STRATEJİ TƏHLİL | Say 7-8 • 2014
34
şamasını və firavanlığını istəyiriksə, onda bu məsələlərə nöqtə qoymalı və xalq-
lar arasında
dostluğun, iqtisadi əməkdaşlığın yollarını birgə aramalıyıq.
Azərbaycan ərazilərinin Ermənistan tərəfindən işğal edilməsinə, azərbaycanlılara
qarşı soyqırımı aktının törədilməsinə, etnik təmizləmələrin aparılmasına və bü-
tün bunların nəticəsində bir milyondan artıq azərbaycanlının qaçqın və məcburi
köçkün vəziyyətinə düşməsinə baxmayaraq, ABŞ-ın 907-ci düzəlişinə əsasən
Azərbaycana qarşı tətbiq edilən iqtisadi sanksiyalar uzun müddətdir ki aradan
götürülmür. Əksinə, işğalçı Ermənistanın silahlanması, ordusunun modernləşməsi
və separatçıların ayaqda qalaraq “siyasi sifarişləri” həyata keçirmələri üçün geniş
imkan yaratmaq, buna təkan vermək məqsədilə Türkiyədən təcili və qeyd-şərtsiz
sərhədlərin açılması tələb edilir. Halbuki Ermənistan nəinki Türkiyənin ərazi bütöv-
lüyünü tanımır, hətta ona qarşı olan ərazi iddialarını öz konstitusiyasında təsbit
etmişdir. Gələcək münaqişəyə, seperatizmə, bölgədə stabilliyin birdəfəlik və
uzunmüddətli pozulmasına gətirib çıxara biləcək “qondarma tarixi ərazi iddiasi”
problemini çözmədən Türkiyə-Ermənistan münasibətlərinin pozitiv gələcəyi inan-
dırıcı görünmür. Əlbəttə, belə bir “təsir vasitəsinin” hər zaman işə yaraya biləcəyini
nəzərində saxlayan bəzi güc mərkəzləri bilərəkdən bu məsələnin üstündən sakitcə
keçirlər. Bölgədə vəziyyətin belə böhran həddinə catmasına rəvac verən qüvvələr
bu gün öz vətənində məcburi köçkün həyatı yaşayan azərbaycanlıları AŞ PA-nın
2002-ci ildə qəbul etdiyi qətnaməyə uyğun olaraq doğma torpaqlarına qaytar-
maq, Dağlıq Qarabağda erməni və azərbaycanlı icmalarının birgə sülh və dinc ya-
şamalarını təmin etmək üçün bütün vasitələrdən yararlanmaq, bununla da qonşu
xalqlar arasında inamı, etimadı və dostluğu möhkəmləndirmək əvəzinə, dünya-
nın ən həssas regionunda qarşıdurmanı, tərəflər arasındakı düşmənçiliyi daha da
dərinləşdirirlər.
Nəticə
Azərbaycan həm siyasi, həm də iqtisadi münasibətlərdə balansın qo-
runmasına cəhd edən bir dövlətdir. Zahirən bu, sadə və praqmatik bir siyasi
kurs kimi görünsə də, onun həyata keçirilməsi mürəkkəbdir və böyük siyasi
dərrakə, praqmatik təfəkkür tələb edir. Qürurla qeyd etmək olar ki, bütün bu
keyfiyyətləri Prezident İlham Əliyev öz siyasi gedişlərində kifayət qədər aydın
nümayiş etdirmişdir.
İstənilən başqa siyasət, istənilən səhv atılan kiçicik addım belə Azərbaycan
üçün ciddi maneələr yarada bilər. Qafqaz kimi tarixən münaqişələrdə boğulan
bir bölgədə belə müdrik, sağlam və praqmatik siyasətin təkbaşına aparılma-
sı üçün siyasi iradə və xarizma lazımdır. Azərbaycan Prezidenti İlham Əliyev
mətin, siyasi iradəli lider kimi aparıcı qüvvəyə malikdir. Artıq bir çox diplomatlar
açıq qeyd edirlər ki, Azərbaycanın bu artan qüvvəsi bəzi dairələrin maraqlarını
təmin etmir. Ona görə ki, bir çox məsələlərdə Azərbaycana diktə etmək müm-
kün deyil və siyasi reallıqlar bərabərhüquqlu tərəfdaşların danışıqlarını tələb