Dünya iqtisadiyyatının tarixi
460
ertələnməsinə, yəni “mənasızlaşmasına” və anlaşılmaz abstraksiyaların
dominant mövqelərə keçməsinə səbəb olur. Beləliklə, planetar bütövü,
tamı olduğu kimi görmək, müşahidə etmək imkanlarını əhəmiyyətli
dərəcədə məhdudlaşdırır. Yəni, bizim bir ölkə kimi milli mənafelərimizə
birbaşa təsir göstərmək iqtidarında olan qlobal TAMın real mahiyyəti və
məzmununu deyil, yalnız bəzi xassələrinin aşkarlanması imkanını əldə
edirik. Başqa sözlə, qlobal iqtisadi inkişaf strategiyasını formalaşdıranlar
həm bu mərhələdə, həm də strategiyanın tətbiqi dövründə gerçəkliyə
adekvat olmayan, həqiqətə bənzər yanılmalardan “yoğrulmuş”
“nağıllarla” dünyanı yola verməyə çalışırlar. Məhz elə bu prizmadan
pulun virtuallaşması aktual reallıq məzmunu kəsb edir və real pul
münasibətlərinin doğurduğu neqativlərin nəinki əhatə dövrəsini ifrat
dərəcədə genişləndirir – qloballaşdırır, həmçinin həmin fəsadlara
“təbiilik” görüntüsü verir. Çox maraqlı bir paradoks alınır: real
olmayan ş
ey tamamilə
real mə
zmunlu fə
sad doğ
urur. Reallığın
sərhədlərini müəyyənləşdirmək, onun haradan başlanıb harada
qurtardığını, prosesin hansı mərhələsində (yaxud, nöqtəsində) pulun adi
“kağıza” çevrildiyini, yəni virtuallaşdığını birmənalı olaraq barmaqla
göstərmək mümkün deyildir. Bir tərəfdən, əsas və törəmə maliyyə
bazarlarının öz aralarında, digər tərəfdən maliyyə bazarları ilə digər
bazarlar arasında birbaşa və əks-əlaqə o qədər sıxdır ki, qarşılıqlı keçidin
rəvanlığını adi gözlə müşahidə etmək olar.
Neoliberal modelin sərgilədiyi əlverişli şərait və virtuallaşma pul
sferasının fəaliyyət mexanizmini adekvat nəzəri interpretasiya ilə əhatə
etməyə imkan vermir. Formalaşan qlobal situasiyanın ifrat mürəkkəb
konstruksiyaya malikliyi elmi-tədqiqatları spontan qaydada təşəkkül
tapan abstrakt sxemlərdən ibarət təsvirçilik çərçivəsinə salır. Düzdür,
qeyd edilən təsvirçilik yaranmış yeni mahiyyətin ən ümumi konturları
aspektində izahına imkan versə də, hər hansı bir konkret məzmunlu son
nəticənin (öngörmə prizmasından) ortalığa qoyulmasını prinsipcə
mümkünsüzləşdirir.
Neoliberal model onsuz da maliyyə sferasını geniş təkrar istehsal
prosesindən ayırıb, əlahiddələşdiribdir. Qeyd edilən əlahiddələşmə öz-
özlüyündə böhrana aparan, makrosabitliyi birbaşa təhdid edən böyük bir
problemdir. Hələ bu azmış kimi, bir tərəfdən də maliyyə vəsaitlərinin
virtuallaşması sürətlə getməkdədir. Əslində, iqtisadi inkişafın daxili
məntiqindən çıxış etsək, “əlahiddələşən”, sistemdən ayrılaraq müstəqil
mahiyyət yaradan istənilən şey ya geriyə, çıxdığı yerə qayıtmalı, ya da
virtuallaşmalıdır. Üçüncü yol, sadəcə olaraq, yoxdur.
Dünya iqtisadiyyatının tarixi
461
Digər tərəfdən, virtual pulların ümummilli mənafelərə təsiri qeyri-
qanuni yollarla (narkotik, silah ticarəti və s.) əldə edilən və elə həmin
üsulla da iqtisadi dövriyyəyə qatılan pullar qədər təhlükəli və zərərlidir.
Bu mənada, qiymətli kağızlar bazarının inkişaf trayektoriyası qlobal
səviyyədə qərarlaşmış üsul və metodlardan fərqli formada həyata
keçirilməli, konkret məhdudiyyətlər sistemi (real situasiyanın dəyişmə
tezliyindən asılı olaraq) tətbiq olunmalıdır. Araşdırmalar göstərir ki, hər
hansı bir iqtisadi subyektin bazar kapitallaşması prosesinin konkret
nisbətlər formasında, yəni – ortaillik mənfəət, rentabellik dərəcəsi ilə
buraxılması nəzərdə tutulan səhmlərin (yaxud digər qiymətli kağızların)
məcmu dəyəri arasında düzgün,şişirdilməyən mütənasibliyin qurulması
formasında aparıla bilər. Eləcə də, törəmə maliyyə bazarlarının
formalaşmasında da analoji yanaşmadan yararlanmaq məqsədəuyğun
olardı.
Dünya iqtisadiyyatının tarixi
462
VII BÖLMƏ
SON SÖZ Ə
VƏ
Z
XVII fə
sil. Dünya iqtisadiyyatı perspektiv planda
§17.1. Dünya iqtisadiyyatının inkiş
af proqnozu
Dünya iqtisadiyyatının inkişaf təmayülləri istifadə edilən modelin
metodoloji xarakteristikasından asılı olaraq müxtəlif variantlarda
qiymətləndirilə bilər. Aydındır ki, dünya iqtisadiyyatı hansısa bir
əlahiddələşmiş, mütləq mahiyyət daşıyan konsept deyildir. O,
coğrafiyadan, ekologiyadan, sosial-etik münasibətlər sistemindən,
geosiyasi mühitin xarakteristikasından və s. funksional asılıqdadır. Eyni
zamanda, o da aydındır ki, qeyd edilən çoxluğun olduğu kimi tədqiqat
prosesinə cəlb edilməsi, ifrat konkretləşdirmə mövqeyindən çıxış
edilməsi, yəni elmi abstraksiyanın prosesdən sərf-nəzər edilməsi bugün
dövriyyədə olan metodoloji arsenalın kasadlığı ucbatından mümkünsüz
görünür. Buna görə də, qiymətləndirmənin ən geniş yayılmış forması
proses və hadisələrin dəyər terminlərindən yararlanmaqla – pul
ifadəsində
həyata
keçirilməsi
variantıdır.
Bu
aspektdən
qiymətləndirmənin əsas göstəriciləri kimi Qlobal Məcmu Məhsul, sənaye
istehsalı, dünya ticarəti, həyat səviyyəsi göstəriciləri, eləcə də digər
sosial-iqtisadi indikatorlar çıxış edirlər.
Dünya iqtisadiyyatının yeni düzənə keçidi ərəfəsindən (1997-ci il)
başlayaraq 2006-ci ilə qədər olan dövrdə Qlobal Məcmu Məhsulun
dinamik artımı baş vermiş və bu artımda əsas yeri əsasən inkşaf etmiş
ölkələr: ABŞ, Avropa ttifaqı və Yaponiya, qismən Çin titmuşlar (cədvəl
17.1).