56
bölgüsünün obyektləri kimi müxtəlif əmtəələr və xidmətlər çıxış edirlər. Ölkə
daxilində müəssisələr həmçinin texnoloji nailiyyətlərlə, elmi-texniki təcrübə ilə,
mütəxəssislər və işçilərlə mübadilə edirlər. Bütün bu sadalanan obyektlər BƏB üçün
də xarakterikdir, lakin onların əhatə dairəsi əhəmiyyətli dərəcədə fərqlidir. Yəni, ölkə
daxilində mübadilə olunan məhsul və xidmətlərin çeşidi beynəlxalq səviyyədə
mübadilədən daha genişdir.
Yuxarıda deyilənlərdən belə bir nəticə çıxarmaq olar ki, BƏB ölkədaxili əmək
bölgüsünün davamı deyil. O, ictimai əmək bölgüsünün xüsusi, müstəqil növlərindən biridir.
Beləliklə, beynəlxalq əmək bölgüsü müxtəlif ölkələrin müəssisələrinin müəyyən
əmtəə və xidmətlərin istehsalı üzrə ixtisaslaşdıqları və sonradan bu əmtəə və xidmətlərlə
mübadiləni həyata keçirdikləri, qarşılıqlı surətdə asılı olan istehsalın təşkili sistemi və ya
üsuludur.
BƏB-in mahiyyəti özünü istehsal prosesinin bölünməsinin və birləşməsinin dialektik
vəhdətində göstərir. BƏB-in əsas məzmunu əmək fəaliyyətinin müxtəlif növlərinin
ayrılmasından və xüsusiləşməsindən, onların qarşılıqlı fəaliyyətindən və bir-birlərini
qarşılıqlı surətdə tamamlamalarından ibarətdir. Yəni, əmək bölgüsü təkcə ayrılma prosesi
kimi deyil, həmçinin əməyin birləşdirilməsi üsulu kimi çıxış edir. BƏB-in əsası kimi
müxtəlif ölkələr arasında baş verən qarşılıqlı iqtisadi fəaliyyət zamanı ixtisaslaşma və
mübadiləyə olan obyektiv ehtiyacı göstərmək olar.
Yuxarıda göstərildiyi kimi, BƏB ölkələr arasında ictimai ərazi əmək bölgüsünün ən
yüksək inkişaf səviyyəsidir. Bu, ölkələrin müxtəlif məhsullar üzrə iqtisadi mənfəət
baxımından sabit surətdə ixtisaslaşmalarında və bu məhsullarla qarşılıqlı mübadilədə
təzahür edir.
Qeyd etmək lazımdır ki, müəssisələrin beynəlxalq ixtisaslaşması da ölkə daxilində
olan formalarda baş verir. Yəni, beynəlxalq qarşılıqlı əlaqəli istehsal sistemində iştirak edən
müəssisələr müəyyən konkret məhsullar istehsal edirlər, bu müəssisələrdə konkret peşə
nümayəndələri çalışırlar və bu müəssisələr müəyyən ərazilərdə yerləşirlər.
BƏB-in formalarına gəldikdə isə, dünya arenasında da istehsal fəaliyyətinin
nəticələri ilə mübadilə müəyyən qruplara – istehsal sahələrinə, altsahələrinə və növlərinə
daxil olan müəssisələr arasında baş verir. Və mübadilənin hansı qrupa daxil olan
müəssisələr arasında baş verməsindən asılı olaraq BƏB-in uyğun formaları – sahədaxili,
sahələrarası, növlərarası formaları meydana gəlir. Lakin dünya arenasında regionlararası
57
forma əvəzinə iki ölkə arasında əmək bölgüsünü xarakterizə edən milli təsərrüfat forması
əmələ gəlir.
BƏB-in sahədaxili forması milli təsərrüfatın hər hansı bir eyni sahəsinə aid olan
müxtəlif ölkə müəssisələrinin müəyyən predmet, o cümlədən detal, aqreqat və s. istehsalı və
mübadiləsi üzrə (məsələn, müxtəlif növ traktorların və onların hissələrinin istehsalı və
mübadiləsi) səylərini təmərgüzləşdirmələri deməkdir.
BƏB-in sahələrarası forması əmək bölgüsünün milli təsərrüfatların müxtəlif sahələri
(məsələn, maşınqayırma və bitkiçilik) arasında peyda olması demək deyil. Bu zaman söhbət
eyni növ istehsalın, yəni sənayenin və ya kənd təsərrüfatının müxtəlif sahələri arasında
əmək bölgüsündən gedir.
Yuxarıda qeyd olunan iki formadan fərqli olaraq BƏB-in növlərarası forması
istehsalın müxtəlif növləri (məsələn, sənaye və kənd təsərrüfatı) arasında əmək bölgüsü
deməkdir.
Nəhayət, BƏB-in milli təsərrüfat forması ölkələr arasında əmək fəaliyyətinin
bölgüsünün onların milli iqtisadiyyatları miqyasında baş verməsidir. Bu forma ayrı-ayrı
ölkələrin ümumi daxili məhsulun xarici bazarda satış üçün nəzərdə tutulmuş müəyyən
hissəsinin istehsalı üzrə səylərini cəmləşdirməsini əks etdirir.
BƏB prosesində əsas budur ki, bu prosesin hər bir iştirakçısı BƏB-də iştirakdan
iqtisadi maraq, mənfəət güdür və son nəticədə onu tapır. Beynəlxalq mübadilə zamanı
BƏB-in üstünlüklərinin reallaşdırılması hər bir ölkəyə ən azı aşağıdakıları əldə etməyə
imkan verir:
1)
ixrac edilən əmtəə və xidmətlərin beynəlxalq və daxili qiymətləri arasında fərqi;
2)
daha ucuz idxaldan istifadə etməklə milli istehsaldan imtinanın daxili xərclərin
qənaətinə gətirib çıxarmasını.
Yuxarıda deyilənlərdən çıxış edərək BƏB-in məzmununu açan əsas tezisləri
aşağıdakı kimi formalaşdırmaq olar:
BƏB ictimai əmək bölgüsünün xüsusi növüdür, ölkə daxili əmək bölgüsündən fərqli
olaraq BƏB müxtəlif ölkələrin müəssisələri arasında baş verir;
BƏB iki xarakterik cəhətə - istehsalın ixtisaslaşması və mübadiləyə malikdir;
müəssisələrin ixtisaslaşması üç formada – predmet, peşəkar və ərazi formalarında baş
verir;
58
istehsalın ixtisaslaşması formalarından fərqli olaraq BƏB-in müxtəlif formaları
(sahədaxili, sahələrarası, növlərarası və milli təsərrüfat) müəyyən qrup müəssisələr
arasında mübadiləni əks etdirir.
3.2. Beynəlxalq əmək bölgüsünün əsas konsepsiyaları
BƏB nəzəriyyəsi öz nəzəri əsaslarını və inkişafını ilk klassik iqtisadçılar – Adam
Smit və David Rikardonun əsərlərində tapıb. İngilis iqtisadçısı A.Smit özünün ―Xalqların
sərvətinin təbiəti və səbəbləri haqqında traktat‖ (1776) əsərində azad ticarətin və
sahibkarlığın zəruriliyini sübut edirdi. Onun fikrincə, azad ticarətə qoyulan müxtəlif
məhdudiyyətlər ayrı-ayrı regionlar və ölkələr arasında əmək bölgüsünün dərinləşməsinə
mane olur. Bu maneələrin aradan qaldırılması və beynəlxalq mübadilənin fəaliyyət
sahəsinin genişləndirilməsi son nəticədə milli iqtisadiyyatların ixtisaslaşmasına və onların
qarşılıqlı asılılıqlarının güclənməsinə, bir sözlə ümumdünya təsərrüfatının bərqərar
olmasına gətirib çıxarmalıdır.
A.Smit əmək bölgüsü prinsipini beynəlxalq iqtisadi əlaqələrə münasibətdə tətbiq
edərək belə bir nəticəyə gəlib ki, mübadiləyə hazır olan hər bir ölkə mütləq üstünlüyə malik
olduğu əmtəə üzrə ixtisaslaşdığı halda, bundan digər ölkələr də mənfəət qazanırlar.
Beləliklə, A.Smitə görə, əmək bölgüsünün əsasında mütləq üstünlük prinsipinə əsaslanan
ixtisaslaşma durur.
Lakin mütləq üstünlüyə əsaslanan ixtisaslaşma bu cür üstünlüyə malik olmayan
ölkələrə beynəlxalq mübadilədə iştirak etməyə imkan vermir. A.Smitin nəzəriyyəsində
mövcud olan bu çatışmazlıq digər ingilis iqtisadçıları – David Rikardo, R.Torrens və Con
Stüart Millin əsərlərində aradan qaldırılmağa çalışılıb. Onların, xüsusilə də D.Rikardonun
BƏB nəzəriyyəsinin inkişafına göstərdikləri əsas xidmət iqtisad elminin fundamental
nəzəriyyələrindən birinin – müqayisəli üstünlüklər nəzəriyyəsini işləmələrindən ibarətdir.
Müqayisəli üstünlüklər (və ya istehsalın müqayisəli xərcləri) nəzəriyyəsinin əsasında
ölkələr arasında istehsal şərtlərində fərqlərin mövcudluğu fikri durur. Prinsipcə istənilən
ölkədə istənilən əmtəənin istehsalı prosesini təşkil etmək olar. Məsələn, Azərbaycanda kivi
yetişdirmək mümkündür. Lakin çəkilən xərclərin çoxluğu səbəbindən onun dəyəri yüksək
olardı. Bu və ya digər əmtəələrin istehsalı üçün çəkilən xərclərin müqayisəsi göstərir ki,
bütün əmtəələrin istehsalındansa daha az xərc tələb edən əmtəənin istehsalına diqqəti
Dostları ilə paylaş: |