13
istehsal sahələrinin xeyirinə yenidən bölüşdürülməsi və təsərrüfat subyektlərinin
inkişafı məqsədlərindən ötrü investisiyaların cəlb olunmasıdır. İkinci bazarı daxilində
aşağıdakı 4 səviyyəni fərqləndirirlər:
birinci səviyyə fond birjasıdır. Burada birjada qeydiyyatdan keçmiş və
qiymətləndirilməyə buraxılmış qiymətli kağızlarla ədqlər baş verir;
ikinci səviyyə birjada qeydiyyatdan keçməmiş qiymətli kağızlarla
əməliyyatların keçirildiyi birjadankənar bazardır;
üçüncü səviyyə vasitəçilərin vasitəsilə və yüksək rüsumlar təyin etmiş fond
birjalarını ötərək qeydyyatdan keçirilmiş qiymətli kağızların alqı-satqısı baş verən
birjadankənar bazardır;
dördüncü səviyyə ticarətin vasitəçiləri birləşdirən komputer şəbəkələri
vasitəsilə keçirildiyi komputerləşdirilmiş bazardır. Belə sistemin köməkliyi ilə
investor komisyon ödəmələrdə böyük qənaət əldə edir və fond bazarının qeyri-
sabitliyə düçar olması riski azalır.
b)
Mütəşəkkil və qeyri-mütəşəkkil bazar. Qiymətli kağızların mütəşəkkil
bazarında qiymətli kağızlar bazar iştirakçıları arasında, onların zəmanəti ilə digər
bazar iştirakçıları – lisenziyaya malik peşəkar vasitəçilər tərəfindən sərt qaydalar
əsasında dövriyyə edir. Qeyri-mütəşəkkil bazarlarda isə qiymətli kağızların
dövriyyəsi zamanı bazar iştirakçılarının vahid qəbul edilmiş qaydalara riayət
etməsinə heç bir tələb qoyulmur.
Sxem №1.3. Qiymətli kağızlarla ticarətin təşkili üsuluna görəbazrın tərkibi
quruluşu.
Qiymətli kağızlar bazarı
Kassa
Təkrar
Müddətli
Birjadankənar
Qeyri-mütəşəkkil
Komputerləşdirilmiş
İlkin
Ənənəvi
Birja
Mütəşəkkil
14
c)
Birja və birjadankənar bazar. Birja bazarı mütəşəkkil fond birjalarında
yalnız bütün bazar iştirakçıları arasından ciddi surətdə seçilmiş birja vasitəçiləri
arasında birja qaydalarına riayət etmək şərti ilə, birjadankənar bazar isə fond
birjasından kənarda qiymətli kağızların ticarətini təşkil edir.
d)
Ənənəvi və komputerləşdirilmiş bazar. Ənənəvi qiymətli kağızlar bazarı
adından göründüyü kimi əməliyyatların ənənəvi qaydada həyata keçirildiyi
bazardır.Komputerləşdirilmiş bazarda ticarət fond üzvlərini birləşdirən vahid
komputer şəbəkəsi vasitəsilə aparılır. Yeni komputerləşdirilmiş bazarlar ərazicə
bölüşdürülmüş elektron birjaları kimi çıxış edir.Belə bazarların daxilində
birjadankənar ticarət təkcə ənənəvi olaraqtelefonla deyil, xüsusi komputer sistemləri
vasitəsilə aparıla bilər. Bu cür sistemlərin ən iri miqyaslısı 1971-ci ildən ABŞ-da
tətbiq olunan Milli Qiymətli Kağız Dilerləri Assosiasiyasının avtomatlaşdırılmış
qiymətləndirmə sistemidir (NASDAQ). Bu, bütün ölkə ərazisini əhatə edən, özünün
abonentlərinə çoxsaylı terminal vasitəsilə bilavasitə iş yerindən qiymətli kağızlarla
əqdlər bağlamaq imkanı verən mürəkkəb və geniş elektron şəbəkədir. Bundan əlavə
artıq birjadankənar bazar daxilində iri miqyaslı əməliyyatların komputer sistemi
vasitəsilə, birbaşa – heç bir vasitəçi olmadan həyata keçirildiyi bazar formalaşmışdır.
Bunlara misal olaraq İNSTİNET, POSİT və Crossing Network kimi elektron
qiymətli kağızlar ticarət sistemlərini misal göstərmək olar.
e)
Kassa və müddətli. Kassa qiymətli kağızlar bazrında əqdlər 1-2 iş günü
ərzində icra olunur, yaxud sifarişçi üçün qiymətli kağızların dərhal alqı-satqısı tələb
olunduqda, o, bu bazardan istifadə edir.Yerinə yetirilmə müddəti 2 gündən çox olan
əqdlər isə qiymətli kağızların müddətli bazarında həyata keçirilir.Adətən bu 3 ayadək
olan dövrü əhatə edir. Bu bazarda əməliyyatlar üzrə hesablaşmalar ya ayın ortasında
(per-medio), ya da ayın sonunda (per-ultimo) həyata keçirilir.
15
1.2. Qiymətli kağızlar bazarının iştirakçıları.
Azərbaycan Respublikasının 1iyun 2000–ci il tarixli Mülki Məcəlləsinə görə
(maddə 992-1.2.) qiymətli kağızlar bazarının iştirakçıları qiymətli kağızların
emissiyasında, tədavülündə, ödənilməsində, sahibliyində, saxlanılmasında, qiymətli
kağızlarla əməliyyatların aparılmasında subyekt və ya tərəf kim çıxış edən şəxslər,
habelə qiymətlikağızlar bazarının tənzimlənməsini həyata keçirən dövlət və qeyri-
kommersiya təşkilatları olan qiymətli kağızlar bazarının iştirakçılarının özünü
tənzimləyən təşkilatlarıdır. Fond bazarının peşəkar iştirakçıları qanunvericilik
əsasında qiymətli kağızlar bazarında xüsusi razılıq əsasında fəaliyyət göstərən
şəxslərdir.
Fond bazarının iştirakçılarının (alıcı, satıcı və vasitəçilər) tərkibi aşağıdakı
kimidir:
emitentlər;
investorlar;
brokerlər, dilerlər;
qiymətli kağızların uçotu, saxlanması, və onlarla əməliyyatlara görə
hesablaşmalar üzrə ixtisaslaşan təşkilatlar;
qiymətli kağızlar bazarını tənzimləyən dövlət orqanları;
özünütənzimləmə təşlikatları (investisiya təsisatlarının assosasiya və
birlikləri).
“Qiymətli kağızlar haqqında” Qanunda ( 14 iyul 1998–ci il) göstərildiyi kimi
emitent qiymətli kağızların sahibi qarşısında onlarda təsbit edilmiş hüquqların həyata
keçirilməsi üzrə öz adından öhdəliklər daşıyan hüquqi şəxs, icra hakimiyyəti orqanı
və ya bələdiyyə orqanlarıdır.Yəni bu qismdə müxtəlif hüquqi şəxslər çıxış edə
bilərlər.
Bir qayda olaraq emitentlər qiymətli kağızların ilkin bazarının
iştirakçılarıdırlar. Fond bazarında emitenti onun buraxdığı qiymətli kağızların
investisiya keyfiyyətlərinə görə qiymətləndirirlər. Emitentlər içərisində liderliyi
həmişə dövlət saxlayır. Çünki dövlətin emissiya etdiyi qiymətli kağızların riski sıfıra