1.14.8. Səpələnən yüklərin yüklənməsi, boşaldılması
və nəqli
1.14.8.1. Səpələnən yükləri avtomobil banının (kuzovu-
nun) bortları səviyyəsinə qədər yükləmək olar. Lazım gələrsə,
kuzovun bortlarının hündürlüyü etibarlı bərkidilməklə əlavə
bortlar hesabına artırıla bilər.
1.14.8.2. Qabsız səpələnən yüklər avtomobil banının
bütün səthi boyu bərabər səviyyədə olmalıdır.
1.14.8.3. Açıq banlarda tozqaldıran yükləri daşıyarkən
tozun yayılmasının qarşısını almaq üçün belə yüklər brezentlə
örtülməlidir.
1.14.8.4. Isti halda yüklərin taxta banlı avtomobillərə
yüklənməsi və daşınması qadağandır.
1.14.8.5. Səpələnən yüklərin yüklənməsi ilə məşğul olan
yükləyicilər mühafizə eynəklərindən və respiratorlardan
istifadə etməli və avtomobilin yan tərəfində dayanmalıdırlar.
1.14.8.6. Respiratordan istifadə edən fəhlələr vaxtaşırı
respiratoru çıxarıb istirahət etməlidirlər.
Respiratorun filtri növbə ərzində bir dəfədən az
olmayaraq dəyişdirilməlidir.
1.14.8.7. Daimi yükləmə-boşaltma yeri sutkanın qaranlıq
vaxtı lazımınca işıqlandırılmalıdır [211].
Dostları ilə paylaş: | 
