34
əqdi üzrə bütün hesablaşmalara birja və birjaya xidmət göstərən hesablaşma orqanı
tərəfindən zəmanə verilir; forvard əqdi fond bazarının istənilən ilkin aktivləri üzrə
bağlanılır, fyüçers əqdinin əsasını isə elə məhdud sayda ilkin aktivlər təşkil edir ki,
onlar üçün qiymət dəyişmələri əvvəlcədən gözlənilməz olsun.
Opsion iki şəxs arasında bağlanan əqdə müvafiq olaraq bir tərəfin digər tərəfə
qiyməti müəyyən edilmiş qiymətli kağızı müəyyən edilmiş vaxt ərzində almaq və ya
satmaq hüququ verən əqddir. Alıcı (satıcı) bu opsionu əldə etmək üçün satıcıya
(alıcıya) müəyyən məbləğ ödəyir. Alış hüququ verən opsion “opsion call”, satış
hüququ verən isə “opsion put” adlanır. Opsion sahibinin öz hüququndan istifadə
etməsi qiymətli kağızların kursundakı dəyişikliklərdən asılıdır. Məsələn, alıcı “A”
şirkətinin 100 ədəd səhmini 45man.lıq məzənnə ilə almaq hüququ verən opsion əldə
edib. Onun müddəti 3 aydır. Alıcı opsionu əldə etmək üçün satıcıya hər səhmə 3man.
ödəyib. Əgər əqdin icrası zamanı səhmin kursu 50man. olubsa, opsion sahibi öz
hüququndan istifadə edəcək və bu səhmləri 45man. ilə satıcıdan alacaq. Sonra o,
səhmləri 50man.lıq kursla satmaqla hər səhmə 2man. gəlir əldə edəcək: 50-
(45+3)=2man.
Müddətli əməliyyatlar üzrə əqdlər qəti, şərtli və uzadılmış növlərə bölünür.
Qəti əqdlərin iştirakçıları qiymətli kağızların müəyyən edilmiş müddətdə çatdırılması
(satıcının öhdəliyi) və alqısı (alıcının öhdəliyi) üzrə öhdəliklər götürülür və şərtlər
dəyişdirilə bilməz. Şərtli əqdlər zamanı iştirakçılardan biri digərinə müəyyən
mükafat ödəməklə öz öhdəliklərindən imtina etmək hüququna malikdir. Şərtləri hansı
iştirakçının və necə dəyişmək hüququna malik olmasından asılı olaraq şərtli əqdlərin
ilkin və əks mükafatlı, stellaj və tam bölünən növləri fərqləndirilir. Bunlardan ən
geniş yayılmışı stellajdır. Bu əqd zamanı kimin satıcı, kimin alıcı olacağı məlum
deyil. İştirakçılardan biri digərinə müəyyən olunmuş məbləğdə pul vəsaiti (mükafat)
ödəməklə opsion əldə edir. Bu adi opsionlardan fərqli olaraq öz sahibinə müəyyən
olunmuş miqdarda müəyyən edilmiş qiymətli kağızı təyin edilmiş yüksək kursla
almaq, yaxud aşağı kursla satmaq hüququ verir. Məsələn, iştirakçılardan biri ona “A”
şirkətinin səhmlərinin bir vahidini 90man.a almaq, yaxud 70man.a satmaq hüququnu
35
verən stellaj opsionu əldə edir. Bu kurslar arasındakı fərq – 20man. isə opsiona görə
ödənişin(müküfatın) ölçüsünü müəyyən edir. Bu ödəniş hər səhmə görə 20man-dır.
Opsionu əldə edən şəxs bu şirkətin səhmlərinin kursundakı dəyişiklikləri müşahidə
edəcək. Burada 70man. və 90man. “stellaj nöqtələri” adlanır. Əgər “A” şirkətinin
səhmlərinin kursu bu nöqtələr arasında tərəddüd edəcəksə, opsion sahibi hər səhmə
görə 20man. zərər görəcək. Əgər səhmin kursu 70man-dan aşağı və ya 90man-dan
yuxarı olarsa opsion sahibi səhm satmaq və ya almaq hüququndan istifadə edəcək.
Əgər səhmin bazar kursu 50man. olarsa opsion sahibi səhmləri 70man. qiymətlə digər
iştirakçıya (opsion satıcısına) satmaqla opsion almaq üçün çəkdiyi xərci konpensasiya
etmiş olacaq. Bazar kursunun 40man.a düşdüyü halda isə o, hər səhmə görə 10man.
mənfəət əldə etmiş olacaq. Digər halda kurs 110 man. olarsa opsion sahibi səhmləri
sahibindən almaqla öz xərcini ödəmiş olar. Kurs 100man-dan yuxarı olarsa mənfəət
əldə edəcəkdir.
İlkin mükafatlı əqdlərə məzənnənin qalxmasına ümid edən, lakin buna şübhə
ilə yanaşan və böyük itkilərdən ehtiyat edən alıcı müraciət edir. Məsələn, əgər alıcı
2%-li ilkin mükafat şərtilə ödəməni 15 iyunda etməklə 1 iyunda 300man.a səhm əldə
edirsə, 15 iyunda isə məzənnə 292man.a enirsə, onda alıcıya məzənnədə 8man.
itirməkdənsə, 6man. həcmində (300x2%) mükafat ödəmək daha sərfəlidir.
Əks mükafatlı əqdlər ilkin mükafatlı əqdlərlə eynidir, lakin imtina hüququ
satıcıya məxsusdsur. Əgər 15 iyunda səhmin məzənnəsi 308man. olarsa, satıcıya hər
bir səhmə görə 6man. mükafat ödəmək məzənnədə 8man. itirməkdən daha sərfəlidir.
Tam bölünən əqdlər alıcıya və satıcıya qiymətli kağızların yam bölünən
həcmlərdə satılmasını yaxud alınmasını tələb etmək hüququ verir. Müəyyən edilmiş
məzənnənin qalxması alıcıya, düşməsi isə satıcıya sərf edir.
Uzadılmış əqdlər ondan ibarətdir ki, qiymətli kağızın alıcısı və ya satıcısı
məzənnənin dəyişməsindən asılı olaraq əməliyyatı uzada, yaxud son hesablamanı
təxirə sala bilər. O, itkiləri örtməyə imkan verən məzənnə dəyişikliyinə ümid edir.
Klirinq fəaliyyəti qiymətli kağızlarla əqdlər üzrə qarşılıqlı öhdəliklərin
müəyyən edilməsi (məlumatların toplanması, yoxlanması, üzləşdirilməsi, mühasibat
36
sənədlərinin hazırlanması), hesablaşmaların aparılması və öhdəliklərin qarşılıqlı
icrasının təmin edilməsi üzrə peşəkar fəaliyyətdir. Klirinq əməliyyatlarının əsas
vəzifəsi əqd iştirakçılarının qiymətli kağızların təqdim edilməsi və qarşılıqlı
hesablaşmalar üzrə öhdəliklərinin icrasıdır. Bu əməliyyat göstərilən mərhələli
ardıcıllıqla aparılır: əqdin birjada qeydiyyatı; bütün tərəflərin əqdi təsdiq etməsi;
qiymətli kağız və pulun müştərilərdən brokerlərə verilməsi;qiymətli kağız və pulun
brokerlərdən birjanın hesablaşma palatasına verilməsi;qiymətli kağöızların teni
sahibinin adına qeyd olunması üçün hesablaşma palatasından depozitariya mərkəzinə
verilməsi; qiymətli kağızların depozitariyada yeni sahibin adına qeydiyyatı; yeni
qiymətli kağızların birjanın hesablaşma palatasına qaytarılması;qiymətli kağız və
pulun hesablaşma palatasından uyğun brokerlərə verilməsi; qiymətli kağız və pulun
brokerlər tərəfindən yeni sahiblərə verilməsi.
Birjada möhtəkirlik əməliyyatları da həyata keçirilir ki, bunun da report və
deport növləri məlumdur. Bu əməliyyatlar bilavasitə banklarla əlaqəli olur. Beləki,
report aktivin satış gününün məzənnəsi ilə onun müəyyən müddətdən sonra yuxarı
məzənnə ilə geri alınması şərti ilə banka satılması, deport isə əqdləri müəyyən
müddətdən sonra aşağı məzənnə ilə geri satılması şərti ilə aktivin cari məzənnə ilə
alınmasıdır.
Birja əməliyyatlarının digər növü qiymətli kağızların arbitrajıdır . Arbitrajın
mahiyyəti ucuz alıb, baha satmaqdır.
Birjadankənar bazarın inkişaf etmiş forması olan komputerləşdirilmiş bazarda
da yuxarıda göstərilən əməliyyatlar komputer sistemi vasitəsilə həyata keçirilir.
Komputer monitorlarında bütün alqı və satqı qiymətləri ticarət iştirakçılarının adları
ilə birlikdə əks olunur. Alqı-satqı sifarişləri informasiya daxil olduqca yerinə yetirilir.
2.2. Qiymətli kağızlar bazarının tənzimlənməsi.
Qiymətli kağızlar bazarının tənzimlənməsi bazarın idarə olunmasının əsas
tərkib elementidir. Bazarın tənzimlənməsi daxili və xarici olmaqla iki istiqamətdə
yerinə yetirilir. Daxili tənzimlənmə qiymətli kağızlar bazarının hər hansı bir sahəsinin
Dostları ilə paylaş: |