502
daha uğurlu formalar tapır.
Poeziya necə yaransın? Nədən yazsın? Faciə gözümüzün
qabağında baş verir. Hansı bədii əsər o faciəni həmin faciənin özü
qədər təsirli verə bilər? Ən böyük əsər o faciəni çox solğun əks etdirə
bilər. Ona görə də əsər yaranmır. Cəmiyyət özü elə dəhşətli ”şah
əsərlər” yaradır ki, ayrı-ayrı sənətkarların heç biri belə əsər yarada
bilməz. Ona görə qələm sahibi susur. Yalnız bu bəlalardan keçə
bilsək, bu bəlaların əsl törədiciləri müəyyənləşməklə bu günü gələcək
nəslə çatdıra bilərik.
Biz o qədər mehriban xalqıq ki, dost yolunda var-yoxdan
çıxmağa, ev-eşiyimizi silib-süpürüb dosta verməyə, hətta
atalarımızdan, babalarımızdan və onların məsləkindən ”keçməyə”
hazırıq. Budur, şair misrası: ”Şah İsmayıl olan yerdə Sultan Səlimə
nə yağı?” (Akif Səməd) Belə çıxır ki, Şah İsmayıl 60 minlik qoşunla,
topla-tüfənglə Sultan Səlimin üzərinə getmiş imiş, Sultan Səlim gəlib
Təbrizin qapısını kəsməmiş imiş. Biz həmişə Şah İsmayılın - o ülvi və
yüksək şəxsiyyətin nəvələri olmaqla fəxr etmişik. Sultan Səlimin öz
nəvələri var. Danışan şəxs həddini bilməlidir. Müstəqillik birindən
qopub, başqasına calaq olmaq deyil. Müstəqillik müstəqil olmaq, öz
yurdunu, öz tarixini, öz babalarını, öz dilini, öz əxlaqını, öz
mədəniyyətini sevməkdir, qorumaqdır.
Əgər XX əsrin əvvəllərinə, yəni sovet dövrünə qədərki
ədəbiyyatımıza nəzər salsaq, görərik ki, orada ”şimal”, ”cənub”
söhbətləri yoxdur. Ədəbi faktın doğulduğu ərazi var, onun ümumxalq
mədəniyyətinə xidməti var. Eyni dərəcədə Sabiri də öyrənmişik,
Möcüzü də. Klassik ədəbiyyat nümayəndələrinin bir çoxu Təbriz
məktəbinə məxsusdur.
İlk dəfə Sovet dövləti belə bir sərhəd yaratmağa çalışdı. Lakin
əlaqələr qırılmadı, kəsilmədi. II Dünya müharibəsi dövründə Azər-
baycan ziyalılarının, alim və yazıçılarımızın Təbriz görüşü, bu
görüşlərdən sonra sərhədlərin daha möhkəm qapanması ilə alovlanan
”iki sahil” rəmzi cənubu unutmağa imkan vermədi, daim qəlbimizdə
ağır bir yük kimi yaşatdı.
60-cı illərdə Qulamhüseyn Beqdeli böyük sənət ustadı
Məhəmmədhüseyn Şəhriyarı Azərbaycanda tanıtdı, sevdirdi.
Ziyalılarımızın, sənət ustalarının Şəhriyarla, Səhənd və başqaları ilə
məktublaşmaları, əlaqələri başlandı.
Müharibədən sonrakı ilk illərdə İranda irticanın dəhşətli şəkil
alması ilə bir qrup Cənubi Azərbaycan ziyalıları, xüsusilə istedadlı
gənclər Şimala pənah gətirdi. Onların içərisindən Balaş Azəroğlu, Əli
503
Tudə, Fəthi Xoşginabi, Söhrab Tahir, Mədinə Gülgün kimi görkəmli
alimlər, şair və yazıçılar yetişdi.
Onların hamısının yaradıcılığı bütövlükdə Azərbaycan
ədəbiyyatının tərkib hissəsinə daxildir, ona görə də onlar ali məktəb
proqramlarında öz təbii yerlərini tutmalı idilər. Bu gün müasir
Azərbaycan ədəbiyyatını Şəhriyarsız təsəvvür etmək qeyri-
mümkündür.
Vaxtilə xalq şairi S.Rüstəm Təbrizi onun üstünü alan
dumandan qorumağa çağırırdı:
Qoymaram yadları girsin qoynuna,
İzin ver qolumu salım boynuna...
Şair Zəlimxan Yaqub isə uzun illərin ayrılığından sonra Təbri-
zə bir qonaq kimi gəlməyindən, bir qonaq kimi ondan tez ayrılma-
ğından hədsiz kədərlidir:
Yenə gözündə yaş, qəlbində kədər,
Gəlişin hədərmiş, gedişin hədər.
Sənin ki dərdin var bir Təbriz qədər,
Niyə yaşayırsan, öl, ay Zəlimxan!
Bu, qısa müddətli vüsal şirinliyi və ayrılıq acılarından doğan
bir həyəcandır. Şair sərhəd dirəkləri basdıranların əməllərindən
dəhşətə gəlir: ”O tay nədir, bu tay nədir, ilahi?” Bunları kim kəşf edib,
”o tay, bu tayı” kim yaradıb?
Eyni həsrət, eyni istək, eyni ehtiras daim cənubun vətənpərvər
sənət adamlarını da coşdurmuşdur. ”Ulduzlar arasına sərhəd qoymaq
olar, ürəklər arasına yox”, - deyən şair Dadiman Qocabəyli də həm o
tayın, həm bu tayın dərd yükünü çəkir:
Donub niyə daş olmadı bu varlığım,
Canım burda, ruhum orda düşdü dara...
Bu gün - 17 sentyabr 1992-ci il xoş bir gündür. Cənubi
Azərbaycanın Muğan şairləri adlanan bir qrup şairi qonağımızdır:
Cəfər Muğanlı, Dadiman Qocabəyli, Hacı Malik Rəhnüma, Seyid
Cəlil Hüseyni, İbrahim Teymurpur!
Muğan şairləri! Vətən necə dəhşətlə parçalanıbsa, biz
Muğanın böyük bir parçasının Cənubda olduğunu da unutmuşuq.
504
Bu günlərdə keçirdiyimiz görüşlərdən birində şair Savalanın
”Qarabağ” sözünə verdiyi məna mənə xoş gəldi: ”Qarabağ” - böyük
allah deməkdir, - deyirdi, bu qədim ərazinin adını ”bağ” sözü ilə –
allah sözü ilə bağlayırdı.
Əslində, Qarabağ qədər qədim olan ”Muğan” sözü də ”bağ”
sözündəndir: muğ//mağ - kahin mənasında işlənən bir söz olub (mağ-
lar ölkəsi mənasında), ”bağ” - allah sözündən ayrılmışdır.
Muğan şairləri! Bağlar ölkəsinin şairləri!
Zorla parçalanmış bir torpağın övladları! Xoş gəlmisiniz!
Cəfər Muğanlı 40 il bundan əvvəl Ərdəbil vilayətinin
(ostanlığının) Parsabad şəhərində anadan olmuşdur.
Kollec təhsili almışdır. İxtisasca mühasibdir.
Cəfər Muğanlı İran inqilabından sonra Azərbaycan dilində çap
olunan bütün qəzetlərdə, ”Varlıq”, ”Yol” jurnallarında ardıcıl çıxış
edir. Bizim mərkəzi mətbuat orqanlarında da şerləri çap olunmuşdur.
Cəfər Muğanlının şerlərində bir yanğı, bir od var. İllər keçmə-
sinə baxmayaraq, onun ”Ay ana” şerindəki xəfif və qəhərli yalvarış
qulaqlarımdan getmir:
Qaldı həsrət neçə il yollara gözlər, ay ana,
Saralıb soldu qərənfil kimi üzlər, ay ana.
Gileyin dəftərini açmagilən, qoy mən açım,
Oxuram çünki onu mən sənə əzbər, ay ana.
Bu şeirdə:
Şəhriyar həsrət olan şəhri deyib gəldim mən...
Cənubun həsrəti dığlatdı Süleyman dədəni -
kimi misralar hər iki tərəfin həsrətini əks etdirən misralardır:
Bu həsrət, bu yanğı Dadimanın, Hacı Malikin, Seyid Cəlilin,
İbrahimin poeziyasına da xasdır.
Gənc Muğan şairləri Azərbaycana xoş gəlib!
17. 09. 92
Dostları ilə paylaş: |