apar yerinə qoy!”. Kişi bu sözləri deyən kimi bədheybət qadın yox olur.
Kişi arxa su ayırıb evə qayıtdıqda, qonşuda səs-küy eşidir. Qarşısına
çıxan arvadından qonşudakı səs-küyün səbəbini öyrənir ki, bu gün səhər
gəlin uşaq üstə ölübmüş, bir az əvvəl isə dirilib və indi hamı möcüzəyə
sevinir. Kişi bu xəbəri eşidəndə başa düşür ki, “hal ana”sının əlindəki
ürək və ciyər qonşunun gəlinin imiş və “hal anası” belin parıldayan
metal tiyəsini gördüyünə görə kişidən qorxub əmrini yerinə yetirmişdir.
“Hal anası” Azərbaycanın müxtəlif bölgələrində “al nası”,
“alarvadı” və sadəcə “hal” adı ilə məlum olmuşdur. Maraqlıdır ki, helə
eramzdan əvvəl IV minilliyin sonu-III minilliyin əvvəllərində
Azərbaycan xalqının ən qədim əcdadlarında sayılan sümərlər də yeraltı
dünyanı məlakələrini (cinləri) “hal” adlandırır və onları bədheybət
qadın şəklində təsəvvür edirdilər. [70]
“Hal anası” nın mövcudluğuna inanan adamalar doğuş zamanı
zahı qadın ondan qorumaq üçün müxtəlif vasitələrə əl atırdılar: zahını
yaxasına sancaq taxır, döşəyinin altına xəncər, balta, şiş və sş metal
şeylər qoyurdular. Çətin doğuş zamanı qadın huşunu itirəndə elə hesab
edirdilər ki, bu tədbirlər kömək etmir və “hal” xəstəni aparır. Ona görə
də axar suyunun yanına parır, suyu xəncərlə “kəsirdilər”. Huşunu
itirmiş qadın özünə gəldikdə elə hesab edirdilər ki, onlar “hal
anası”ndan qabaq suya çatmış və ona pis əməlini icra etməyə imkan
veməmişlər. Əksinə, çətin doğuş anı qadın öləndə, elə hesab edirdilər ki,
“hal anası” onlardan əvvəl gələrək adınnı ürək və cirəyini suya salıb
yumuşdur.
Ailənin əhval-ruhiyyəsinə dünyaya təzə gəlmiş körpənin oğlan
və qız olması da təsir edirdi. Hər bir ailədə oğlan uşağının daha çox
arzu olunması gəlin gətiriləndə onun belinin bağlanması zamanı deyilən
arzulamada və gəlinin ər evinə girən kimi qucağına oğlan uşağını
verilməsi adətində də öz təcəssümünü tapmışdır. Oğlan uşağının
doğulması ailədə böyük evinclə qarşılanırdı. Oğlan uşağının doğulması
xəbərini atasına və babasına çatdıran adama muştuluq verilirdi. Qız
uşağının doğulması ailədə bir qədər laqeydliklə qarşılanırdı. Oğlan
olmayan və yalnız qız uşağı ola şəxs özünü bədbəxt hesab edirdi.
Adətən, ailələrdə qız uşağı dalbadal doğulanda körpələrə Qızbəs,
Qızayıt, Qızyetər, Bəstiqız, Bəsti və b. adlar qoyulurdu. Böyük şair
S.Vurğun “Bəsti” poemasında xalqın bu adəti çox gözəl poetik
ifadəsini tapmışdır:
“Anan səni doğanda adına “Bəsti”, -dedi,
“Əllərini bir fələk oğuldan kəsdi”, -dedi.
Beləydi qayda bizdə...Qız doğanda analar
Baxıb qara geyərdi su üstündə sonalar;
Yazıq qadın utanıb, qızarardı ərindən,
Min bir varaq qopardı könlünün dəftərindən”. [71]
Qeyd etmək lazımdır ki, oğlan və ya qız olmasından asıl
olmayaraq, Azərbaycan ailəsində yeni körpənni dünyaya gəlməsi
şənlikə qarşlanır və uşaqlara xüsusi qayğı göstərilərdi. Hələ uşağın
anadan olması ərəfəsində ailədə xüsusi hazırlıq görülür paltar tikilir,
yorğan-döşək hazırlanır, nənni düzəldilir və beşik alınırdı. Xan, bəy və
əsilzadə ailələrdə sifarişlə sənətkarlar tərfindən çox nəfis beşiklər də
hazırlanmışdır. XVIII əsr Şəki xanı Məhəmməd Həzən xanın beşiyi bu
cəhətdən maraqlıdır.
Uşaq anadan olduqdan sonra mamaça qadın onun göbəyini
kəsib bağlayar və bir neçə dəqiqə başı aşağı saxlayardı ki, nəfəs yolları
açılsın, uşaq nəfəs ala bilsin. Sonra körpəni çimdirər, mövlud qüsulu
verər və qundağa bələyərdi. Körpəyə 10 saatadək yeməyə heç bir şey
verməzdilər. Sonra isə çağanın anası döşünü südünü öncə sağıb kənara
atar və sonradan gələn südü çağaya verərdi.
Körpəni qundaqda anasının yanına salınmış yerə qoyardılar.
Vaxtaşırı bələyi açıb qundağı təzələyərdilər. Körpəni 7-10 gündən sonra
şərq bölgələrində beşiyə, qərb bölgələrində isə nənniyə qoyardılar. Isti
yay günlərində ölkənin şərq bölgələrində də körpə nənniyə qoyulardı.
Beşik ağacdan düzəldilirdi. Onun alt hissəsinə saxsı sibinc
qoymaq üçün deşiyi olurdu. Beşiyə ortasında yarığı olan döşəkçə
salınırdı. Onu üstünə isə ortasında kiçik yarığı olan ağ parça salınırdı.
Həmin deşiyə qoyulmuş lüləy (düdük) vasitəsilə körpənin sidiyi sibincə
axırdı.
Doğuşdan sonra zahıya üç gün səhər quymaq bişirib verərdilər
ki, qarnı sağalsın. Dördüncü gün zahının qarnını çəkib bağlayardılar.
Zahını qırxı çıxmayınca gecələr evdən bayıra tək çıxmağa qoymazdılar
onun yanında bir kişi və ya oğlan uşağı olmalı idi. Bu qırx gün ərzində
istər ana, istərsə də körpə başqasının çilləyə sala bildikəri kimi özləri
də çilləyə düşə bilərdi. Körpə olan otağa, ailə üzvlərindən başqa, ilk
dəfə gələn olanda əvvəlcə körpəni otaqdan çıxarar gələn adam içəri
keçdikdən sonra körpəni onun “üstünə” gətirərdilər, ya da körpəni
qapnın ağzından yuxarı qaldırar, gələn adam onun altından keçib otağa
daxil ola bilərdi. Qırxı çıxmamış zahı qadını evdə ağır işlər görməyə
qoymazdılar. Qırx gün müddətidə “natəmiz” hesab edildiklərindən
onlara hətta xəmir yoğurmağa, çörək bişirməyə və inək sağmağa da
icazə verilmirdi.
Körpə beşikdə və ya nənnidə yatarkən anası ona laylalar
oxuyurdu. Ananın taleyini, dərd-sərini, sevincini, kədərini və arzularını
əks etdirən həmin beşik və nənni laylaları ilə körpənin tərbiyəsinin
təməli qoyulardı.
Azərbaycan ailəsində körpəyə ad qoyulması da bir şənlik
olmuşdur. Adqoyma mərasimi bəzi bölgələrdə uşağın anadan olmasını
yeddinci günü, bəzi bölgələrdə isə onuncu günü keçirilərdi. Ailədə
qonaqlıq üçün xörək tədarükü gorülür və qohum-qonşular dəvət
olunurdu. Öncə körpənin sağ qulağına “azan”, sol qulağına isə “iqamə”
oxuyar, sonra ad qoyardılar. Körpə üçün adətən məqəddəs “Quran”dan
adlar seçilirdi. Körpəyə peyğəmbələrin, xəlifələrin, imamların və
onların övladlarını adları ilə bərabər uşağın babasının və nənəsinin adı
da qoyulurdu. Azərbaycan ailəsində uşağa islam dini ilə bağlı ərəb
mənşəli adlarla yanaşı, müəyyən mənası olan türk və İran mənşəli
dünyəvi adlar da qoyulurdu. Oğlanlar üçün belə adlar igidliyi, mərdliyi,
şücaiəti, qorxmazlığı, müdrikliyi, aqilliyi, ədalətliyi əks etdirirdi. Qızlar
üçün isə adətən səadət, sədaqət, nəciblik, xoşbəxtlik və səma
cismlərinin və gözəllik nümunələri hesab edilən gül, çiçək, heyvan və
quş adlarını bildirən zərif adlar seçilərdi.
Azərbaycan ailəsində uşağı 6 ayından sonra yeməyə
öyrədərdilər. Uşaq birinci dişini çıxardanda ailədə hamı sevinər və
hədik bişirib qonum-qonşuya paylayardılar. Körpənin bir yaşı tamam
Dostları ilə paylaş: |