153
14 Aprel - Azərbaycanın Milli Qəhrəmanı, Əməkdar jurnalist Alı
Mustafayevin anadan olmasının 65 illiyi, (1952-1991)
Alı Mustafa oğlu Mustafayev Qazax rayonunun Qazaxbəyli kəndində fəhlə
ailəsində doğulmuşdur. 1969-cu ildə kənd məktəbini bitirmiş, hərbi xidmətdə
olmuşdur. 1981-ci ildə Azərbaycan Dövlət Universitetinin jurnalistika
fakültəsini
bitirmişdir.
Ədəbi-bədii
yaradıcılığa
tələbəlik
illərindən
başlamışdır. Onun lirik şeirləri və publisist yazıları dövri mətbuatda müntəzəm
çap edilmişdir. Dolğun məzmunlu reportaj, oçerk və müsahibələrinə, ekrana
çıxardığı təsirli verilişlərinə görə bacarıqlı, operativ telejurnalist kimi tanınmışdır.
Alı Mustafayev ―Günün ekranı‖ proqramının aparıcı əməkdaşlarından biri idi.
1991-ci ilin 18-19 noyabrında erməni quldurlar Xocavəndin Qaradağlı kəndində
kütləvi qırğın törədəndə bu xəbəri eşidən Alı Mustafayev bütün gecəni yata
bilmədi. Səhəri iş yeri Azərbaycan Televiziyasına gəlib təcili Ağdama yola düşən
qrupa rəhbərliyi öz üzərinə götürdü. Yoldaşlarının səhhətindəki problemləri təkidlə
xatırlatması onu bu ağır səfərdən çəkindirə bilmədi. Noyabrın 20-də Ağdamdan
Azərbaycanın dövlət və hökumət rəsmilərini, yüksək rütbəli hərbçiləri Qaradağlıya
aparan hərbi vertolyota Alı Mustafayevin reportyor qrupu son anda özünü yetirdi.
Alı Mustafayev 1991-ci il 20 noyabrda Xocavənd rayonunun Qarakənd kəndinin
yaxınlığında, Ağdam rayonunun Mərzili kəndi ərazisində erməni hərbiləşdirilmiş
dəstələri tərəfindən vurulan Azərbaycanın hərbi helikopter hadisəsində həlak
olmuşdur. Hesablamalara görə, Qarakənd üzərində üç yüz metr yüksəklikdə
uçan Mİ-8 N72 helikopteri 1991-ci il noyabrın 20-də saat 14:42 dəqiqədə vurulub.
Alı Mustafayev Bakı şəhərində Şəhidlər xiyabanında dəfn edilmişdir.
Bakı şəhərinin Nərimanov rayonundakı 202 saylı orta məktəb və bir küçə Alı
Mustafayevin adınadır. Onun adını həm də 1992-ci ildən gəmi daşıyır. O, 1991-ci
il fəaliyyətinə görə "İlin ən yaxşı jurnalisti" mükafatına layiq görülüb. Ölümündən
sonra Alı Mustafayevə Azərbaycan Respublikasının Prezidentinin 6 noyabr 1992-
ci il tarixli 294 saylı fərmanı ilə Azərbaycanın Milli Qəhrəmanı fəxri adı verilib.
Kitabları:‖Dəli bir ağlamaq keçir könlümdən‖ (şeirlər) (1992)
İnternetdə:
www.az.wikipedia.orq
154
18 Aprel - Azərbaycanın Milli Qəhrəmanı İbrahimov Rasim Səxavət oğlunun
anadan olmasının 55 illiyi, (1962-1992)
İbrahimov Rasim Səxavət oğlu Bakı şəhəri Əzizbəyov rayonunun Çilov
adasında neftçi ailəsində anadan olmuşdur. 1969-cu ildə buradakı 131 saylı
məktəbin birinci sinfinə getmiş və səkkizinci sinfədək həmin məktəbdə təhsil
almışdır. 1977-ci ildə C.Naxçıvanski adına Hərbi Məktəbə daxil olan R.İsmayılov
1979-cu ildək burada oxuyub. 1983-cü ildə Almaniyaya hərbi xidmətə göndərilib.
1988-ci ildə Bakıya qayıdan R.İsmayılov 1992-ci ildə o Füzuli rayonunun cəsur
oğulları ilə birlikdə könüllü özünümüdafiə taboru yaradıb. Bu tabor Füzuli
rayonunun kəndlərini mərdliklə qoruyurdu. Onların taboru 1992-ci ilin 28
iyununda Tuğ kəndi uğrunda döyüşə girir. Onlarla erməni quldurunu məhv edən
döyüşçülər digər dəstənin gəlib çatmamasına görə mühasirəyə düşürlər. Cəsur
komandir R.İbrahimov döyüşçü dostlarını mühasirədən xilas edərkən özü
düşmənin mühasirəsinə düşür. Ermənilərə təslim olmayan R.İsmayılov
"Azərbaycan zabiti heç vaxt düşmənə təslim olmayacaq!",-deyərək özünü qumbara
ilə partladır. Bakı şəhərinin Şəhidlər xiyabanında dəfn edilmişdir. Ailəli idi, iki
övladı qalıb. Oğlu bu gün atasının yolunu davam etdirir. Çilov adasında abidəsi
ucaldılıb və orada qəhrəmanımızın adına bağ salınıb.
Azərbaycan Respublikası prezidentinin 16 sentyabr 1994-cü il tarixli 203 saylı
fərmanı ilə İbrahimov Rasim Səxavət oğlu ölümündən sonra "Azərbaycanın Milli
Qəhrəmanı" adına layiq görülüb.
Savaşlardan alnıaçıq çıxan zaman
Tarixlərə bağışladın neçə qurban.
Hər qonşuda bir parçası əsir qalan
Torpağına canım qurban , Azərbaycan !
Nəriman Həsənzadə
İnternetdə:
www.az.wikipedia.orq
155
18 Aprel - Azərbaycanın Milli Qəhrəmanı Mədətov Fariz Əlövsət oğlunun
anadan olmasının 45 illiyi, (1972)
Fariz
Mədətov Yevlax rayonunun Varvara kəndində
anadan olmuşdur. 1979-1989-cu illərdə burada orta təhsil
almışdır. 1990-1992-ci illərdə hərbi xidmətdə olmuşdur. O,
xidmətini başa vurub qayıtdığı zaman Qarabağ
müharibəsi artıq başlamışdı. Buna görə də Milli Ordu
sıralarına daxil olaraq döyüşlərə girir. İlk döyüşü Qubadlı
rayonunun Başarat kəndində olur. Sonra onu Füzuli
rayonuna göndərirlər. Yağlıvənd, Tuğ, Horadiz kəndlərində
qaynar döyüşlərə atılır. Fariz bu döyüşlərdə əsl qəhrəmanlıq göstərir. Daha sonra
Kəlbəcər və Goranboy rayonlarında düşmənə qarşı vuruşur. Fariz xeyli erməni
yaraqlısını şəxsən məhv edir. 1994-cü ildə Tərtər rayonunu ərazisində gedən
döyüşlərdə yaralanır. Müalicə olunan kimi yenidən döyüşçü paltarını geyinir.
Azərbaycan Respublikası Prezidentinin 4 aprel 1995-ci il tarixli 307 saylı fərmanı
ilə Mədətov Fariz Əlövsət oğlu "Azərbaycanın Milli Qəhrəmanı" adına layiq
görülmüşdür.
1996-cı il ordudan tərxis olunur və Yevlax rayon Polis İdarəsində çalışmağa
başlayır. Fariz 1998-2003-cü illərdə Polis Akademiyasında təhsil alıb. Hazırda
Yevlax rayon Polis İdarəsində işləyir. Evlidir.
Od ürəkli , od nəfəsli diyarımsan
Ocağına canım qurban , Azərbaycan !
Əzilsən də , əyilməyən vüqarımsan
Bu çağına canım qurban , Azərbaycan !
Savaşlardan alnıaçıq çıxan zaman
Tarixlərə bağışladın neçə qurban.
Hər qonşuda bir parçası əsir qalan
Torpağına canım qurban , Azərbaycan !
Nəriman Həsənzadə
İnternetdə:
www.az.wikipedia.orq