313
Cədvəldən göründüyü kimi bir sıra texnikalar spesifik xüsusiyyətlərinə əsasən
fərqlənmələrinə baxmayaraq, çox oxşardır. İkinci təsnifat daha çevikdir və təlim
məqsədlərinin nəzərə alınması şərti ilə müəllimin özü tərəfindən davam etdirilə bilər.
Müəllim qabaqcadan müəyyən etməlidir ki, o, hansı bacarıq, vərdiş, keyfiyyət və ya
kompetensiyaları inkişaf etdirmək istəyir və qarşısına qoyduğu təlim məqsədlərinə
uyğun texnikalar seçməlidir.
Z.Veysova müəllimlərin texnikaların seçimində istiqamətləndirilməsi məqsədi
ilə tərtib etdiyi ən çox istifadə olunan texnikaları əks etdirən “texnikaların
pasportunu”nun tərkib hissələrinə aşağıdakılar daxildir:
1. Məqsəd
2. Alqoritm və ya işin gedişi
3. Vaxt və iş forması daxil olmaqla şərtlər
4. Vasitələr
5. Yarana biləcək problemlər
Kimyanın tədrisində istifadəsi mümkün olan fəal təlim üsullarından (Beyin
həmləsi, BİBÖ, klaster (şaxələnmə), anlayışın çıxarılması, söz assosiyaları, müzakirə,
akvarium, Venn diaqramı, layihələrin hazırlanması və s.) bəziləri haqqında ətraflı
məlumat verək.
Beyin həmləsi və ya əqli hücum. Şagirdlərdə yeni mövzuya maraq oyatmaq,
habelə onların nəyi yaxşı, nəyi pis bildiklərini aydınlaşdırmaq məqsədilə bu üsuldan
istifadə olunur. Hazırlanmış sual lövhədə yazılır, yaxud şifahi şəkildə şagirdlərin
diqqətinə çatdırılır. Şagirdlər suallara əsasən fikirlərini bildirirlər. Bütün ideyalar
şərhsiz və müzakirəsiz yazıya alınır. Yalnız bundan sonra söylənilmiş ideyaların
müzakirəsi, şərhi və təsnifatı başlayır. Aparıcı ideyalar yekunlaşdırılır, şagirdlər
söylənmiş fikirləri təhlil edir, qiymətləndirir.
Əqli hücumu aşağıdakı kimi də həyata keçirmək olar:
şagirdlər nisbətən böyük qruplarda (8-10 nəfərlik) birləşdirilməli.
314
Bilirəm
İstəyirəm
bilim
Öyrəndim
qrupun lideri qoyulmuş problemə dair üzvlərinin söylədikləri ən sadə
ifadələri qeyd edirlər.
İrəli sürülmüş fərziyyələri ümumiləşdirmək və yeni nəticə çıxarmaq üçün ,
müəllim qruplara vaxt ayırır (10-15 dəqiqə).Verilmiş ideyaları müzakirə etmək, onları
inkişaf etdirmək və təqdim etmədə sistem yaratmaq üçün, müəllim qrupların
içərisində yarımqruplar ayrılır. Hər bir yarımqrup öz ideyalarını (bu təsvir, səhnəcik,
mahnı, rollu oyunlar və s. şəklində ola bilər) tam qrupun tərkib hissəsi kimi nümayiş
etdirir.
BİBÖ-(Bilirəm/İstəyirəm bilim/Öyrəndim.)
BİBÖ metodu şagirdlərin dərs boyu fəallığını təmin edir, birgə öyrənmənin
yüksək mərhələsini yaradır. Metodun birinci “Bilirəm” mərhələsində şagirdlərin
dünyagörüşü, onların müstəqil öyrənmə qabiliyyəti, mövzuları əlaqələndirmə
imkanları və hafizəsi təyin olunur. İkinci “İstəyirik bilək” mərhələsində isə artıq
şagirdlərin təfəkkür tərzi, onların coğrafi düşüncə səviyyəsi, elmi fantaziyaları, əqli
qabiliyyətləri, arzu və istəklərinin əhatə dairəsi üzə çıxır. Müəllim şagird ehtiyaclarını
nəzərə almaqla onları passiv dinləyicidən aktiv iştirakçıya, sadəcə öyrənən obyektdən
öyrənmək istəyən subyektə çevirir. Şagirdlərin öyrənmək istədikləri müəllim və
şagirdlərin iştirakı ilə tədqiqat nəticəsində birgə öyrənilir və metodun sonuncu, daha
vacib “Öyrəndim” mərhələsinin həyata keçirilməsinə imkan yaradır. Biliklərin
möhkəmləndirilməsi, qoyulmuş sualın cavablandırılması, yeni biliklərin üzə çıxması
mövzunun öyrənilməsində nəzərdə tutulmuş məqsədə xidmət edir.
BİBÖ aşağıdakı mərhələlər üzrə aparılır:
1. Problem müəllim tərəfindən elan edilir.
2. Müəllim lövhədə üç sütundan ibarət cədvəl qurur və aşağıdakı bölmələri
qeyd edir: -Bilirəm/İstəyirəm bilim/Öyrəndim
315
3.Şagirdlər bildiklərini söyləyir və cavablar birinci sütunda qeyd olunur.
4. Həmin məsələ ilə bağlı bilmək istədikləri isə ikinci sütunda qeyd edilir.
5. Dərsin sonunda bir daha həmin cədvələ diqqət yetirilir və mövzu ilə bağlı
öyrəndikləri üçüncü sütunda yazılır.
Auksion. Müəllim öyrənilən məsələni müəyyən edərək şagirdləri auksionun
keçirilməsi qaydaları haqqında təlimatlandırır. Öyrənilən əşya və ya hadisənin
xüsusiyyətləri ardıcıl şəkildə adlandırılır.
Hamı növbə ilə əşya və hadisə haqqında fikir söyləyir: hər bir fikirdən sonra
müəllim sayır: “Bir, iki”. Bu zaman başqa iştirakçı tez təklif verə bilər. Sonuncu təklif
verən qalib sayılır. Fikirlər bir-birini təkrarlamamalıdır. Bunun üçün hamı bir-birini
dinləyir.
Klaster (şaxələndirmə). Bu metod hər hansı mövzuya dair şagirdləri açıq və
müstəqil düşüncəyə istiqamətləndirən metoddur. Mövzunun öyrənilməsindən əvvəl
şagird təfəkkürünə təkan vermək, onlarda mövzuya dair maraq oyatmaq, şagirdin
dünyagörüşünün hüdudlarını üzə çıxarmaq, biliklər arasında əlaqə yaratmaq və s.
fəaliyyətlərə xidmət edir.
Şaxələndirmə metodunu tətbiq etmək üçün aşağıdakılar tələb olunur:
şaxələndirmə metodu ona uyğun mövzuya tətbiq edilməlidir;
şagirdlər şaxələndirmə prosesini aydın şəkildə təsvir etməlidirlər;
mövzunu açmaq üçün onun daxilində ikinci dərəcəli mövzuları qrup
daxilində fərdlərə paylanması təmin edilməlidir;
iştirakçıların
qrup
daxilində
hazırladığı
şaxələndirmələri
qrupda
birləşdirilməsinə nəzarət edilməlidir.
Müəllim tərəfindən lövhədə və ya iş vərəqlərində dairə çəkilir və onun
mərkəzində yazılmış anlayışla bağlı söz və ya ifadələr söyləmək şagirdlərə tapşırılır.
Mərkəzdə yazılmış anlayışdan başlayaraq hər növbəti söz, onunla əlaqəli sözlər
xətlərlə birləşdirilir. Vaxt bitənə qədər mümkün qədər çox fikir yazmaq və onları
Dostları ilə paylaş: |