirilməsindən sonra alqı-satqı və digər əməliyyatların
keçirilməsi üçün çəraitin yaradılmasından ibarətdir. Təkrar bazarın funksı pərakəndə
alqı-satqı səviyyəsində satıcı və alıcıların görüşdürülməsi (ilkin yerləşdirmə zamanı
bu proses topdansatış səviyyədə baş verir) və müəyyən qiymət səviyyəsində tələb və
təklifin tarazlaşdırılmasından ibarətdir. Bu bazarın əsas vəzifəsi kapitalın ən səmərəli
Dostları ilə paylaş: |