14
Şəkil 2.7 Ştangenpərgar
Deməli, hər 9 millimetr məsafə 10 bərabər məsafəyə bölünmüşdür.
Xətkeşin üzərindəki
bölgülərlə noniusun üzərindəki bölgülər arasında fərq vardır. Bu fərq 1,0 – 0,9 = 0,1 millimetrdir. 0,1
millimetr ştangenpərgarın dəqiqlik dərəcəsidir.
Ştangenpərgarlar noniusların üzərindəki bölgülərin miqyasından asılı olaraq müxtəlif dəqiqlikdə
hazırlanır. Dəqiqliyinə görə ştangenpərgarlar 0,1; 0,05; 0,02 millimetr ölçü dəqiqliyində buraxılır.
Dəqiqliyi 0,02 millimetr olan ştangenpərgarların noniusunun bölgüləri 0,48 millimetr olur.
Xətkeşin bölgüləri isə 0,5 millimetrə bərabərdir.
Şəkil 2.8 Ştangenpərgarla hissənin xaricdən ölçülməsi
Ştangenpərgarın çərçivəsi üzərinə möhkəm mikrometrik vint bərkidilmişdir. Vintin üzərində isə
mikrometrik qayka və istiqamətverici xamut yerləşdirilmişdir. Bütün bu hissələr ölçmə zamanı dəqiqliyin
əldə olunmasına köməklik edir. Ölçmə yerinə yetirilən zaman xamut və çərçivənin hərəkəti sıxıcı vintlərlə
məhdudlaşdırılır (Şəkil 2.8).
Şəkil 2.9 Ştangenpərgarla hissənin daxildən ölçülməsi
Ştangenpərgarla hissənin qalınlığının ölçülməsi bu ardıcıllıqla yerinə yetirilir.
Hissə
ştangensirkulun tutucuları (dodaqları) arasında sıxılır. Sıxılma yüngül qüvvə ilə olmalıdır.
Ölçmə
15
aparıldıqdan sonra ştangensirkul hissədən ayrılır. Hissədən ayrılmamışdan əvvəl çərçivə xətkeş üzərində
sürüşməsin deyə çərçivə və xamut üzərindəki vint ilə xətkeşə möhkəm sıxılır. Çərçivə və xamut xətkeşə
sıxılmasa, sürüşmə nəticəsində ölçü dəyişə bilər. Vintlə sıxılmadan sonra ştangensirkul hissə üzərindən
götürülür. Ölçü qiyməti hesablanır. Hesabat aparıldıqda noniusun bölgülərindəki “0”-a yaxın olan
xətkeşin üzərindəki bölgü xətlərindən birinə qədər olan bölgülərin tam millimetrləri göstərir.
Şəkil 2.10 Diş ölçənlər
Noniusun digər bölgü xətti xətkeşin başqa bölgü xətti üzərinə düşür. Xətkeşin həmin xəttindən
noniusun xəttinə qədər olan bölgülər millimetrləri kəsrlə ifadə edir. Ölçü qiymətini almaq üçün kəsrlə
olan millimetrlər ştangenpərgarın dəqiqlik dərəcəsinə vurulur.
Əvvəldən qeyd etdiyimiz kimi, ştangenpərgarın dəqiqlik dərəcəsi 0,1; 0,05; 0,02 millimetr olur.
Dəqiqlik dərəcəsinə vurulmadan alınan qiymətlə xətkeşin göstərdiyi tam millimetrlər toplanır. Bununla
da ölçü qiyməti tapılır. Dəqiqlik dərəcəsi ştangenpərgarın üzərinə yazılır.
Ştangenpərgarlar həm xarici, həm də daxili ölçüləri təyin etmək üçün istifadə olunur. Hissələri
daxildən ölçmək üçün onların tutucularına (dodaqlarına) xüsusi ucluqlar hazırlanır (Şəkil 2.9). Ölçmə
aparan zaman bu ucluqların qalınlığı nəzərə alınmalıdır.
Dostları ilə paylaş: