73
və digər bu kimi elm sahələri təşəkkül tapdı. Bu tərəqqi, əlbəttə, mədəni
qarşılıqlı əlaqə faktoru olmadan mümkün deyildi. Alimlərin rəyinə görə,
Azərbaycanın Orta əsrlər dövrü qarşılıqlı mədəni əlaqələrin xüsusi
fəallığı ilə seçilirdi. Fars, ərəb, türk sivilizasiyasının ümummədəni
dəyərlərindən təsirlənmə yerli ənənələri zənginləşdirdi, Azərbaycan
mədəniyyətinə təkrarolunmaz görkəm verdi.
Azərbaycanda qədim, islamaqədərki ənənənin islam mədəniyyətinə
uyğunlaşması yeni tarixi şəraitdə mədəni inkişaf yolu ilə getmişdir. Daha
sonra isə Azərbaycanın tarixi mədəniyyətində oturaq etnosun yeni köçəri
türk etnosları ilə daha artıq əsaslı qarşılaşması nəzərə çarpır. Bütün
bunların sayəsində genişlənən incəsənətin qarşılıqlı əlaqələri yeni
əsərlərin, yeni üslubların, cərəyanların təşəkkülünə imkan yaradırdı. Bu
dövrdə Qafqaz, Mərkəzi Asiya, Avropa, İraq, Hindistan, Rusiya, Şərqi
Ərəbistan və Bizans dövləti ilə qarşılıqlı mədəni tranzit əlaqələri vacib
faktor kimi qeyd edilməlidir.
Qətran Təbrizi,Xaqani Şirvani,Nizami Gəncəvi, Bəhmənyar, Əbülhə-
sən Şirvani, Səfiəddin Urməvi, Əcəmi Naxçıvani, Mahmud Şəbüstəri,
Nəsirəddin Tusi, İmadəddin Nəsimi, Məhəmməd Füzulinin əsərləri
qarşılıqlı əlaqələr və mədəni təmaslar barədə informasiyanı zənginləş-
dirir. Söhbət əsasən antik ərəb, fars, türk mədəniyyətinin nailiyyətlə-
rindən yaradıcı tərzdə istifadədən gedir.
Musiqi sənətinin inkişafı, musiqi janrlarının, onların bədii
sistemlərinin Orta əsr dövründə formalaşması poeziya ilə sıx əlaqədə
olması ilə şərtlənir. Obyektiv faktorlar əsasında ərəb-müsəlman
mədəniyyətində müəyyən poetika, ədəbi ənənə formalaşmışdır. Bu
ənənəyə sadiqlik Azərbaycan şairlərinin simasında (Nizami Gəncəvi,
Xaqani Şirvani və b.) yüksək ideya-bədii səviyyəli əsərlərin yaranmasına
səbəb olmuşdur. Şeir yaradıcılığında əruz forması – qəzəl, rübai, qəsidə,
müxəmməs – Azərbaycan şairləri tərəfindən geniş istifadə edilmişdir və
öz növbəsində muğam sənətinin üslub, ifadə və forma yaratma
prinsiplərinə bilavasitə təsir göstərmişdir.
Muğam sənətinin yüksəlməsi də XII əsrə təsadüf edir. Qeyd edək ki,
ərəb mühitində professional musiqi ənənəsi yerli milli ənənələrlə sıx
əlaqə sayəsində daim zənginləşmişdir. Bu mədəniyyətlərin qarşılıqlı
mübadiləsində Şərq musiqi xəzinəsinə öz xidmətini göstərmiş ərəblərin
və azərbaycanlıların qarşılıqlı əlaqələri az rol oynamamışdır. Musiqi
elmini Orta əsr dövründə on iki makam haqqında təlim formalaşdırır,
onda bir çox Yaxın və Orta Şərq xalqlarının və ilk növbədə ərəb və
Azərbaycan musiqi nəzəriyyəsinin nailiyyətləri sintezləşdirilmişdir.
Məlumdur ki, Orta əsrlərdə Azərbaycan Dərbənddən Xəzər dənizinin
cənubuna kimi geniş bir ərazini əhatə etmişdir. Bu ərazi Elxanilər
dövlətinin mərkəzi vilayəti idi, Marağa və Təbriz şəhərləri isə müxtəlif
74
illərdə bu dövlətin paytaxtı olub. Beləliklə, Elxanilər dövlətinin
informasiya axını məhz Azərbaycandan keçirdi, burada mədəniyyət və
incəsənətin ən yaxşı nümayəndələri toplanmışdır. Qeyd edək ki,
Azərbaycanın ən vacib qarşılıqlı mədəni əlaqələrini və həmçinin musiqi
sənətinin qarşılıqlı əlaqəsini səyahətçilər də təsdiqləyirlər.
Azərbaycan şəhərlərinin çiçəklənməsi, onun iri karvan yolları barədə
İbn Battuta, Babban Sauma, Övliya Çələbi, Marko Polo, Barbaro
Kantarini, Adam Oleari, Klavixo, Antoniy Çelkinson, Kotov, Afanasiy
Nikitin kimi məşhur səyahətçilər yazırdılar. Bunlar Azərbaycanla digər
ölkələrlə əlaqəsini sübuta yetirir. Burada Azərbaycanın Səfəvi dövrü
tarixçilərindən – “Ahsatan-ət-təvarix” (“Tarixlərin ən yaxşısı”) çoxcildlik
əsərinin müəllifi Həsən bəy Rumlunu, məşhur “Tarix-i-alan aray-i
Abbasi” (“Dünyanın bəzəyi Abbas tarixi”) və “Zeyl-i-tarixi-i alan aray-i
Abbasi” (“Dünyanın bəzəyi Abbas tarixinin davamı”) əsərinin müəllifi
İsgəndər Münşünü qeyd edə bilərik.
Elmi tədqiqatlarda Azərbaycanın Qədim və Orta əsr qarşılıqlı mədəni
əlaqələri haqqında kifayət qədər tarixi faktlar təqdim edilmişdir.
Azərbaycan tarixçiləri, etnoqrafları, arxeoloqlarının tədqiqatlarında
qarşılıqlı mədəni mübadilə, qarşılıqlı incəsənət əlaqələri prosesini lazımi
səviyyədə bərpa etmək üçün kifayət qədər dəyərli məlumatlar
mövcuddur. Bunlar Azərbaycanın mədəni inkişafında tarixi qarşılıqlı
əlaqələrin necə böyük rol oynadığını əsaslı şəkildə sübuta yetirir.
İncəsənətlərin qarşılıqlı əlaqələrinin öyrənilməsi bizə Azərbaycan
incəsənətinin, mədəniyyətin ayrı-ayrı təbəqələrini öyrənməyə imkan
verir, Azərbaycan xalqının inkişaf tarixində ayrı-ayrı dövrlərin
mədəniyyətinin yekununu dərk etməyə köməklik göstərir, ən əsası isə
Azərbaycan xalqının şərq mədəniyyətinə verdiyi töhfəni dəyərləndirməyə
imkan yaradır. Öz növbəsində, Şərq incəsənətinin özünə xas cəhətləri
haqqında da mühakimə yürüdə bilirik.
Əgər memarlıqda, ədəbiyyatda əsaslı qarşılıqlı əlaqələri müşahidə
ediriksə, musiqidə isə yaradıcılıqla bağlı sənət növü kimi biz region-
lararası əlaqələrin analogiyasını əsaslandıra bilərik. Aparılan tədqiqatlar
sübuta yetirir ki, ərəb xilafəti və türk etnomodelinin musiqi mədəniyyə-
tinin inkişafında qarşılıqlı təsir prosesi vacib rol oynamışdır. Azərbaycan
musiqi mədəniyyətində xilafət və türk region ölkələri üçün bir sıra
ümumi xüsusiyyətlər yaranmışdır, onların da əsasında yerli şəraitdə
konkret spesifik cəhətlər öz əksini tapmışdır. Bunlar aşıq yaradıcılığı və
muğam sənəti timsalında olduqca bariz şəkildə təzahür edir.
Azərbaycan aşıqlarının yaradıcılığı bir çox Şərq xalqlarının, həmçinin
türk xalqının musiqi mədəniyyətinin qarşılıqlı əlaqələrində inkişaf edib.
Azərbaycan və türk aşıq ənənələri onların etnomədəni yaxınlığı, ifadə
formalarının oxşarlığı, inkişaf mərhələlərinin paralelliyi ilə səciyyələnir.
Dostları ilə paylaş: |