25
birjanın inkişaf strategiyasının işlənib hazırlanması;
birjadaxili nomativ sənədlərin qəbul edilməsi və dəyişdirilməsi;
seçilmiş orqanların fomalaşdırılması;
birja fəaliyyətinə xitam verilməsinə dair qərarın qəbul edilməsi və s.
Ümumi Yığıncaq ildə bir dəfə çağrıldığından, birjanın operativ idarə edilməsi
üçün Birja Şurası yaradılır. O, Ümumi Yığıcağın səlahiyyətlərinə daxil olan
məsələlərdən başqa birjanın cari fəaliyyətinə nəzarət edərək qarşıya çıxan məsələləri
həll edir. Bu məsələlərə aşağıdakılar aiddir:
idarəetmə hesabatlarına baxılması və qiymətləndirilməsi;
birjadakı ticarət qaydalarına dəyişikliklərin edilməsi;
bütün ödənişlərin həcminin müəyyənləşdirilməsi;
birjaya yeni üzvlərin qəbulu və ya çıxarılması haqqında qərarın qəbul
olunması;
birja ticarətinə rəhbərlik etmək və s.
Birjanın idarəedici orqanı İdarə Heyəti və ya Direktorlar Şurasıdır. İdarə Heyəti
birjanın baş vəzifəli şəxi olan birja prezidentini təyin edir.
Ümumilikdə birjanın daxili quruluşu bu orqanları əhatə edə bilər:
qiymətləndirmə komissiyası; hesablaşma palatası; qeydiyyat komissiyası;
informasiya-analitik xidməti; xarici əlaqələr şöbəsi; konsaltinq şöbəsi; texniki təminat
şöbəsi; inzibati-təsərrüfat şöbəsi; arbitraj komissijası.
Birjanın üzvləri kimi onun nizamnamə kapitalının formalaşmasında iştirak
edən, üzvlük haqqı ödəyən, birja əmlakında payçı kimi iştirak edən və birjanın
əsasnaməsi və qaydaları ilə müəyyənləşən şəxslər çıxış edə bilər. Birja üzvləri iki
qrupa bölünür: a) əqdləri öz və ya müştərinin hesabına həyata keçirənlər; b) əqdləri
yalnız öz hesabına həyata keçirənlər. Üzvlərin sayı nizamnamə kapitalının
həcmindən, bir səhmin nominal dəyərindən və bir üzvün sahib ola biləcəyi səhmlərin
sayından asılıdır. Birja öz üzvlərinə aşağıdakı üstünkükləri verir:
birjanın ümumu yığıncağında və idarə edilməsində işiştirak etmək;
idarəetmə və nəzarət orqanını seçmək və seçilmək;
26
birjanın əmlakından, informasiyasından və orada göstərilən xidmətlərdən
istifadə etmək, birja zalında vasitəçi kimi ticarət etmək.
Fond birjasında mühüm yeri “tiker” adlanan elektron tablo tutur. Tablo fond
birjasının məcburi atributlarındandır. Tabloda birjada gün ərzində bağlanmış hər bir
əqdin həcmi və qiyməti, emitent şirkətlərin adları və onların səhmlərinin
məzənnələrinin dəyişməsi göstərilir. İri şirkətlərin səhmləri üçün 5 məzənnə
göstərilir: 1) Açılış məzənnəsi; 2)Gün ərzində minimal məzənnə; 3)Gün ərzində
maksimal məzənnə; 3)Cari məzənnə; 4)Vahid məzənnə.
Respublikamızda yeganə fond birjası 2000-ci ildə təsis edilmiş Bakı Fond
Birjasıdır (BFB). BFB haqqında III fəsildə daha geniş məlumat verilmişdir.
Dünya səviyyəsində tanınmış fond birjaları isə maliyyə bazarının təxminən
90%-nin cəmləşdiyi ABŞ, Avropa və Yaponiya regionlarının birjalarıdır. Hazırda
dünyanın ən böyük fond birjası 1792-ci ildə yaradılmış Nyu-York fond birjasıdır. Bu
birja qeyri-kommersiya korporasiyası şəklində fəaliyyət göstərir. Birjanı 24-ü seçilən
olmaqla ilə 27 nəfərdən ibarət Direktorlar Şurası idarə edir. Bu birjanın üzvləri yalnız
fiziki şəxslər ola bilərlər. Hazırda birjanın 1366 üzvü var. Bundan əlavə birjada
listinqində qeyd olunmuş 2800 şirkət (onlardan 450-si 53 xarici ölkənin şirkətləridir),
400 broker firması, 12min-ə yaxın korporativ investor, 52mln. fərdi investor fəaliyyət
göstərir. Təkcə onu qeyd etmək lazımdır ki, 80mln. amerikalının gəliri NFB-da
səhmlərə yatırılan dividendlərdən formalaşır. 2014-cü ildə səhmlərin ilkin
yerləşdirilməsi əməliyyatlarının həcmi 52mlrd. dollar, 2014-cü ilin iyulunda birjanın
kapitallaşdırma məbləği 20,692 trln. dollar təşkil etmişdir.
Digər iri fond birjası 1773-cü ildə yaradılmış London birjasıdır. Ticarətinin
həcminə görə bu birja Nyu-York və Tokio birjaları ilə rəqabət aparır. Bu birjada
əqdlərin 75-85%-i birjanın avtomatlaşdırılmış qiymətləndirmə sistemi (Stock
Exchange Quatation-SEAQ) daxilində baş verir. Bu sistemdə satılmaq üçün qiymətli
kağızın ən azı 2 marketmeykeri olmalıdır. Marketmetker-iş günü ərzində aktivlərin
qiymətlərini təyin etməli, birja tərəfindən son 12 ay ərzindəki dövriyyədən asılı
olaraq hər bir səhm üzrə təyin etdiyi həcmdə alqı-satqı əməliyyatlarını keçirməli olan
27
investisiya təsisatıdır. Nyu-York fond birjasından fərqli olaraq bu birjanın üzvləri
hüquqi şəxslər də ola bilər. Onun üzvlərinin sayı 5000-dən çoxdur. Listinqində 2500
şirkət vardır ki, bunların da 2000-dən çoxu yerli şirkətlərdir. Lakin birja
dövriyyəsinin 40%-i xarici emitentlərin səhmlərinin payına düşür. 2015-ci ildə
səhmlərin ilkin yerləşdirilməsi üzrə əməliyyatların həcmi 46 mlrd. dollar təşkil
etmişdir. İyul ayında birjanın kapitallaşdırma məbləği 4,023trln. dollar olmuşdur.
Avropanın digər iri fond birjası Frankfurt birjasıdır. Birja 1993-cü ildən qeyri-
kommersiya şirkəti kimi fəaliyyət göstərməyə başlamışdır. Birja ölkə üzrə səhm və
istiqraz dövriyyəsinin 75%-ni özündə cəmləşdirir. 2015-ci ildə onun ticarət
dövriyyəsi 1,915trln, həmin ilin iyulunda kapitallaşdırma məbləği 1,973trln dollar
olmuşdur.
1878-ci ildə təsis edilmiş Tokio fond birjası dünya üzrə fond birjaları
siyahısında ilk üç yerdən birini tutur. Bu birja əsas göstəricilərinə görə yalnız Nyu-
York və London fond birjaları ilə müqayisə edilə bilər. Yaponiyada birja
dövriyyəsinin 80%-i bu birjanın payına düşür. Birjada 1517 səhmdar cəmiyyəti iştirak
edir. Listinqində 2500 şirkət qeydiyyatdan keçmişdir. İdarəetmə səlahiyyətlərinə
malik üzvlərinin sayı isə 124-dür. Onlardan 123-ü daimi üzvlər, 1-i isə birjada öz
əməkdaşları ilə təmsil olunan saytorilərdir. Daimi üzvlər broker-diler əməliyyatları
keçirir, satrorilər isə daimi üzvlər arasında vasitəçilik funksiyalarını həyata keçirirlər.
Onlara öz hesablarına əməliyyat keçirmək qadağandır. Birjanın kapitallaşdırma
məbləği 4,679trln. dollardır.