88
konsullar, əmanət sanduqçaları, sberqatelni kassa müfəttişləri. 5-ci sinfə gətirilib.
Gürcüstanda olan siyasi nümayəndə nəzdindəki maliyyə akentəsi, 9-cuya yaddan
çıxıb yazılmayıb, inspektor kredit və Gürcüstanda olan maliyyə agentəsi yanındakı
hesabçı 13-cüyə gətirilib, hüdudda olan alay komandanı. Maliyyə büdcə
komisyonu bir səslə belə arzu edir ki, nə qədər vilayət məmurları və idarələri varsa,
şimdilikdə onların baxılması lüzumu yoxdur. Onun çox təcili surətdə bir qanun
layihəsi gətirilsin və qəzalarda olan məmurlar ilə nəzarət idarələrində olan
məmurlar rabitədə olsunlar, bir də maliyyə büdcə komisyonuna bir neçə ərizə
gəlibdir. Məsələn: həbsxana - 3 sinif olmağınna görə, vilayət həbsxanasında olan
həkimlərə birinciyə 1800 manat, 2-ciyə 1500, 3-cüyə 1200 manat və əskələ
idarəsinin təbibinə 1500 manat verilsin. Bu günə qədər maliyyə idarəsinin
Kazyonnı palata müdiri, ziraət idarəsinin naçalniki ilə mənsəbi bir idi. Bu layihəyə
baxarkən Gəncə vilayətinin ziraət idarəsinin naçalniki bir dərəcə Azərbaycan
kazyonnı palata müdirindən artıq idi. İndi bir olmağa Gəncə vilayətinin ziraət
idarəsi müdiri kazyonnı palata müdiri ilə bir maaşda olur.
Rəis - Layihənin təcili surətdə baxılması təklif olunur. Əvvəlcə bu təklifin
lehinə və əleyhinə danışana söz verəcəyəm. Kim lehinə danışar? Lehinə komisyon
özü danışır. Əleyhinə danışan yoxdursa, səsə qoyuram. Kim layihəyi-qanuniyyənin
təcili surətdə baxılması tərəfdarıdırsa, rica edirəm əlin qaldırsın (Əllər qalxır).
Müttəhidülrəy təklif keçir. Layiheyi-qanuniyyənin əsasları üzərində danışmaq üçün
vərəqələr verilib. (Kraçkovskiyə, Rusca). Buyurunuz.
Kraçkovski - Rusca danışır.
Rəis - Parlaman üzvü Xosayev.
Xosayev - Rusca danışır.
Rəis - Vanseviç cənabları, buyurunuz.
Vanseviç - Rusca danışır.
Rəis - Buyurunuz, Əhməd bəy Pepinov.
Əhməd bəy Pepinov - Əfəndilər! Ola bilir ki, Parlamanın maliyyə-büdcə
komisyonuna bu günkü müzakirədən keçirdiyi qanun layihəsi qədər mühüm bir
qanun olmamışdır. Bu etina və əhəmiyyətlə müzakirə etmək məcburiyyətindəyik.
Məndən əvvəl keşiş cənabları hökumət məmurlarına verilən maaşların qətiyyən
kifayət etmədiyini söylədilər. Mən zənn edirəm ki, bu məsələ hamımıza məlum və
aşkardır. Bu xüsusda misallar göstərmək lazım deyildir. Biz keçən ayda, bu
xüsusda məclisdə bir maddə keçirdik və müttəhidülrəy qəbul etdik. Şimdi isə təkrar
maaşların təzyidi üçün ikinci bir qanun layihəsi təklif edilir. Bu xüsusda mən bunu
demək istərəm ki, bu verəcəyimiz hökumət məmurlarına aid zəmm maşlar, onların
ehtiyacına mədar ola biləcəkmi, zəmm maşları, təkrar etdirməyə xəzinəyi dövlət
buna təhəmmül edə biləcəkmi. Biz zəmm maaşdan ziyadə ehtiyacə qarşı tədbirlər,
çarələr aramalıyıq. Məlumunuzdur ki, paranın qiyməti gün-günə düşməkdə və
89
əşyaların qiyməti isə artmaqdadır. Bunun bir çox səbəbləri var ki, nə bizdən, nə
hökümətdən asılıdır. Bu zamanın icabıdır. Fəqət, bununla bərabər, buna qarşı bir
taqım tədbirlər düşünmək və yapmaq lazımdır. Və yenə biz qonşu dövlətlərdə bir
müqayisə yapsaq, onlardan biz daha dövlətliyik. Bizdə neft, pambıq və sairə kimi
bir çox mənabe sərvət var, halbuki bizdə həyat və yaşamaq onlardan daha ucuz
olması icab edərkən, biləks daha müşkül və daha qeyri müntəzəm bir halda dəvam
edir. Həm qonşu dövlətlərin hökumət məmurları bizim məmurlarımızdan daha az
maaş aldıqları halda çox eyi yaşayırlar. Çünkü hökumət onlara və hətta ailələrinə
müavinət edir, şəkər, çay, çörək,... gibi zəruri ehtiyaclarını müəyyən bir surətdə
təmin edir. Maaşları az olsa belə, ən lüzumlu ehtiyaclar dəf edildiyindən və
hökumət məmurları heç bir sıxıntıya düçar olmur və aldığı maaş da çatır. Demək
burada hökumətin səhvi vardır. Mart ayında müzakirə edilən məsələni şimdi bir də
müzakirə edirik. Ola bilər ki, bir neçə vaxtdan sonra bir də bu məvacib məsələsini
mövqei-müzakirəyə qoyaq. Yaxşı olardı ki, nəzarət elə tədbirlər görərdi ki,
hökumət məmurları və on minlər ilə əmələ ucuz qiymətə çörək, şəkər, manufaktura
və sair şeylər ala bilə idilər, bu xüsusa gəldikdə bazarda çoxlu spekulyantlar var,
onlar ilə mübarizə eyləmək çox çətin olar. Bu gün biz öylə etməliyik ki, məmurlar
şeyləri bazar qiymətinə almasınlar, hökumətin pulu var, güc var mümkün edə bilər
ki, malları ucuz alsın və məmurlarına ucuz qiymətə versin. Əgər bu cür olsa idi 400
milyonluq layiheyi-qanuniyyə gəlməzdi və böylə bir ağır yükün qarşısında
bulunmazdıq. Hələ əsgəri və xariciyyə nəzarəti məmurları bu hesaba daxil deyillər.
Bundan əlavə hökumət Bakıda yaşayan və öz əllərinin zəhməti ilə çalışan 40 min
əməlinin də həyatını təmin etməlidir ki, onlar dəxi tətilə müraciət edib istədiklərini
almaq məcburiyyətində olarlar. Fəqət, bununla da olmayır. Məvacib artırsa da
şeylərin qiyməti bazarda da artır. Bizim vətənimizdə hökumət özü ərz etdiyim
iqdamata təvəssül etməzsə bu dərdlərə əlac olmayacaqdır. Doğrudur, hökumət iaşə
məsələsində bəzi yardımda bulunub, bəzi şeylər verir, fəqət bu müavinət çox
sistemsizdir. Öylə olur ki, bəzi şeylər böyük məmurlara verilir, xırda məmurlar isə
ala bilmirlər və onlara bir şey çatmır. Bu siyasəti gərək bər tərəf edək, demək bu
bir nöqteyi-nəzərdir ki, bəyan edirəm. İkincisi, bu qanun layihəsinə gəlincə,
hökumət istəyir ki, cürbəcür xərcləri birləşdirsin və məmurların maaşlarını bir
dərəcəyə qədər sadələşdirsin. Fəqət mən güman edirəm ki, hökumət burda qaş
qayırır ikən göz çıxarır. Bu qanun layihəsinin bəzi yerlərində o qədər qarışıqlıq və
məntiqsizlik var ki, bir çox narazılığa və anlaşılmazlığa səbəb olacaqdır. Amma
bununla bərabər qanun layihəsini qəbula məcburuq. O nöqsanlardan biri də budur
ki, bəzi məmurların maaşını birləşdirmək ilə hökumətə ixtiyar verir ki, bəzilərinin
maaşları azaldılsın. Deməli, bir qanun layihəsində müəyyən maddələr var isə,
qeyri-müəyyən maddələr dəxi vardır. Nə qədər hökumətə pul veriləcək bu məlum
deyildir. Qanunun əsasında dəxi nöqsanlar var. Məsələn, nazirlərə ixtiyar verilir ki,