Say 7-8 • 2014 | STRATEJİ TƏHLİL
27
konfliktlər və bütünlükdə beynəlxalq əlaqələr yeni bir məzmunda Şərq-Qərb
müstəvisində gündəmə çıxarılır. Bunu qarşıdurma yox, iqtisadi ambisiyalardan
irəli gələn siyasi ziddiyyətlər toplusu kimi qiymətləndirmək olar. Ziddiyyətin
kökündə, təbii ki, tərəqqiyə, təkamülə gətirib çıxaran inkişaf durur. Amma bəzi
hallarda bu ziddiyyət mahiyyətini dəyişmədən dərinləşərək münasibətlərin
gərginləşməsinə, reqressə gətirib çıxaran qarşudurmaya çevrilir. Tarixən də
belə olub: ziddiyyətlər inkişafın müəyyən bir mərhələsində münaqişəyə qo-
şulan tərəflərin çökməsinə, mədəniyyətlərin dağılmasına səbəb olub. Mövcud
dünya siyasətinin psixoloji analizi belə bir tendensiyanın yenidən gündəmə
gəldiyini xəbər verir.
Qərb-Şərq ziddiyyəti dərinləşərsə, onun Qərb-Şərq qarşıdurmasına
çevrilmək ehtimalı qaçılmazdır. Bunda maraqlı qüvvələr geniş vüsət alan
ekstremizmə qarşı aparılan mübarizələrin səmərəsiz olduğunu dünya
ictimaiyyətinin şüuruna yeritməyə çalışırlar. Guya ki biz onun qarşısını ala
bilmirik, çünki bu, labüddür. Belə mövqenin insanların və cəmiyyətlərin şü-
uruna yeridilməsi müəyyən düşünülmüş siyasi niyyətin dəstəklənməsinə
xidmət etdiyi üçün özlüyündə təhlükəli addımdır. Bu mövqenin özülündə
Darvinin təkamül nəzəriyyəsinin kobud və təhrif olunmuş mexaniki
tətbiqini görmək olar: “Yaşamaq uğrunda mübarizə”. Yəni cəmiyyət təbiətin
bir hissəsi kimi qəbul edildiyindən təbiətin qanunauyğunluqları ona da
şamil edilir. Ona görə də bir çoxları tərəfindən normal qəbul edilən və
dəstəklənən belə vəziyyət əslində siyasi psixologiyanın patologiyası kimi
qiymətləndirilməlidir.
Təkamül nəzəriyyəsi inkişafa doğru aparır, məhvə doğru yox! Yəni
həyat güclülərin yaşaması mənasında deyil, sağlamların daha çox olması
mənasındadır. Çünki sağlamdan sağlam törəyir və həyat inkişaf edir. Güc-
lünün daha da qüdrətli, güclü olması onun əbədi əzəmətinin təminatçısı
ola bilməz! Əksinə, belə qiymətləndirmə, təəssüf ki, təkamül nəzəriyyəsini
təhrif edir, güclülərin güclü olması uğrunda mübarizə tezisi irəli çıxır. Bu
da bütünlükdə bəşəriyyətin sağlam inkişafına xidmət etmir. “Közərən
münaqişə ocaqları”nın Yer kürəsində saxlanılması, dondurulması və müəyyən
məqamlarda körükləndirilməsi həmin ərazilərə güc mərkəzlərinə istənilən
məqamda müdaxilə etməyə, bu ərazilərdə iqtisadi, siyasi və hərbi prosesləri
istədikləri məcrada inkişaf etdirməyə imkan verir. Belə təhlükələrin reallığı
bizi bir sıra addımlar atmağa, mövqeyimizi açıq büruzə verməyə məcbur
edir. Ona görə də hesab edirik ki, bu gün dünyanın diqqətini çəkən İraq
münaqişəsindən Cənubi Qafqaz münaqişəsi daha qabarıq və aktualdır.
Cənubi Qafqaz münaqişəsi zahirən lokal görünməsinə baxmayaraq, onun
kökləri Çinə, Yaponiyaya qədər uzanır, Avropa məkanına toxunur. Çünki bu-
radan tarixi İpək yolu keçir, böyük enerji ehtiyatları bu məkandan nəql olunur
və buradan Avropaya daşınılması nəzərdə tutulan ciddi enerji layihələrinin
həyata keçirilməsi müzakirə edilir. Münaqişənin bu bölgədə indiki vəziyyətdə
STRATEJİ TƏHLİL | Say 7-8 • 2014
28
dondurulması, həllinin yubadılması sonda dərinləşərək bütün sistemi iflic ha-
lına sala bilər.
Cənubi Qafqazı enerji resurslarını ötürən dəhliz kimi nəzərdən keçirsək,
münaqişənin dərinləşməsinin bütünlükdə enerji nəqlində və Avropanın stabil
enerji resursları ilə Şərqdən təmin edilməsində təhlükələrin yaranma ehtimalı-
nın kəskin surətdə artmasını müşahidə edəcəyik. Eyni zamanda, həmin ölkələr
gözlənilməz siyasi gedişlərdən asılı vəziyyətə düşərək son nəticədə “yaşamaq
uğrunda mübarizə”nin neqativ aspektləri ilə üzləşə bilərlər. Yəni enerji resurs-
larının bölüşdürülməsi uğrunda aparılan mübarizə tamamilə başqa müstəviyə
keçərək mahiyyət və məzmununu dəyişə bilər. Azərbaycan enerji resurs-
larını sivil yolla ümumi enerji dəhlizinə birləşdirməklə öz inkişafı ilə bərabər
bəşəriyyətin də inkişafına çalışdığı halda, güc mərkəzlərinin dünyanın siyasi
qanunları ilə uzlaşmayan addımları və siyasi qərarları isə əksinə hadisələrin
arzuolunmaz istiqamətə yönəlməsinə səbəb ola bilər.
Türkiyə ilə Ermənistan arasında təcili imzalanan protokollar, şübhəsiz ki,
Azərbaycan üçün gözlənilməz oldu. Planetdə münaqişələrin yüzlərlə olması-
na baxmayaraq, onların aqibətini həll etməyə çalışan güc mərkəzlərinin sayı
həddən ziyadə azdır. Bu dövlətlər, təbii ki, problemlərin mahiyyətini araşdır-
maqda, son qərarı verməkdə obyektiv və subyektiv çətinliklərlə üzləşir, bir
çox hallarda münaqişəni törədənlə ondan əziyyət çəkən tərəf arasında fərqi
aydınlaşdırmadan şablon və ya ədalətsiz qərarlar qəbul edirlər. Tərəfləri qar-
şılıqlı kompromislərə məcburi sövq etməklə münaqişələrin tarixi səbəblərini,
aqressoru və münaqişənin qurbanına çevrilən tərəfi təyin etmədən konfliktin
dondurulmasına çalışırlar. Beləliklə, münaqişələrin müvəqqəti dayandırılması
və atəşkəsin elan olunması bir sıra dövlətlər, güc mərkəzləri və beynəlxalq qu-
rumlar tərəfindən sülhün əldə edilməsi kimi təqdim edilir.
Şübhəsiz ki, xalqlar, dövlətlər arasında dostluq bəşəriyyətin və sülhün qa-
rantı kimi qiymətləndirilməli və inkişaf etdirilməlidir. Lakin burada əsas meyar
kimi bu əlaqə və münasibətlər toplusunun bütünlükdə vahid siyasi mexanizm
şəklində sülhə istiqamətləndirilməsi, aqressora qarşı siyasi və iqtisadi təpkilər
çələngindən ibarət olması vacibdir. Bu münasibətlər dünya xalqlarının sosial
rifahına, bütünlükdə meqoiqtisadi sistemlər toplusunun bəşəriyyətə xidmət
etməsinə yönlənməlidir. Amma biz müasir dünyanın siyasi müstəvisində bunun
əvəzində bəşəriyyət üçün təhlükəli köhnə siyasi modellərin tətbiq edilməsinin,
elə yarandığı gündən işğalçılıqla məşğul olan bir dövlətin məzlum və əzabkeş
qiyafəsində xüsusi təmtəraqla nəvazişlənməsinin şahidi oluruq.
İki dövlət arasında imzalanmış protokolların icrası Qafqazda müəyyən güc
mərkəzlərinin əbədi dəyənəyi rolunu oynayan aqressor dövlətin iqtisadiyya-
tının çiçəklənməsinə, onun işğalçı ordusunun daha da güclü olmasına xidmət
edəcəkdir. Yarandığı gündən ərazilərini qonşularının hesabına genişləndirən
və dövlət gerbinə Ağrı dağını həkk edən Ermənistanın sərhədlərin açı-
la biləcəyi halda Türkiyədən yararlanacağı, iqtisadi şansların hesabına
Dostları ilə paylaş: |