505
CAVAD HEYƏTLƏ İKİNCİ GÖRÜŞ
Tarix öz işindədir. Dünyanın çərxi fırlanmaqdadır. Bu çərx
gah yaxşılığa fırlanır, gah yamanlığa; bir tərəfdən, dünyaya sevinc qa-
pısı açmaq istəyir, o biri tərəfdən qara əllərlə insanın sevinc
damarlarını ovub tökməyə çalışır; bir tərəfdən, insanı insana
qovuşdurur, o biri tərəfdən insan qəlbini qırmızı gülləyə tuş gətirir.
Dünən köks ötürdüyümüzə bu gün sevinmək istəyirik, dünən qədrini
bilmədiyimizi bu gün ümidsizliklə xatırlayırıq...
Uzun illər keçmiş tariximizin bir çox səhifələrini, Xudafərin
körpülərinin açıq olduğu günləri həsrətlə, köks ötürərək xatırlamışıq.
İndi bu körpülər muzey kimi qorunur, yanında yeni körpülər tikmək
istəyirlər. O taydan bu taya, bu taydan o taya gediş-gəliş artır. Hər ge-
diş ürəklərdə bir körpü yaradır. Biz iki il əvvəl böyük alim, görkəmli
cərrah Cavad Heyəti bu gözəl zalda, bu işıqlı zalda hərarətlə
alqışlamışdıq. O, onda da baharda, novruzda gəlmişdi, indi də
bahardır, novruz sevinci hələ canımızdadır. Belə görünür ki, Cavad
Heyət bahar adamıdır, hara gedirsə, özü ilə baharın ilıq nəfəsini, bahar
çiçəklərini aparır. Onun gəlişi ilə hava da xoşdur, gün də gözəldir.
Yenə bahardır. Bu gün biz yenə bu əziz qonağı baharın yaratdığı
məhəbbətlə, hərarətlə, təmiz sevgi ilə salamlayırıq. Xoş gəlmisiniz,
əziz doktor!
Cavad Heyət! - bu ad indi Avropanın və Asiyanın bir çox
ölkələrində məşhurdur. Bunu bizim əziz qonaq öz əməyi, zəhmət və
istedadı ilə qazanıb.
Cavad Heyət böyük həkimdir, görkəmli cərrahdır. Bizim də
böyük tibb alimlərimiz, cərrahlarımız var. Lakin Cavad Heyət öz
cərrahlıq şöhrəti ilə az qala Cənubdan Şimala meydan oxuyur. Keçmiş
SSRİ-dən bu sahədə Fransa akademiyasının bir üzvü varsa, İrandan bu
sahəni doktor Cavad Heyət təmsil edir. Bu günlərdə televiziya
vasitəsilə onu İranda müalicə olunan Qarabağ yaralıları arasında
gördükdə, onları öz əli ilə müalicə etdiyini bildikdə qəlbimiz iftixarla
döyündü.
Cavad Heyət görkəmli tibb alimidir. Onun əsərləri bir çox Av-
ropa dillərinə tərcümə olunub.
Cavad Heyəti şəxsən bizə sevdirən, daha çox bağlayan cəhət
onun bir filoloq alim kimi fəaliyyətidir. O, görkəmli ədəbiyyatşünas,
ədəbiyyat tarixçisidir. İki cildlik ”Azərbaycan ədəbiyyatı tarixi” kitabı,
saysız məqalələri mədəniyyət tariximizə yadigardır.
Cavad Heyət folklorumuzun gözəl bilicisi və tədqiqatçısıdır.
506
Onun bu sahədə əsərləri burada da çap olunub yayılmışdır.
Cavab Heyət həm də bir jurnalist kimi məşhurdur. Gözümü-
zün qabağında tarix yaradır. 15 ildir ki, nəfis şəkildə nəşr olunan ”Var-
lıq” jurnalına rəhbərlik edir. Bu jurnal Cənubi Azərbaycanda və İranda
ən tutarlı və kütləvi mətbuat orqanlarındandır.
Gərək ki, Antuan de-Sent Ekzüperinin fikridir ki, hələ gənc
yaşlarında söyləmişdir - insan öz təfəkkürünü daim zənginləşdirməyə,
nitqini gözəlləşdirməyə çalışır, lakin təfəkkür mədəniyyəti barədə
hamı düşünmür. Təfəkkür mədəniyyəti təfəkkürün müstəqilliyi,
yaradıcı olması, özünəməxsusluğu, cəsarətli və dialektik olması ilə
bağlıdır. Biz Cavab Heyətin yazılarında da, şifahi nitqində də həmişə
bu cəhətlərin şahidi olmuşuq. Bunun nəticəsidir ki, onun hər
çıxışından mütləq bir detal yadda qalır. Hələ iki il əvvəl bizimlə
görüşdə və ondan bir neçə gün əvvəl Azərbaycan Yazıçılarının
qurultayında demişdi ki, həkimlik, cərrahlıq onun ”sənət işi”,
ədəbiyyat onun ”eşq işi”dir. Bu sözlər bu gün də yadımızdadır və
onun eşq işi, məhəbbət işi bu gün də hərarətlə davam etməkdədir. Bu
yaxın vaxtlarda, böyük Nizaminin yubileyi günlərində, Gəncə
yaxınlığında şairin məqbərəsi önündə çox çıxışlar oldu. Lakin düzünü
deyim ki, mənim yadımda qalan yalnız Cavad Heyətin sözləridir. O,
Nizaminin xidmətlərini daha obrazlı, daha müstəqil, daha cəsarətlə və
daha dialektik ümumiləşdirdi- ”Nizami bir adam, bir şəxs deyil, - dedi,
- Nizami bir xalqdır, bir millətdir”.
Keçən əsrin ortalarında böyük fransız yazıçısı Jül Vern
dalbadal o qədər romanlar yazırdı ki, Fransada bir çoxları Jül Vernin
bir şəxs, vəkil P’er Vernin oğlu deyil, bir cəmiyyət olduğunu güman
edirdilər. Bu hal böyük şəxsiyyətlərdə var və Cavad Heyət də bizim
bu məsuliyyətsiz dünyada, əməyə,zəhmətə marağın, məhəbbətin son
dərəcə azaldığı, saxtakarlığın, yalanın, hiylənin baş alıb getdiyi,
qardaş qardaşın əlindəkini qapıb daha baha qiymətə satmaq istədiyi bir
dövrdə həm cərrahlıq sahəsində, həm ədəbiyyat, filologiya sahəsində,
həm də ictimai əlaqələr sahəsində elə böyük iş görür ki, bunu ancaq
bir cəmiyyət görə bilər. Görünür, böyük adamlar öz adının mənasını
qorumağa çalışır: Cavad - comərd, səxavətli deməkdir, Heyətin bir
mənası görkəm, surət, daha geniş mənası cəmiyyət deməkdir. Bu
gözəl görkəmlə, bu comərdliklə Cavad Heyət bir cəmiyyətin işini
görür, tarixdə şəxsiyyətin xüsusi xəttini yaradır.
Hörmətli qonağı universitetimizin professor-müəllim heyəti və
tələbələrimiz bir daha hərarətlə salamlayır! Bayram hərarətli bu
günlərdə onu öz aramızda görməyə çox şadıq!
507
30. 03. 93.
508
UHİVERSİTETİN İLK FƏXRİ PROFESSORU
İran alimi Məhəmmədəli Qövsi Fərzanə!
Dolu bədənli, nurani, səbr və təmkinlə dinləməyi bacaran, cə-
nub azərbaycanlılarının şirin ləhcəsi ilə diqqəti cəlb edən bir
möhtərəm şəxs!.
Məni ilk dəfə onunla mərhum Abbas Zamanov tanış etmişdi.
Söhbətlərindən dərhal aydın oldu ki, respublikamızın elm aləminə
yaxşı bələddir. Humanitar elmlərlə məşğul olanların çoxunu tanıyır.
Bu da aydın oldu ki, elə bizim hörmətli Abbas Zamanov tipli bir
şəxsiyyətdir: ədəbi və mədəni əlaqələrin inkişafında, Cənubi
Azərbaycan mədəniyyətinin respublikamızda öyrənilməsində,
respublikamızın elmi, mədəni nailiyyətlərinin Cənubi Azərbaycanda
təbliği sahəsində böyük rolu var. Odur ki ikinci görüşümüzdə onu
N.Tusi adına Azərbaycan Pedaqoji Universitetinin filoloq müəllim və
tələbələri ilə görüşə dəvət etdik.
Fərzanə bizim klassik alimlər kimidir. Məhdud sahə
mütəxəssisi deyil. Dilçi, ədəbiyyatşünas, folklor toplayıcı və
tədqiqatçısı, jurnalist kimi geniş fəaliyyət dairəsinə malikdir.
Fərzanə görüşə professor Vaqif Aslanovla birlikdə gəldi.
Məruzəsi İranda və xüsusən Cənubi Azərbaycanda son 50 ildə elmin,
mədəniyyətin, mətbuatın inkişafı məsələlərinə həsr olunmuşdu.
Fərzanə özünəməxsus natiqlik məharəti ilə bizi Cənubun elm, sənət
aləminə apardı, mədəni inkişafın, mətbuatın vəziyyəti ilə tanış etdi.
Düzü, Sovet hakimiyyətinin verdiyi imkanlarla müqayisədə təəssüf
doğuran məsələlər çoxdur. Bu xalq hələ çox iş görməlidir. Fərzanə
kimi elm və mədəniyyət fədailərinə ehtiyac çoxdur. Cəmiyyət özü
bunun üçün imkan və şərait əldə edə bilməlidir. Elmin, ana dilinin
inkişafı uğrunda əməli iş dövlət qayğısı ilə əhatə olunmalıdır.
Məhəmmədəli Qövsi Fərzanə 1923-cü ildə Təbriz şəhərində
əməksevər bir ailədə anadan olmuşdur. Ana dilində təhsil qadağan
edilmiş olduğundan fars dilində orta təhsil alıb. Ailəyə yardım üçün
müəllimliklə məşğul olub, eyni zamanda milli və mədəni problemlərlə
maraqlanıb. 1941-ci ildə xarici qoşunların İrana daxil olması ilə
ölkədə demokratik qüvvələr fəallaşır, müvəqqəti olaraq istibdada son
qoyulur. Azərbaycan Demokratik Firqəsi yaranır. Fərzanə bu firqəyə
meyil edən, müsbət münasibət bəsləyənlərdən idi. Odur ki
gəncliyindən xalq işi uğrunda mübarizəyə qoşulur.
O, 1947-ci ildə Təbriz Universitetinə daxil olmuş, 1950-ci ildə
oranı bitirmişdir. Bu dövrdən başlayaraq, ardıcıl olaraq xalq
Dostları ilə paylaş: |