62
İstehsalın beynəlxalq ixtisaslaşması ölkələr arasında əmək bölgüsünün elə bir
formasıdır ki, milli istehsalların differensiallaşması əsasında dünya üzrə eynicinsli istehsalın
təmərküzləşməsi, müstəqil texnoloji proseslərin ayrılması baş verir və bu zaman ayrı-ayrı
istehsal sahələrində məhsul istehsalı daxili ehtiyacları aşır.
Bu cür bölgü və inkişaf milli iqtisadi sistemlərin qarşılıqlı fəaliyyətini və eyni
zamanda qarşılıqlı asılılığını gücləndirir. Milli iqtisadiyyatların bir-birləri ilə qarşılıqlı təsirə
məruz qalmaları əmtəə, xidmət və elmi-texniki biliklər ilə mübadiləni sürətləndirir, onun
artımını intensivləşdirir.
Beynəlxalq ixtisaslaşma iki əsas istiqamət – istehsal və ərazi istiqamətləri üzrə
inkişaf edir. Istehsal istiqaməti öz növbəsində aşağıdakılara bölünür:
sahələrarası ixtisaslaşma;
sahədaxili ixtisaslaşma;
müxtəlif firma və müəssisələrin ixtisaslaşması.
Beynəlxalq ixtisaslaşmanın ərazi aspekti aşağıdakı istiqamətlərdə ixtisaslaşmaları
nəzərdə tutur:
ayrı-ayrı ölkələr;
ölkə qrupları;
regionlar.
Əksər iqtisadçıların fikrincə, istehsalın beynəlxalq ixtisaslaşmasının üç əsas növü
vardır:
1)
hazır məhsul istehsalı üzrə ixtisaslaşma (predmet ixtisaslaşması);
2)
ayrı-ayrı dettalar üzrə ixtisaslaşama (hazır məhsulların komponentlərinin və
hissələrinin istehsalı);
3)
texnoloji və ya mərhələ ixtisaslaşması (yəni, ayrı-ayrı texnoloji proseslərin həyata
keçirilməsi, məsələn, yığım, qaynaq və s.).
Yuxarıda qeyd olunan növlər arasında ölkələr arasında ən geniş yayılmışı hazır
məhsul istehsalı üzrə ixtisaslaşmadır. Bu cür ixtisaslaşma zamanı ölkələr öz səylərini
məhsulların müəyyən nomenklaturasının istehsalı üzrə cəmləşdirir, nomenklaturanın yerdə
qalan hissəsinin istehsalından isə partnyor-ölkələrin xeyrinə imtina edirlər.
Bununla belə, aydındır ki, milli iqtisadiyatın heç də bütün sahələri beynəlxalq
ixtisaslaşmada eyni dərəcədə iştirak etmirlər. Beynəlxalq ixtisaslaşmanın iştirakçıları bir
qayda olaraq dinamik surətdə inkişaf edən və müasir texnologiyalardan istifadə edən
63
müəssisə və firmalar və ya xammal sahəsində (neft, qaz, metal filizləri və s.) məşğul olan
şirkətlər olurlar.
3.4. Beynəlxalq istehsal kooperativləşdirilməsi: xüsusiyyətləri və növləri
BƏB-in digər forması istehsalın beynəlxalq kooperativləşdirilməsidir. Onun obyektiv
əsası kimi məhsuldar qüvvələrin artan inkişaf səviyyəsi, müstəqil müəssisələr arasında
möhkəm və sabit istehsal əlaqələri prosesi çıxış edir.
Kooperativləşdirmənin mahiyyətinin aydınlaşdırılması üçün onun ilk növbədə
kooperasiyadan olan fərqini göstərmək lazımdır. Qeyd edək ki, bu anlayışlar tamamilə fərqli
iqtisadi məzmun kəsb edir.
Kooperasiya dedikdə bir müəssisədə, iri firmada və ya korporasiyada çalışan çoxsaylı
işçilərin birgə həyata keçirdikləri istehsal prosesi başa düşülür. Bu zaman istehsalın həyata
keçirildiyi təşkilati və iqtisadi struktur vahid xarakter kəsb edir, bir və ya bir neçə şəxsin
mülkiyyətində olur.
Kooperasiyanın
əksinə
olaraq,
kooperativləşdirmə
müəyyən
məhsulun
hazırlanmasında iştirak edən və bu zaman özünün təsərrüfat müstəqilliyini saxlayan
müxtəlif
müəssisələr
arasında
istehsal
əlaqələrinin
mövcudluğu
deməkdir.
Kooperativləşdirmədə iki xarakter cəhəti fərqləndirmək lazımdır: a) bu prosesin inkişafı
zamanı müxtəlif ölkələrin müstəqil istehsalçıları ayrı-ayrı məhsul növlərinin yaradılması
üzrə müqavilə əsasında birgə fəaliyyət həyata keçirirlər, yəni kooperativləşən müəssisələr
razılaşdırılmış məhsul çeşidinin birgə istehsalı üzrə məsuliyyəti bölüşdürürlər; b)
kooperativləşdirmə birgə istehsalın iştirakçıları arasında mübadilənin olmasını nəzərdə
tutur. Qeyd olunanlar göstərir ki, kooperativləşdirmə BƏB-in iki xarakterik cəhətini özündə
əks etdirir və deməli, onun formalarından biridir.
Beynəlxalq istehsal kooperativləşdirilməsi üçün aşağıdakı xüsusiyyətlər
xarakterikdir:
1.
Kooperasiyanın mürəkkəb formaları – sənaye birlikləri və ya transmilli şirkətlərdən
fərqli olaraq kooperativləşdirmədə istehsal əlaqələri müxtəlif mülkiyyətçilər arasında
baş verir. Bu, beynəlxalq istehsal kooperativləşdirilməsinin ən əsas xarakterik
xüsusiyyətidir.
64
2.
Beynəlxalq istehsal kooperativləşdirilməsinin vacib xüsusiyyətlərindən biri də onun
ilkin müqavilə xarakteri daşımasıdır. Kooperativləşdirmədə maraqlı olan müstəqil
subyektlər – müxtəlif ölkələrin firma və müəssisələri – birgə istehsal prosesinin
şərtlərini müqavilə əsasında razılaşdırırlar.
3.
Beynəlxalq istehsal kooperativləşdirilməsi kooperasiya ilə yanaşı adi ticarətdən də
fərqlənir. Əmtəələrlə, xidmətlərlə, elmi-texniki biliklərlə beynəlxalq ticarət zamanı
yalnız dəyər formasının dəyişilməsi baş verir və hər bir partnyor müəyyən istehsal
funksiyalarını müstəqil olaraq yerinə yetirir. Kooperativləşdirmə zamanı isə
partnyorların münasibətləri özünü bilavasitə istehsal prosesində əks etdirir.
Kooperativləşdirmə üçün ticarətə nisbətən daha intensiv əməkdaşlıq xarakterikdir.
Tərəflərin fəaliyyəti qarşılıqlı asılı xarakter daşıyır və onlar müəyyən təsərrüfat
məqsədinin əldə edilməsinə yönəlmiş birgə fəaliyyəti həyata keçirirlər.
4.
Beynəlxalq istehsal kooperativləşdirilməsinin digər bir xüsusiyyəti bu zaman
müəssisələr arasında qurulan istehsal əlaqələri uzunmüddətli xarakter kəsb
etməsindən ibarətdir. Birdəfəlik olan beynəlxalq ticarətdən fərqli olaraq
kooperativləşdirmə münasibətləri uzun dövr üçün nəzərdə tutulur.
5.
Nəhayət, beynəlxalq istehsal kooperativləşdirilməsinin fərqləndirici xüsusiyyəti
özünü həmçinin, onun bəzən kompleks xarakter daşımasında göstərir. Yəni,
kooperativləşdirmə istehsal prosesi ilə yanaşı, elmi-tədqiqat işlərini, istehsala xidmət
edən satış fəaliyyətini də əhatə edir.
Beynəlxalq istehsal kooperativləşdirilməsi özünün inkişaf etmiş formalarında
müxtəlif əməkdaşlıq sferalarını əhatə edir:
1)
İstehsal-texnoloji əməkdaşlığa aiddir: a) lisenziyaların ötürülməsi və mülkiyyət
hüquqlarının istifadəsi; b) layihə-konstruktor sənədlərinin, texnoloji proseslərin,
məhsulun texniki səviyyəsinin və keyfiyyətinin, tikinti və quraşdırma işlərinin
işlənməsi və razılaşdırılması; c) istehsalın idarə edilməsinin, standartlaşdırmanın,
unifikasiyanın,
sertifikatlaşdırmanın,
istehsal
proqramlarının
bölgüsünün
təkmilləşdirilməsi;
2)
Kooperasiya olunmuş məhsulların satışı ilə əlaqədar ticarət-iqtisadi proseslər, yəni,
qarşılıqlı əlaqəli məhsulun kooperantlar və bir sıra üçüncü şəxslər arasında
reallaşdırılması;
3)
Texnikaya satışdan sonra xidmətin göstərilməsi.
Dostları ilə paylaş: |